من تجربتى فى الثانوية العامة لدفعة 2016
 

السلام عليكم ورحمة الله وبركاته
بسم الله الرحمن الرحيم
فى البداية احب اقول ان كل حاجة فى حياتنا عايزة مننا تعب وعمل علشان نحقق اللى احنا عايزينه وعلى قد ما الحاجة دى مهمة وكبيرة تعبها هيبقى على قدها وقد قيمتها عندك
مرحلة الثانوية العامة دى مرحلة مهمة فى قيمتها وانها طريق للكلية اللى بتحلم بيها بس صدقونى سنة سهلة اووووووووووووى لو خدها بحب كده وحاولت تتجنب اى مشكلة تقابلك وتتخطاها بسهولة و مخلتش اى حاجة تقف فى طريق حلمك وبقى عقلك كبير كده وانت عارفة ان كل حاجة بايد ربنا قرب من ربنا اوووووى الفترة دى وادعيلوا انه يوفقك فى السنة الجاية
سنة 3ث زى اى سنة ويمكن تكون اسهل علشان قدامك وقت طوييييييييييييييل وكبير بس المشكلة فى اللى بيضيع الوقت ده انا لسة مخلصة ثانوية عامة ومنتظرة نتيجتى وبقول يا لها من سنة سهلة ومناهجها حلوة امال ايه اللى الوقت اللى ساعات الواحد كان بيضيعه وبقول ان سنة كبيرة اوى على مناهجنا دى بس يمكن يكون الاحساس ده علشان خلصت الثانوية وعرفت كل حاجة فيها المهم دلوقتى
ان انا ان شاء الله هحكيلكم عن كل اللى اتعلمته فى السنة دى على فكرة المناهج سهلة المشكلة كلها فىك انت اوعى تخلى اى مشكلة تاخد من وقتك وتفكيرك وتتعب اعصابك انا كان بالنسبالى المذاكرة مش مشكلة على قد ما كان فى مشاكل بتقابلنى زى اختيار المدرسين وغيره ومصدر المذاكرة الصح والحيرة واى كلام فاضى كان بياخد من وقتى وتفكيرى
بس سيبووووووووووووووكم من الكلام ده
ان شاء الله هبقى معاكم وهخليكم تتفادوا اى حاجة تعطلكم عن مذاكرتكم وهنتكلم عن الثانوية بحلوها واى سووووووووووووووووال انا موجودة وبالنسبة للموضوعات اللى هنتكلم فيها
1- مشاكل ممن تقابلنا واختيار المدرسين
2- مصادرالمذاكرة والكتب
3- المواد وكيفية مذاكرتها وده بالاتفاق مع بعض وتختاروا هنتكلم عن مادة ايه
4- ازاى نتجنب الضغظ النفسى والتوتر والخوف
5- ازاى تنظيم الوقت
المناهج عمرها ما كانت مشكلة الثانوية العامة نظاااااااااااااااااااااام حياة يعنى اى هرجلة فضوكم منها هنغير حياتنا
انا فى انتظاركم علشان هنشوف هنتكلم عن ايه
ادعووووا لاختكم نتيجتى بكرة

يارب نتيجتك تكون زى ما اتمنتيها :d
ومستنية نصائحك الجامدة:av4056bb7jp3:

كملي النصائح لو سمحتي والف مبروك علي النتيجه

يارب تكوني جبتي الدرجة اللي نفسك فيها

انا عايزه ح:unsure::unsure:د يساعدنى ممكن

فى البداية معلش انا عارفة انى اتاخرت عليكم فى الرد
كل سنة واتم طيبييييييييييييييين ومن ربنا قريبيييييييييييييييييين
انا النهاردة هتكلم على اننا لازم نكون قريبين من ربنا اووووى الفترة دى وفى كل حياتنا علشان انت لو ذاكرت ايه وراجعت مية مرة كل ده من غير توفيق ربنا ولا اى حاجة
عايزة اطلب منكم طلب
1- حافظوا على الصلاة فى وقتها وياريت مش ناخر
2- لو نقدر نصلى السنة اللى مف الفرض ياريت
انت كده بتتقرب لربنا باحب الاعمال ليه
ياريت نقرا قران مش نقتصر على رمضان بس انا الحمد لله من بعد رمضان بقرا قران ومستمرة
صدقوووووووووووووووونى قربوا من ربنا هترتاحوا اووى واى مش تقابلنا ياريت تلجا لربك بلاش تروح تشكى لحد يمكن فميفهمكش او يقولك معرفش حتى ميكلفش نفسه حتى يساعدك لو باقل حاجة
عايزين نتفق ازاى نقرب من ربنا ونصلح علاقتنا بيه علشان يكرمنا ويوفقنا ده اهم من المذاكرة الف مرة وهو ده الموضوع الاول اللى هنتكلم فيه قبل ماا ندخل على الدراسة
سوووووووووووووووووووالى النهاردة

حاسس انك مقصر فى الصلاة وفى علاقتك مع ربنا
قول مشكلتك وان شاء الله نساعدك ؟
ازاى نخلى ربنا يرضى عننا احنا محتاجين رضاه اووووووى علشان يرضى عننا ويرضينا ويكتبلنا الخير ؟

كملي لو سمحتي لو تقدري انهارده وممكن تقولي طريقه مذاكرة الاحياء والكتب اللي نحل منها

حاضر هكمل بس بعد المغرب

اووكي انا متبعاكي

هناك النهاردة عن مادة الأحياء
مادة زى العسل ولذيذة وانا شفت منهجكم الجديد ومفيش وراثة ولما شفته لقيت كله معتمد على الحفظ بشكل كبير اوى
ضافوا باب المناعة وده جديد
و باب التنسيق الهرمونى وده كنا واخدين عنه فكرة قبل كده وسهل عموما البابية حفظ
بس dna محتاج فهم الأول وبعدين حفظ ركزوا عليه اوووووووووى
ونعدكم باب التكاثر مهم جداا الرسومات اللى فيه مهمة جداا
نركز على الرسومات من أول السنة نرسم بادينا لطول

اول باب الدعامة والحركة باب سهل ولذيذ
الأحياء فى المجمل عايزة حفظ ومراجعة كتير وباستمرار
أهم نصيحة بقى ودى مش للأحياء بس
متعتمدش على المدرس اعمل لنفسك جدول تذاكر بيع مع نفسك اعمل خطة منهج حتى لو هتسبقوا
الكتب الخارجية عندك كتاب الامتحان روعة ومبسط وجميل
وعند كتاب النفيس
بس المذاكرة من كتاب الامتحان تمام
أما النفيس لو جبت يبقى حل وبس
و الامتحان كفاية اوووووووووى
بلاش تشتت و كتر المصادر مش حلو
أى استفسار اتفضلى

انا أن شاء الله هجيب كتاب الامتحان والنفيس والفائز تماام بس هسيب الفائز المراجعه وهجيب معاه مراجعه دليل والامتحان مراجعه نهائيه ايه رايك
وكمان انا اروح لمدرس مهمل بس شرحه حلو اووي بس مش بيسمع ولا يراجع وبيسيبك براحتك ولا اروح لمدرس بتسمع كل حصه وتعمل امتحانات وشرحها عادي وبتراجع اختار مين

انا رايى واسمعى كلام واحدة لسه طالعة من ثانوية عامة
هاتى كتاب الامتحان والنفيس بس من اول السنة واوووووووووووووووعى تجيبى الفائز لا دلوقتى ولا حتى فى المراجعة
كفاية اوى فى المراجعة الامتحان مراجعة نهائية والدليل وكتاب المدرسة
هتشتتى نفسك لو جبتى كتب كتير وفى الاخر مش هتحلى ولا اى كتاب


اختارى المدرسة اللى بتسمع كل حصة وبتراجع وتعمل امتحانات واتكلى على الله
وروحى احجزى عندها ومتغيريش رايك ولا تسمعى كلام صحابك شوفى الصح واعمليه
علشان ده مستقبلك انتى بلاش تضيعىه مش علشان صاحبتكبتفهم منه او بتقول عليه كويس تبقى تروووحى لا اللى انتى تحسى انك مرتاحة فى الدرس ده وبتفهمى وبيحببك فى المادة يبقى اتكلى على الله

ان شاء الله خلاص هروح للمدرسه ميرسي جدا ليكي انتي جبتي كام في الاحياء
ويااريت تكملي باقي الموضوع بعد اذنك طبعا

انا جبت 58 فيها بس الحمد لله على كل حاجة
ويارب وفقنى واكتبلى الخير

1- ممنوع اى درسين فى مادة
2- احنا عايزين نوفر وقت علشان نذاكر فيه
3- بلاش نعتمد على المدرس اعتماد كلى نكثف مع نفسنا برده
4- ناخد قرارنا بنفسنا ونحدد مدرسنا من دلوقتى بسرعة وناخد قرار يعنى عايزة على شهر 10 ممحدش يقلى اخد درسين فى مادة او اغير المدرس بلاش لخبطة وتشتت
نحدد من دلوقتى
5- بلاش نكتر فى مصادر المذاكرة ونلتزم باللى نذاكر بيه من الاول علشان هو اللى هنذاكر منه فى اخر السنة ليلة الامتحان

انا فى انتظار اسئلتكم