اقتباس:
المشاركة الأصلية كتبت بواسطة coody
عايز نصيحتي اللي بجد ؟؟
أنا مش هقولك الكلام التقليدي الساذج بتاع خد كورسات مش عارف ايه وأيه وكده ..
أنت داخل الجامعة مش مجرد داخل صرح تعليمي هتتعلم فيه .. لكنك داخل مجتمع جديد
المجتمع ده هيكون مليان بلاوي زرقة ، شبهات وبلاوي منيلة بستين نيلة
في ناس بتدخل الجامعة بتلحد ، وفي ناس سلوكها الإجتماعي بيتغير ، وبتطلع أسوأ ما فيهم
وفي ناس العكس ، على حسب شخصيتك هتكون صُحْبِتك ، وعلى حسب صحبتك هتتغير شخصيتك 
نصيحتي ليك : تدرس شيء في العقيدة الإسلامية ، وشيء في الفقه ، على إنك تبدأ توسّع مداركك فيهم بعد كده عشان تعرف تواكب الجامعة في ماسئلها
أو كتاب يتكلم عن الإسلام بشكل شمولي .. زي كتاب " الإسلام" للشيخ سعيد حوّى ، فهو بيمر على الإسلام كله بكل أحكامه وجوانبه مرور سريع بسيط غير مخلّ
في العقيدة : عقيدة المؤمن لأبي بكر الجزائري ، أو ما لا يسع المسلم جهله ، أو شوف شروحات عالنت (أنا شفت في أول سنة في الجامعة شرح العقيدة الواسطية وكتاب التوحيد للشيخ وحيد بالي ، كلهم على بعض 11 فيديو حلوين مختصرين مركزين ، وفرقوا معايا كتير)
والفقه ممكن الفقه الميسّر ، على إنك تشوف شرح ليه عالنت (كشرح الشيخ المقدّم مثلاً)
ساعتها هتدخل الجامعة - أياً كانت- مرتاح راكز قوي ، هيرجعلك أصحابك في أي تفصيل يحتاجوه ، وهيكون ليك رأي يحترمك الناس بيه
وكما قال الشاعر : وإذا فهمت الفقهَ عِشْتَ مُصَدّرَاً ... في العالمين مُعَظَّمَ المقدارِ
دي نصيحتي ، والله أعلى وأعلم |
فعلا عندك حق والله
ناس كتير قلتلي نفس الكلام ده .. فعلا دي افضل نصيحه جزاك الله خيرا -- بس ممكن تجيبلي الروابط بتاعت الفديوهات اللي قلت عليها معلش --- وكمان كتاب عقيدة المؤمن ده كان عندي
22-07-2015, 02:34 AM
العرض المتطور
