تمخض الجبل فولد فأراً

[ابو ناديه]

كل عام و انتم طيبين اعضاء المنتدى الكرام و تقبل الله منا و منكم
عندنا فى قسم المحلة الكبرى فقط ابتكر رئيس القسم بدون داعى لذكر الاسم حتى لا يغضب منا مشرفى المنتدى ابتكر رئيس القسم دورة تدريبية بالقسم لمدرسى الازهر طبعاً المعاهد التابعة له بدون منشور - بدون برنامج - بدون خطابات للمعاهد -بدون أى حاجه هو تليفون لشيخ المعهد قولنا اسماء مدرسين المعهد ايه كل تخصص على حده فى الاسبوع الاول من رمضان الشرعى و الاسوع الثانى العربى و بعدين الانجليزى و بعدين العلوم و الدراسات يعنى سمك لبن تمرهندى .
الدورة كالتالى تروح تمضى فى القسم تقعد شوية لو جه موجه ماشى ماجاش ماشى و بعدين تروح لحد آخر الاسبوع ..... """ قلنا ايه سمعنا ايه اى حاجه فى أى حاجه"""""
اتحدى أى حد يقوللى ايه الفائدة المرجوة من هذه الدورة كما يسميها رئيس القسم... السادة زملائنا المدرسين طبعاً كل واحد رد على بإجابة اللى يقول أصله واخد جزاء و بيطلع غله على المدرسين و اللى يقول أصله مقدم لوظيفة مهمة فى القسم( مدير التعليم الثانوى )
انا زهقت من الكلام مش هقول غير حسبى الله و نعم الوكيل و مش عايز اضيع صيامى .

[الغزالى2050]

انا زهقت من الكلام مش هقول غير حسبى الله و نعم الوكيل و مش عايز اضيع صيامى .وهوافضل مايقال فى قيادات الازهر

[الشوكاني]

قسم ماذا شرطة أم ماذا ؟

[alaa128]

نفس الحصل بسوهاج دورة تدريبية تجميعية والموجهين هم الذين يحاضرون بدون برنامج والناس مش عارفه ايه المطلوب للمحاضر ولا المدرس

[batot86]

ربنا يرحمنا من البلاوى اللى بتيجى فى مواقع المسؤلية فى قسم توجيه المحلة الكبرى . بداية من اللى كان ماسل قبل كده حمدى عبد العظيم . والخولى اللى ماسك دلوقتى . اللى مش فاهم اى حاجه فى أى حاجه . والكلام ده تسأل عليه أى موظف بالمعاهد الأزهرية فى المحلة الكبرى . بيتصل انهارده بشيخ المعهد بتاعنا بالتليفون يقوله ابعتلى مدرسين العلوم والرياضيات والدراسات الاجتماعية دورة الاسبوع القادم من يوم السبت وياريتهم بيقولوا ا حاجه مفيدة . دا اللى بيحصل هوا اللى قاله أخونا العزيز فى الموضوع أعلاه . ربنا يتولى الأزهر برحمته .

[asdxtiger]

تخبط ادارى فى الازهر وفكر عقيم ربنا يرحمنا

[ramygamal]

حبيبي يا زميل انا كنت فيهاالاسبوع اللي فات واللي حصل كالاتي:
1- السبت مكناش نعرف
2-الاحد اتصلو عل شيخ المعهد وقاللوه وشيخ المعهد اتصل علينا وعرفنا
3- الاثنين روحنا القسم ورجعنا عشان كانوا عاوزين جواب من شيخ المعهد
4- الثلاثاء كان اجازه 30 -6
5- الاربعاء روحنا مضينا حضور وانصراف ومحدش جه عبرنا باي كلمه
6-الخميس روحنا خدنا جواب ان احنا حضرنا الدورة والموجه قلنا اتمني تكونوا استفدوا وعجبي واديك تقول مخدتش يا ناكر الجميل وشوفت تقول مشوفتش

[اسد اسد]

لا تعليق !!!!!!

[العشرى1020]

الازهر سمك لبن تمر هندى وعليه العوض ومنه العوض