سؤال مهم ارجو الاجابه عن كليه طب

[mostafaa3]

السلام عليكم

عندى استفسار يا جماعه ياريت اللى يعرف يرد عليا

1- هى السنه فى طب بتبقا على بعضها ولا تيرمات ؟؟ يعنى فيها اجازه نص سنه ولا لأ ؟ :D
2- التخصص بيكون من سنه كام ؟
3- و هل التخصصات بالتقديرات ولا اى حد يدخل اى حاجه هو عايزها ؟
ولو معتمد عالتقدير انهى اعلى قسم ف طب ؟؟

شكرا اوى و جزاكم الله خيرا

[chalijaly]

علي حسب الكليه لغايه سنه 3 كل كليات الطب بتبدي اجاه نص سنه ماعدا اسكندريه بتبقي السنه متواصله مذاكره
من بعد 4 بتبقي كل الكليات متواااااصل و5 و6 ورا بعضيهم علي طول يعني مفيش لا نص سنه ولا اخر السنه كمان انت بتخلص 6 علي شهر 11 يعني مش شهر 7 زي البشر يعني بتبقي بدأت في نص سنه جديده
التخصص بعد سنه الامتياز وسنتين التكليف لو ليك تكليف
طبعا المجموع هو اللي بيحدد التخصصات المتاحه ليك زي موضوع تنسيق الثانويه بالظبط
بس ممكن لو مجموعك مش قوي او جالك حاجه مش عاوها او مش عاوز تاخد سنتين تكلييف بتعمل استقاله من وزاه الصحه وبتبدأ تسجل الماجستير بعد الامتياز علي طول في اي تخصص تحبه انت زيك زي الاوئل اللي واخدين نيابه من الجامعه.بس شرط ان الكليه تقبلك يعني كل مامجموعك كان كويس كل مازاد فرصه قبولك من الكليه اللي هتسجل فيها.
بس انت كده بتكون في الشارع وملكش شغل في مستشفيات الحكومه
بس علشان تتعلم صح بتروح الجامعه اللي بتسجل فيها او اي جامعه وبتعمل فيها حاجه اسمها نايب زاير بتدفعلهم فلوس كل شهر في حدود 600 ل1000 جنيه علشان تتعلم في مستشفي الجامعه وتحتك بالاساتذه الكبيره وطبعا ده اللي بيعلمك الطب صح لان ال6 سنين اللي هتتعلهم في الكليه هتطلع لا تفقه شي في اي شي
وكده بتكون احسن من اللي بياخدوا تكليف سنتين في وحده صحيه او مستشفي وحشه مش بيعرفوا يسجلوا ماجستير الا بعد سنتين وكمان مش بيتعلموا حاجه لان مفيش حد يعلمهم .كل ده علي قرشين هياخدوهم من الحكومه . ممكن ياخدوهم من عياده خاصه
مفيش حاجه اسمها اعلي قسم لانه بيكون رغبات .بس غالبا الاوئل بياخدوا رمد ...عيون يعني

[mostafaa3]

المشاركة الأصلية كتبت بواسطة chalijaly

علي حسب الكليه لغايه سنه 3 كل كليات الطب بتبدي اجاه نص سنه ماعدا اسكندريه بتبقي السنه متواصله مذاكره
من بعد 4 بتبقي كل الكليات متواااااصل و5 و6 ورا بعضيهم علي طول يعني مفيش لا نص سنه ولا اخر السنه كمان انت بتخلص 6 علي شهر 11 يعني مش شهر 7 زي البشر يعني بتبقي بدأت في نص سنه جديده
التخصص بعد سنه الامتياز وسنتين التكليف لو ليك تكليف
طبعا المجموع هو اللي بيحدد التخصصات المتاحه ليك زي موضوع تنسيق الثانويه بالظبط
بس ممكن لو مجموعك مش قوي او جالك حاجه مش عاوها او مش عاوز تاخد سنتين تكلييف بتعمل استقاله من وزاه الصحه وبتبدأ تسجل الماجستير بعد الامتياز علي طول في اي تخصص تحبه انت زيك زي الاوئل اللي واخدين نيابه من الجامعه.بس شرط ان الكليه تقبلك يعني كل مامجموعك كان كويس كل مازاد فرصه قبولك من الكليه اللي هتسجل فيها.
بس انت كده بتكون في الشارع وملكش شغل في مستشفيات الحكومه
بس علشان تتعلم صح بتروح الجامعه اللي بتسجل فيها او اي جامعه وبتعمل فيها حاجه اسمها نايب زاير بتدفعلهم فلوس كل شهر في حدود 600 ل1000 جنيه علشان تتعلم في مستشفي الجامعه وتحتك بالاساتذه الكبيره وطبعا ده اللي بيعلمك الطب صح لان ال6 سنين اللي هتتعلهم في الكليه هتطلع لا تفقه شي في اي شي
وكده بتكون احسن من اللي بياخدوا تكليف سنتين في وحده صحيه او مستشفي وحشه مش بيعرفوا يسجلوا ماجستير الا بعد سنتين وكمان مش بيتعلموا حاجه لان مفيش حد يعلمهم .كل ده علي قرشين هياخدوهم من الحكومه . ممكن ياخدوهم من عياده خاصه
مفيش حاجه اسمها اعلي قسم لانه بيكون رغبات .بس غالبا الاوئل بياخدوا رمد ...عيون يعني

تماااام الف شكر لحضرتك افدتنى بصراحه

[ahmedfezo]

1-نظام السنة الواحدة مش الترم بمعنى أن كل ما تأخذه هتمتحن فيه أخر السنة فى امتحان اسمه الفاينال
بس برضه بتاخد اجازة نص سنة عادى يعنى
2-التخصص بعد الكلية سيادتك بمعنى أنك لازم تحضر ماجستير فى تخصص معين وبكدة تكون تخصصت (انسى حكاية التخصص جوة الكلية ...احنا مش زى باقى الكليات)

3-طبعا بالتقديرات زى تنسيق الثانوية العامة

4- على حسب الجامعة وعلى حسب الطلاب نفسهم
لأن أوائل الدفعة مثلا نفسهم فى ولنقل مثلا نساء وتوليد وبالتالى هيعلى تقدير القسم ده

وعموما أعلى الأقسام غالبا الآتى
1-نساء وتوليد
2-عظام
3-أطفال
4-قلب واوعية دموية
5-جراحة مخ واعصاب

ماتخدوش كلامى عن التخصصات دى ثقة بيختلف من واحد لأخر ومن مكان لأخر
أنا من طب أسيوط ولذلك حطيت التقسيمة للى أنت شايفها

[mostafaa3]

تماااام الف شكر