من تجربتى فى الثانوية العامة لدفعة 2016

[aalaaabdelhamed]

المشاركة الأصلية كتبت بواسطة أمــلــي فــ ربنـــا كبيــــر

عايزة تقفلي احياء يبقي تشوفي مذكرة حلوة كدا تكون شبه كتاب المدرسه و منظمة
عن نفسي كنت بذاكر من مذكرة ا/ايمن حمادة لو تعرفي حد من بنات السنبلاوين خليها تجيبهالك اول الدراسه دكتورة اسماء تعرفه ابقي اسأليها
و مش محتاجه اقولك ان اسلوب الكتاب يتحفظ
الرسم يا لولو مهم اوي درجات مضمونه اوعي تضيعيها
اما المسائل فدا بالتدريب لما تحلي الحاجات الصعبه و تتعودي تفكري هتلاقي مسائل الامتحان بالنسبالك تافهه
و اوعي تسبي الاحياء و الجيلولوجيا و العربي خصوصا يتركموا عليكي

انا مش بشوف حد من اللي يروح السنبلاوين عند ا ايمن حمادة نفسي اجيبها بس بتهيالي لازم اكون بخد عنده درس متعرفيش ممكن اجيبها ازاي انا اسمع انه ممتاز
هو الرسم لازم يمون شكله حلو ينفع يكون عادي ولا ايه

[ayah25]

ان شاء الله خلاص هروح للمدرسه ميرسي جدا ليكي انتي جبتي كام في الاحياء
ويااريت تكملي باقي الموضوع بعد اذنك طبعا

[ياارب حققلى حلمى]

انا جبت 58 فيها بس الحمد لله على كل حاجة
ويارب وفقنى واكتبلى الخير

[ياارب حققلى حلمى]

1- ممنوع اى درسين فى مادة
2- احنا عايزين نوفر وقت علشان نذاكر فيه
3- بلاش نعتمد على المدرس اعتماد كلى نكثف مع نفسنا برده
4- ناخد قرارنا بنفسنا ونحدد مدرسنا من دلوقتى بسرعة وناخد قرار يعنى عايزة على شهر 10 ممحدش يقلى اخد درسين فى مادة او اغير المدرس بلاش لخبطة وتشتت
نحدد من دلوقتى
5- بلاش نكتر فى مصادر المذاكرة ونلتزم باللى نذاكر بيه من الاول علشان هو اللى هنذاكر منه فى اخر السنة ليلة الامتحان

انا فى انتظار اسئلتكم

[Abdelrahman M M]

ألف مبروووك يا دكتوره وكل سنه وإنتى طيبه

كان عندى إستفسار بخصوص الدروس

درس العربى
أحنا عندنا 2 مدرسين فى البلد المسافه يعنى ربع ساعه بينى وبينهم
واحد فيهم شرحه رائع جدا جدا ومتمكن فى النحو والبلاغه وإلى حد ما فى باقى الفروع ولكن عيبه إنه مش بتاع إمتحانات خااالص
والثانى شرح مش قوى بس إمتحانات على طول يعنى بيدى أكتر من 40 إمتحان فى السنه .

وفيه واحد تالت ولكن دوت عايز مواصله على الأقل خالص نصف ساعه أو ساعه إلا ربع ( هو بيدى تالته بس ) بس بيقولوا شرحه خطيييير جدا وبرضو ملازم على الإمتحانات وإعطاء الواجب وبيطرد الى مش بيعمله وكده . يعنى بكده ( ساعه ونصف فقط مواصلات رايح جاى )
لإيه رأيك يا دكتوره

[ياارب حققلى حلمى]

الله يبارك فيك وانت طيب فى البداية انا واحدة اتبهدلت فى دروس العربى والمشكلة انى مكنتش عارفة اخد القرار الصح بس الحمد لله على شهر 12 كده ربنا كرمنى بمدرس شرحه رائع وبيعمل امتحانات وكان على فكرة باخد مواصلة تقريبا نص ساعة رايح ونص ساعة جاى بس كان ممتاز بالنسبة للمدرسين اللى انت قولت عليهم انا رايى الاول روح جرب المدرس الثالث اللى شرحه حلو وبيعمل امتحانات اهو عنده الميزتين وعمر ما بعد المكان كان مشكلة ولا الوقت اللى فى المواصلة المهمة انك تبقى بتاخد عند مدرس انت مستريح لشرحه و بتفهم منه ومبسوط ساعاتها هتحس انك مبسوط وانت بتذاكر المادة وهتحبها كمان

[Abdelrahman M M]

المشاركة الأصلية كتبت بواسطة ياارب حققلى حلمى

الله يبارك فيك وانت طيب فى البداية انا واحدة اتبهدلت فى دروس العربى والمشكلة انى مكنتش عارفة اخد القرار الصح بس الحمد لله على شهر 12 كده ربنا كرمنى بمدرس شرحه رائع وبيعمل امتحانات وكان على فكرة باخد مواصلة تقريبا نص ساعة رايح ونص ساعة جاى بس كان ممتاز بالنسبة للمدرسين اللى انت قولت عليهم انا رايى الاول روح جرب المدرس الثالث اللى شرحه حلو وبيعمل امتحانات اهو عنده الميزتين وعمر ما بعد المكان كان مشكلة ولا الوقت اللى فى المواصلة المهمة انك تبقى بتاخد عند مدرس انت مستريح لشرحه و بتفهم منه ومبسوط ساعاتها هتحس انك مبسوط وانت بتذاكر المادة وهتحبها كمان

فيه حاجه مهمه يا دكتوره
ممنوع تسأله طالما إحنا داخل الحصه نهائى لما نخلص ممكن تسأله والمجموعه بتوصل ل 100 طالب او 150 كمان

بالإضافه إلى إن كل الدروس ال 6 الباقيين بتحتاج مواصلات ساعه رايح وساعه جاى والأغلب نفس النظام فى الأسئله والعدد

[ياارب حققلى حلمى]

العدد اللى فى المجموعة اللى انت بتقول عليه ده كتير اوووووىازاى ممكن تفهم فيه
عموما روح جربه برده علشان تبقى عملت اللى عليك وشفته برده استريحت لشرحه وحسيت انك بتفهم منه كويس
بس مش حلو حتة السوال فى الاخر دى انت على كده هتنسى تساله ايه فى اخر الحصة
عموما جرب مش هتخسر حاجة

وروح جرب برده اللى بيدى اكتر من 40 امتحان ده لان بجد مهم جداا التدريب والمتابعة اول باول
وربنا يكتبلك الخيرررررررررررر

[aalaaabdelhamed]

جبتي كام يا دوك

[Duke Tefa]

المشاركة الأصلية كتبت بواسطة ياارب حققلى حلمى

السلام عليكم ورحمة الله وبركاته
بسم الله الرحمن الرحيم
فى البداية احب اقول ان كل حاجة فى حياتنا عايزة مننا تعب وعمل علشان نحقق اللى احنا عايزينه وعلى قد ما الحاجة دى مهمة وكبيرة تعبها هيبقى على قدها وقد قيمتها عندك
مرحلة الثانوية العامة دى مرحلة مهمة فى قيمتها وانها طريق للكلية اللى بتحلم بيها بس صدقونى سنة سهلة اووووووووووووى لو خدها بحب كده وحاولت تتجنب اى مشكلة تقابلك وتتخطاها بسهولة و مخلتش اى حاجة تقف فى طريق حلمك وبقى عقلك كبير كده وانت عارفة ان كل حاجة بايد ربنا قرب من ربنا اوووووى الفترة دى وادعيلوا انه يوفقك فى السنة الجاية
سنة 3ث زى اى سنة ويمكن تكون اسهل علشان قدامك وقت طوييييييييييييييل وكبير بس المشكلة فى اللى بيضيع الوقت ده انا لسة مخلصة ثانوية عامة ومنتظرة نتيجتى وبقول يا لها من سنة سهلة ومناهجها حلوة امال ايه اللى الوقت اللى ساعات الواحد كان بيضيعه وبقول ان سنة كبيرة اوى على مناهجنا دى بس يمكن يكون الاحساس ده علشان خلصت الثانوية وعرفت كل حاجة فيها المهم دلوقتى
ان انا ان شاء الله هحكيلكم عن كل اللى اتعلمته فى السنة دى على فكرة المناهج سهلة المشكلة كلها فىك انت اوعى تخلى اى مشكلة تاخد من وقتك وتفكيرك وتتعب اعصابك انا كان بالنسبالى المذاكرة مش مشكلة على قد ما كان فى مشاكل بتقابلنى زى اختيار المدرسين وغيره ومصدر المذاكرة الصح والحيرة واى كلام فاضى كان بياخد من وقتى وتفكيرى
بس سيبووووووووووووووكم من الكلام ده
ان شاء الله هبقى معاكم وهخليكم تتفادوا اى حاجة تعطلكم عن مذاكرتكم وهنتكلم عن الثانوية بحلوها واى سووووووووووووووووال انا موجودة وبالنسبة للموضوعات اللى هنتكلم فيها
1- مشاكل ممن تقابلنا واختيار المدرسين
2- مصادرالمذاكرة والكتب
3- المواد وكيفية مذاكرتها وده بالاتفاق مع بعض وتختاروا هنتكلم عن مادة ايه
4- ازاى نتجنب الضغظ النفسى والتوتر والخوف
5- ازاى تنظيم الوقت
المناهج عمرها ما كانت مشكلة الثانوية العامة نظاااااااااااااااااااااام حياة يعنى اى هرجلة فضوكم منها هنغير حياتنا
انا فى انتظاركم علشان هنشوف هنتكلم عن ايه
ادعووووا لاختكم نتيجتى بكرة

جزاكي الله كل خير
والف مبروك علي النتيجة

[Norhan Mostafa]

الف مبروووك يا دكتوره عقبالي

[nada ibrahem]

هو حضرتك دخلتي كلية ايه ؟