العالم الاسلامى.....بلمسات فيستا !!

[The_Relativistic200]

معلش....هضطر اسفا..انى احط حاجة كده مش قد المقام بتاع حضراتكم
لانى عارف من زمان انكم اعلى من كده....
موضوعنا النهاردة عن الشفافية اللى هى احسن حاجة فيا....(صلاح عبد الله)
والموضوع انا ناقله....لانى مش بالجمال ده عشان اتكلم فى الشفافية..الا انه شكل نسبة من وجهة نظرى

ما علينا...
عامة هتحس مع الموضوع انك مصرى....وهتفتخر بمصريتك جدا...
ما شربتش من نيلها طب جربت تغنيلها
المهم

بسم الله الرحمن الرحيم
أربع دول إسلامية فقط تخطت حاجز النجاح
تقرير الشفافية هو تقرير تُخرِجه الأمم المتحدة كل عام يصف حالة دول العالم المختلفة من حيث درجة الشفافية في التعاملات المالية والإدارية والسياسية وغيرها في البلد، ويأخذ في الاعتبار جرائم الفساد ومعدل تكرارها، واختلاس الأموال العامة وشيوعه، والرشاوى المعلنة وغير المعلنة، والإتاوات التي تفرض على الشركات الخاصة والأفراد، ومدى المصداقية في الموازنات العامة وفي الخطاب السياسي والحكومي، ومدى مخالفة القوانين والتشريعات والخروج على القواعد الحاكمة للبلد، وغير ذلك من أمورٍ تحدِّد مدى الأخلاقيات الأساسية في التعاملات المختلفة داخل الحكومة.
ويعطي التقرير الدرجة النهائية (10 من 10) للدولة التي لا تظهر فيها أيّ حالة فساد مطلقًا طول السنة، وتبدأ الدرجة في الانخفاض بمعايير دقيقة كلَّما ازداد الفساد في الدولة.
وآخِر تقرير صدر من الأمم المتحدة بهذا الشأن هو تقرير عام 2007م، وقد آثرتُ أن أشارك القرَّاء الأفاضل بعض النتائج في هذا التقرير، والتي تحمل دلالات كثيرة عميقة لا تخفى على أحد، فهي من الوضوح بمكان!
أفضل ثلاث دول في العالم من حيث قلة الفساد الحكومي فيها هي الدنمارك وفنلندا ونيوزيلندا، وقد حصلت هذه الدول على درجة 9.4 من 10. ثم يأتي بعدهم سنغافورة والسويد بدرجة 9.3 من 10، ثم يأتي عدة دول أوربية، إضافةً إلى هونج كونج واليابان، وتأتي أمريكا في المرتبة العشرين في التقرير بدرجة 7.2 من10.
ولا شك أن القارئ شغوف أن يعرف أين دول العالم الإسلامي؟!
لقد ضم التقرير تسعًا وأربعين دولة مسلمة من إجمالي عدد الدول التي شملها التقرير، وهو 179 دولة.
أول دولة إسلامية في التقرير هي دولة قطر، وجاءت في المركز الثالث والثلاثين على العالم بدرجة 5.8 من 10، متبوعة بدولة الإمارات في المركز السابع والثلاثين بدرجة 5.7 من 10، ثم ماليزيا في المركز الثالث والأربعين بدرجة 5.1 من 10، فالبحرين في المركز السادس والأربعين بدرجة 5 من 10.
وهذا يعني أن هناك 4 دول إسلامية فقط هي التي تخطت حاجز النجاح في مسألة الشفافية، لو اعتبرنا أن حاجز النجاح هو 50%، بمعنى أن نصف المعاملات في البلد فاسد، والنصف الآخر أخلاقي! أما لو اعتبرنا أن حاجز النجاح هو 60% كما يحدث في الكليات والجامعات المختلفة (درجة مقبول أعلى من 60%)، فهذا يعني أن كل دول العالم الإسلامي رسبت في تقرير الشفافية!!
يرصد التقرير انتشار الفساد في الدول الإسلامية
ويرصد التقرير بعض النتائج المفجعة في بعض البلاد الإسلامية الكبرى التي تمتلك إمكانيات هائلة تضعها في مصافّ الدول المهمة في العالم بشرط أن يقل فيها الفساد؛ فنجد مثلاً أن تركيا قد جاءت في المركز السابع والستين بدرجة 4 من 10، والسعودية في المركز التاسع والسبعين بدرجة 3.4 من 10، والجزائر في المركز التاسع والتسعين بدرجة 3 من 10، ومصر في المركز الحادي عشر بعد المائة بدرجة 2.8 من 10، وباكستان في المركز الثامن والثلاثين بعد المائة بدرجة 2.4 من 10، وإندونيسيا في المركز الثالث والأربعين بعد المائة بدرجة 2.3 من 10 !!!
أما إذا تم حساب متوسط الفساد في دول العالم الإسلامي المختلفة، فسنجد أن درجة العالم الإسلامي هي 2.8 من 10.
إن هذا التقرير يضع أيدينا بشكل كبير على أحد أهم أسباب تخلُّف الأمة الإسلامية وانحدارها، وبُعْدِها عن وصف ربِّها لها عندما قال: "كُنْتُمْ خَيْرَ أُمَّةٍ أُخْرِجَتْ لِلنَّاسِ" (آل عمران: 110).
إننا كنا دومًا نَتِيهُ على العالم ونفخر بأننا الأفضل والأحسن، وكنا نشاهد الطفرات العلمية الكبرى في العالم هنا وهناك، فيقول: بعضنا لا ضير، نحن ما زلنا الأفضل والأحسن؛ لأن الحضارة ليست ماديات وعلوم فقط، إنما هي في الأساس أخلاق وقيم. وها هو التقرير الذي يكشف درجة احترام الأخلاق والقيم يظهر ليبرز لنا بوضوح رسوب العالم الإسلامي في قضايا الأخلاق والقيم!! والحق أن هذه النتيجة ليست مستغربة، وليس فيها - كما سيحاول البعض - افتراءً من الأمم المتحدة على دول العالم الإسلامي الغلبانة؛ لأننا نشاهد بأنفسنا مدى الانهيار الشديد في مستوى الأخلاق في معظم التعاملات المالية والإدارية والسياسية في كل بلاد العالم الإسلامي. إن الدرجة التي حصل عليها العالم الإسلامي تعني أن أكثر من سبعين بالمائة من التعاملات في داخل الأمة الإسلامية هي تعاملات فاسدة وغير أخلاقية!!
ولعل الفاجعة تزيد والألم يشتد عندما نجد أن التقرير أيضًا قد أعطى اليهود الذين يحتلون وطننا الحبيب في فلسطين درجة 6.1 من 10، وجاء اليهود بهذه الدرجة في المركز الثلاثين على العالم!! وأكرر أن التقرير ليس محابيًا لليهود على حساب المسلمين؛ لأننا نشاهد
أولمرت متهم بتلقي رشاوي انتخابية
في وسائل الإعلام وعلى صفحات الجرائد، المحاكمات التي يتعرض لها كبار رجال الحكومة اليهودية عند ظهور اشتباه في حالات فساد، ويشمل التحقيق أحيانًا أكبر رءوس في الحكومة مثل شارون سابقًا، وأولمرت حاليًا.
إن اليهود الذين لعنهم الله عزَّ وجلَّ في أغلب صفحات القرآن الكريم، وذمَّ أخلاقهم بصورة متكررة قد حققوا درجة أعلى من أيّ دولة إسلامية في مستوى الأخلاق!! وهذا يفسر بوضوح لماذا لم تفلح الدول الإسلامية الكثيرة في إخراج اليهود حتى الآن من أرضنا الحبيبة فلسطين.
إن القضية ليست قضية مال وسلاح وعتاد، إن القضية في الأساس قضية عقيدة وأخلاق، وإذا كان المسلمون قد وصلوا إلى درجة من الوَهْن في العقيدة جعلتهم لا يكترثون برقابة الله عزَّ وجلَّ لهم، ووصلوا إلى درجة من الضعف في الأخلاق بحيث ينخفضون في أخلاقهم عن اليهود، فإن كل هذا يفسر الأوضاع المقلوبة التي نعاني منها جميعًا.
إننا نحتاج إلى تغيير مناهج حياتنا بكاملها، ونحتاج أن نفقه جيدًا قول رسولنا الأكرم صلى الله عليه وسلم: "إِنَّمَا بُعِثْتُ لأُتَمِّمَ مَكَارِمَ الأَخْلاَقِ"1. وليست القضية هي قضية الحكومات فقط، فالحكومات الفاسدة خرجت من داخل الشعوب، والمعاملات الفاسدة ليست بين الرؤساء والوزراء فقط، إنما هي موجودة في أصغر مكتب من مكاتب الحكومات الإسلامية.
إن الآثار المترتبة على هذا الانحدار الخلقي خطيرة، ولن يتوقف الأمر عند تخلف دولنا، أو احتلال أراضينا، بل سيصبح حالنا هذا فتنة للعالم أجمع. وقِفْ مع نفسك وقفة صادقة، واسْأل: ماذا سيفعل شعب الدنمارك عندما يقرأ تقرير الشفافية، فيجد أن الفساد في بلاده يكاد يكون منعدمًا، بينما الفساد في بلاد العالم الإسلامي يزيد على سبعين بالمائة من تعاملاتهم؟!
"رَبَّنَا لاَ تَجْعَلْنَا فِتْنَةً لِلَّذِينَ كَفَرُوا" (الممتحنة: 5).





اعتقد انه من الفقه اننا نشوف الكلام ده كويس اوى...
ولا يا شيخة..بلا قلبة دماغ...
بلا شفافية بلا مهلبية

خلينا فى التنسيق بتاعنا و معتز اينو
مش منتظر اراءكم!!
انا عن نفسى قريت الموضوع

اللى عاوز التقرير على بعضه.....وده مستحيل....يقوللى وابعتهوله..
فال يعنى قرا الموضوع اوى

[FRANKENSTEIN]

ر بأننا الأفضل والأحسن، وكنا نشاهد الطفرات العلمية الكبرى في العالم هنا وهناك، فيقول: بعضنا لا ضير، نحن ما زلنا الأفضل والأحسن؛ لأن الحضارة ليست ماديات وعلوم فقط، إنما هي في الأساس أخلاق وقيم

بجد موضوع جميل اوي يا خالد :D
بس فعلا اقرب دليل ع دا انك تروح اي مصلحه حكومية وحاول تمشي حاجه بالقانون بس
صعبة


بس مظنش انها غلطه الموظف اللي بيقبض ميت ملطوش
العيب فعلا ف تدني المرتبات و غلاء الاسعار وعدم وجود رقابه

وزي ما قلت برضه العيب حاليا ف البعد عن اخلاقيات الاسلام و روحه
وزي ما قال الشااعر الكبير فاروق جويده ف قصيده هذي بلاد لم تعد كبلادي
هذي بلاد تاجرت ف عرضها....... وتفرقت شيعا بكل مزاد
لم يبقي من صاحب الجياد سوي الاسي ....تاريخ هذي الارض بعض جياد

[فنكوشه المنكوشه]

وانا بعمل البطاقه الاسبوع اللي فات
قابلتني موظفه من الموظفات وقالتلي لازم اكتب كلمه معينه
مش مهم الكلمه الرخامه في حاجه تانيه
لون القلملازم قلم اسود
واصلا مركز اصدار البطاقات في حته مقطوعه الاقيلها انا منين قلم اسود ولفيت طبعا المصلحه راجل راجل وست ست وعمالين يضحكوا عليا اشمعنه يعني قلم اسود
ونفسي اقولهم بنت ال الناس الطيبين اللي هناك دي هي السبب
ماعلينا
وانا في الجوزات وراحله اقدم الاستمارات رحت لاقيت الطابور يعني لو وقفت فيه يبقي قدامي لبكره ومع ذلك قدمت اول واحده لاني بنوته اظاهر الظابط كان عاجبه البرفان بتاعي مثلا ودا علي اساس ان طابور الستات فاضي طبعا الناس كنت حاسه انهم عاوزين يدوني علقه وانا شمتانهمع ان العدل انهم ياخدوا واحده من طابور الستات وبعدها 10 من طابور الرجاله بس بعد ما انا امشي
دا في المصالح الحكوميه تروح يمين يودوك شمال تروح شمال يرجعوك يمين لحد ما تدوخ ويا تزهق يا تعند وتنول المراد بعد اكرميه 20جنيه
الغريبه ان اصحاب المصالح الحكوميه هما اللي بيشتكو من الرشوه والفساد في البلد
يعني ي*** القتيل ويمشي في الججنازه
وكل واحد عمال عاوزز يغير في اللي حواليه وعاوزهم يبقوا احسن ناس (يعيني)وبينسي اهم واحد هو نفسه
عموما انا مش مستغربه من الاحصائيه
دا كويس انها جت علي اد كدا

[واحـد من النــاس]

على فكرة مصر في المركز الـ 105 مش الـ 111 بنسبة 2.9 مش 2.8

موضوع جميل بس مش هيحرك حاجة

[Rien]

موضوع مهم
وحل المشكلة بيبدأ مننا
ان الله لا يغير ما بقوم حتى يغيروا ما بانفسهم

المشاركة الأصلية كتبت بواسطة The_Relativistic200

ومصر في المركز الحادي عشر بعد المائة بدرجة 2.8 من 10

الـ 2.8 دول جابوهم منين :D ؟!!

موضوع جميل ياخالد
المركز ال100 المركز ال105 ولا 110 مش مهم
اصل بص ياخالد
الكبير بياكل يبئا الصغير يموت جعان
مهو انا بقلد الاكبر منى علشان اقدر اعيش
ثم انتا متقرش نفسك بدولة من اوربا او اسيا
الدول دى مستوى المعيشة فيها مرتفع
ومتلقيش فيها فساد ولا سرقة ولا غيره
لان الحكومات بتعمل من اجل المواطن العادى مش رجل الاعمال زى عندنا

[dr.zomba]

وليس فيها - كما سيحاول البعض - افتراءً من الأمم المتحدة على دول العالم الإسلامي الغلبانة؛

غالبا اللي هيطلعوا يقولوا كدا الحكومه

الحكومه خلت اي حد مش معاها يبقي مفتري الشعب ذات نفسه مفتري

موضوع حلو يا خالد ولذيذ وزي الفل ويحرق الدم ويرفع الضغط ويزود السكر ويعمل حاجات حلوه

[The_Relativistic200]

يا سلام
ايه الحلاوة والجمال ده

بس حاجة مش لفتت نظرى...بس ما علينا

ثم انتا متقرش نفسك بدولة من اوربا او اسيا
الدول دى مستوى المعيشة فيها مرتفع
ومتلقيش فيها فساد ولا سرقة ولا غيره
لان الحكومات بتعمل من اجل المواطن العادى مش رجل الاعمال زى عندنا

على فكرة عندهم مش برضو بالالتزام اللى انت متخيله
الا تفتكر الناس بتخلص فى عملها ليه وبتجد وتجتهد وتسبق ليه
ما تعرفش!!!
لغرض الجد والاجتهاد...ولانهم عارفين انه سبب التقدم وغيره
غير انهم برضو زى ما تقول عندهم ثواب وعقاب ....انما احنا
جينا نخصخص...فبقوا يخصخصوا الشركات والعمال يفضلوا قطاع عام زى ما هم....

ما علينا...
سيبك انت....
شوفت الجون اللى دخل فيكو.....كان حكاية
================================================== ====

موضوع جميل بس مش هيحرك حاجة

ما كده عمرنا ما هنتحرك
================================================== ====

هذي بلاد تاجرت ف عرضها....... وتفرقت شيعا بكل مزاد
لم يبقي من صاحب الجياد سوي الاسي ....تاريخ هذي الارض بعض جياد

وزى ما نا قولت برضو قبل كده بس هقوللك بعدين....
عشان مصر دى من زمان والخير ده فيها ..
وهيفضل فيها...
سبحان الله مصر دى ولادة...
وسبحان الله فى ناس كتير عظماء ما كانوش من مصر
وده بيزود قناعتى كل يوم ان مصر حراميتها بتزيد
لا قطز مصر ولا بيبرس ولا صلاح الدين ولا عمرو بن العاص......
رضى الله عنهم اجمعين

[عاشقـــ الانمى ـــة]

متهيالى دولة زى مصر
70مليون واكتر كمان
أكيد نسبة الفساد فيها هتبقى كبيرة
دا راجع لان عدد السكان فيها كتير
وفى ناس كتير فيها مش لاقية تعيش برضه يا جماعه
يعنى فى أسباب كتير تخلينا فى الموقف دا
وشكرا خالد على موضوع حضرتك
بجد وحشتنا مواضيع حضرتك اوى

[Boy of alex]

موضوع جميل