|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
11-07-2015, 02:54 AM
|
||||
|
||||
كليات الفنون الجميلة ( عمارة / فنون )
اختبارات كليات الفنون الجميلة ( عمارة / فنون ) كالآتي:- أ- كلية الفنون الجميلة (عمارة/ فنون) جامعة حلوان تستخرج البطاقات من مقر مكتب التنسيق الرئيسى بالمدينة الجامعية للطلاب بجامعة القاهرة وتؤدى الاختبارات بمقر الكلية بالزمالك. ب- كلية الفنون الجميلة(عمارة/فنون) جامعة الإسكندرية تستخرج البطاقات وتؤدى الاختبارات بمقرها 108 شارع عبد السلام عارف بمبنى مظلوم . ج- كلية الفنون الجميلة(عمارة/فنون) جامعة المنيا تستخرج البطاقات بمقر مبنى المدينة الجامعية للبنين إمام كوبرى الأخصاص وتؤدى الاختبارات بمقر الكلية. د- كلية الفنون الجميلة(فنون) بالأقصر جامعة جنوب الوادى تستخرج البطاقات بمقر كلية الفنون الجميلة بالأقصر شارع خالد بن الوليد وتؤدى الاختبارات بنفس الكلية.
__________________
محمد على (أبو زياد) ..... معلم رياضيات ثانوى
محافظة قنــــــــــــــــا ..... ادارة قنــــــا التعليمية |
|
#2
11-07-2015, 05:58 PM
|
||||
|
||||
 1/ إيه هو إمتحان القدرات؟ دة إمتحان بيقيس قدراتك فى كلية فنون جميلة لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا ودة مش صعب نهائى بس عايز تدريب وتركيز مش أكتر ومش شرط تكون رسام بيكاسو يعنى 2/ إيه أنواعه؟ يعتبر إمتحان القدرات حاجتين عمارة وفنون ملهمش علاقة ببعض نهائى 3/إية نظام الامتحانين وهل لازم أمتحن الأتنين؟ إمتحان عمارة بيأهل لقسم عمارة فقط إمتحان فنون بيأهل لقسم جرافيك ونحت وتصوير وديكور لعلمى وادبى ممكن تختار أى حاجة بس المهم لو عايز تضمن ادخل الأتنين لأنك بتروح قبل ما تعرف نتائج الكلية 4/ إزاى أقدم فى إمتحان القدرات؟ بص انت أول ما تخلص إمتحانات هتروح يوم 7/7 على جامعة القاهرة المدينة الجامعية ولازم تاخد كورس لان الامتحان هيبدا يوم 10 ومفيش وقت وتابع الجرانين وقت بوقت لحد ما يعلن الوزير مواعيد الامتحان بالحروف طبعا مش شرط تكون ملتزم بحرف لو انت مش متدرب كويس ممكن تأجل اول حاجة هتروح مكتب التنسيق دة فى جامعة القاهرة وهتركب مترو تنزل محطة جامعة القاهرة وهتلاقى مكروباصات بتقولك مكتب تنسيق بس ممكن تتمشاها عادى وتروح تدفع المصاريف وتاخد معاك صور شخصية وصورة رقم جلوسك وشهادة النجاح وهيدوك استمارة تروح توديها ف نفس اليوم لكلية الفنون الجميلة واسال عن الملازم بتاعت القدرات هناك او فى مكتب التنسيق يستحسن تجيب الاتنين 5/ ايه طيب نظام الامتحان بالنسبة لعمارة؟؟ فى حلوان بس الباقى الله اعلم بيه امتحان عمارة ملوش علاقة بانك تكون رسام او لا لانه عبارة عن رسومات هندسية بيجبلك سؤالين اول سؤال رسم بمنظور هندسى بيطلب منك ترسم بوابة مدرسة تجمع مبانى سكنية ودة رسم بالمسطرة واقلام رصاص 3b/ 6b واول ما الاجازة تيجى هنشرح على المنتدى ازاى ترسمه ودة مثال بسيط  تانى سؤال دة عبارة عن الثقافة المعمارية ومتتخضش من كلمة ثقافة دة عبارة عن سؤال كلامى ملوش علاقة باى رسم بيجبلك 4 صور وانت بتقول ايه الصور دى وبتكتب معلومات عنهم مثلا صورة الاهرامات وانت تكتب كل اللى تعرفه ودايما تلاقى الحاجات دى موجودة فى الملزمة اللى فى الكلية بس مش كلها 6/ طب ايه نظام امتحان قدرات فنون؟؟ فى حلوان اكيد لكن الباقى الله اعلم امتحان فنون يعتبر زى امتحان عمارة بالظبط بس عايز تركيز ومش محتاج تمرين الا قليل انا مذاكرتلوش الا يومين بس فى اخر يومين ونجحت فيه عبارة عن 3 اسئلة اول سؤال هيجبلك تمثال وانت ترسمه وتظلل او ساعات بيجيب قلل وفواكه بس الاكيد السنادى هيجيب تماثيل فى حلوان وبيقولو انهم السنادى هيجيبوا تماثيل لاشخاص من حجر ومطلوب رسمها بالتظليل ودى مش صعبة على فكرة تانى سؤال هيقولك صمم كارت 14 فى 20 مثلا عن ترشيد المياة بالالوان هتجيب الوان خشب معاك ودة زى رسم اولى حضانة سهل مش محتاج منك اى مجهود غير القدرة على تخيل بسيييييييييط تالت سؤال ثقافة فنية بيجبلك يقولك اين يقع مثلا تمثال نهضة مصر وايه معلوماتك عنه نفس نظام عمارة ودى ابسط امثلة  الامتحان وقته طويل جداااااااااا 4 ساعات واكتر كمان ولو رسمت بالرسم المريح دة هيتبقى معاك ساعة او نص ساعة اهم حاجة متكونش مستعجل ابدااااا وباذن الله متخافش من الامتحان لانه كويس وجميل بس عايز تركيز شوية ومش محتاج موهبة بيرفكت 7/ طب ايه مستقبل الكلية؟ الكلية دى بالنسبة لعمارة ممكن تاخدها تمرين لو عايز تدخل هندسة ولو مجموعك فرق على درجتين تلاتة اقل من هندسة قدم عمارة وبتاخد نفس الشهادة وبتبقى تبع نقابة المهندسين ومستقبلها احسن من هندسة معمارة لانك بتدرس جانب هندسى وتذوقى وفنى يعنى قدرات ذات طاقة دفع ثلاثية بالنسبة لديكور لو مجموعك اقل من هندسة ب 15 درجة مثلا بتقدم ديكور وبتدرس نفس مواد عمارة بس عمارة داخليه وبتكون مهندس فنان ومش شرط دخولها موهبة بس ديكور اقل من عمارة فى انها متتبعش نقابة المهندسين للاسف مع انها كانت تتبع بس قريب باذن الله هتتبع النقابة ومستقبلها ممتاز جدااااااا برة مصر وجواها عدد مهندسين العمارة اكتر من مهندسين ديكور احسبها انت مع نفسك باقى اقسام فنون محتاجة موهبة اكتر من عمارة وديكور علشان فرص العمل تكون زيهم او اكتر انما عمارة وديكور مش محتاجين موهبة اوى وديكور بيدرس مواد هندسية ومواد فنية زى عمارة فى حاجات يعتبر قسم الديكور اسمه البديل عمارة داخلية وقسم جرافيك مش مجرد رسومات بالكومبيوتر وخلاص انما هو عبارة عن رسم بالسيراميك مثلا وبالتطبيقات والادوات والخامات ومحتاج موهبة 8/ايه ترتيب الكليات من حيث الافضلية؟؟ أ/ عمارة- مجموعها اقل من هندسة بفروق بسيطةجدا -افضل من هندسة معمارى نظرا لدراسة الجانب الفنى. ب/ديكور-مجموعها اقل من عمارة بقليل -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية ج/جرافيك- محتاجة موهبة وحب مجال - ادبى وعلمى د/تصوير - محتاجة موهبة وحب مجال - ادبى وعلمى ه/نحت - محتاجة موهبة 100% وحب مجال اكتر - ادبى وعلمى والترتيب دة بالنسبة للطالب المتوسط الموهبة اغلب الناس انما لو واحد موهوب فى الجرافيك مثلا يبقى الترتيب بالنسباله مركز اول جرافيك وهكذا 9/ ازاى بعرف الاقسام فى الكلية؟ لعلمى: عمارة وديكور قسمين مختلفين من اول سنة بيتم دراستهم اعدادى يعنى كلهم 5 سنين زى هندسة بالظبط وتنمح شهادة بكالريوس فنون جميلة قسم كذا وتقدر تشتغل فى اى مكتب او موقع هندسى بسهولة ادبى: بتدرس الاول اعدادى فنون يعنى بتدرس جرافيك ونحت وتصوير ووبعد اول سنة بيتم اختيار القسم سواء بتقدير او التقدم بطلب جامعة الاسكندرية اصبحت تمنح قسم الديكور لادبى من اول سنة شرط ليها تنسيق اعلى من مجموع الكلية الادبى جامعة حلوان بياخدوا علمى بس فنون فى ديكور وعمارة ليها تنسيق لوحده ياريت تقروا كلامى اللي جاي كله لانه منتهى الاهمية  ده النموذج بتاع السنه اللي فاتت جامعة اسكندرية: التقديم اخره يوم 19 مايو للقدرات -الامتحان بعد امتحانات الثانويه و دي الحاجات المطلوبة ___رقم الجلوس بتاع 2ث و صورتين منه ______صورتين شخصيتين _____البطاقه و صورتين منها _____145جنيه تقديم جامعة حلوان:: يا جماعة ركزوا فى كلامى كويس لان فيه حاجات اتغيرت فى امتحان فنون التقديم فى جامعة القاهرة 7/7 واول يوم امتحان قدرات فى فنون جميلة يوم 10 امتحان فنون فنون اتغير بقى رسم تماثيل وعمارة رسم منظور. اكرر بالنسبة لعلمى امتحن عمارة وفنون عشان مفتوةحلك كل الاقسام خصوصا قسم الديكور وهو مستقل بذاته فى فنون يعنى بتدخل اعدادى ديكور زائد 5 سنين عمارة داخلية وانتيريور ديساين جوة الديكور او فنون تعبيرية اللى هى بتاعت ديكورات المسارح والافلام والسينما ولو مجموعك مش ضامنه عمارة او فنون يبقى تقدم تربية فنية قدرات برضو وبالنسبة لادبى هتسحب استمارة فنون او تربية فنية بالنسبة لامتحان فنون اللى فى فنون جميلة الزمالك اللى هى حلوان بيقولوا انه هيتغير وهيبقى بدل رسم قلة هيكون رسم تماثيل بالرصاص وظل ونور باذن الله فى الاجازة هقولكم تعملوا ايه بالظبط لو مجموعك فى التسعينات وعلمى يبقى قدم عمارة وفنون عشان تضمن ديكور لو مجتش عمارة ودة هيكون احسن لو فى التمانينات ومكن تتاهل للتسعينات ادخل فنون وتربية فنية وهكذا ولو مجموعك تمانينات فيما اعلى لادبى ادخل فنون ولو سبعينات وادبى ادخل تربية فنية اكيد كل واحد عارف هو هيجيب ايه او متوقع ايه لكن الاحسن تاخد كله عشان تضمن احسن ومتقلقش من حاجة اهم شئ الممارسه وقدموا فى كورسات الكلية بجد لانها ممتازة اى استفسااااااااااااااااااااار اسالوه هنا وشكرااا اتمنى انى اكون قدرت افيدكم مزضوع قديم للاسترشاد به للامانة منقول
__________________
محمد على (أبو زياد) ..... معلم رياضيات ثانوى
محافظة قنــــــــــــــــا ..... ادارة قنــــــا التعليمية |
|
#3
11-07-2015, 06:10 PM
|
||||
|
||||
امتحان تطبيقية فنون 2014
 
__________________
محمد على (أبو زياد) ..... معلم رياضيات ثانوى
محافظة قنــــــــــــــــا ..... ادارة قنــــــا التعليمية آخر تعديل بواسطة محمد على ابوزياد ، 11-07-2015 الساعة 06:16 PM |
|
#4
12-07-2015, 02:07 AM
|
||||
|
||||
|
شكرا جزيلا وبارك الله فيك
|
|
#5
14-07-2015, 03:32 AM
|
||||
|
||||
|
ده موضوع انا كنت كاتبه من سنتين
http://www.thanwya.com/vb/showthread.php?t=530857 و ده نموذج للامتحان من سنتين http://www.thanwya.com/vb/showthread.php?t=532130
__________________
 Problem ؟  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:16 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
