#1
|
|||
|
|||
![]() السلام عليكم لو سمحتم انا كنت عاوز اعرف من السادة الاعضاء شوية معلومات عن هندسة السيارات والمكانيكا وهل ممكن اكون مهنس سيارات او اشتغل في مجال هندسة السيارات وانا مهندس مكانيكا واية هي الجامعات والمعاهد الي بتدرس هندسة قسم سيارات انا بحثت في جميع الجامعات الحكومية والمصرية ملقتش غير جامعة عين شمس وحلوان علي ما اعتقد هما دول بس الي بيدرسو هندسة قسم سيارات و جرارات فانا عاوز اعرف ياريت الي يدلني علي جامعة تكون بتدرس هندسة قسم سيارات ![]() ![]() ![]() ![]() ![]() |
#2
|
|||
|
|||
![]()
بص يا معلم
هو مبدئيا كده واضح أنك في ثانوي والحماسة واخداك وده شئ كويس ![]() ![]() فكرة انك تحب مجال معين او كارير حددته لنفسك من قبل ما تدخل الكلية دي ممكن توصلك للتوب بس اثبت على قرارك وحارب عشان توصل .. أحارب !!؟ ... ايوه يا حبيبي هتحارب أولا : بالصلاة ع النبي كده اول حاجة مذاكرة ثانوي دي أول خطوة هتوصلك للحاجة اللي انت حاببها والله سواء ثانوي مناهجه وحشة وعقيمة سواء حلوة المهم تبقى مقتنع ان ده الطريق الوحيد اللي قدامك فرجاءاً رجاءاًُ ... متخليش تفكيرك في هندسة يبعدك عن مذاكرتك أو يلهيك في البحث عن التخصصات ادخل هندسة الاول وبعدين اعمل اللي انت عاوزه بعد كده وابذل كل جهدك في سبيل كده .. وربنا يوفقك ثانيا : بالنسبة لاستفسارك عن ميكانيكا وسيارات ... إلخ . أحب أقولك إن قسم ميكانيكا ده متشعب ومتفرع جدا مليان شعب وتخصصات ومواد وهتشوف فيها العجب 3 ![]() هندسةالقوي الميكانيكية(ميكانيكا باور ) - هندسة الانتاج والتصميم الميكانيكي - الهندسة الصناعية - هندسة الميكاترونيات - هندسة الغزل والنسيج - هندسة السيارات - هندسة الطيران - الهندسة البحرية وعمارة السفن .... كل دي اقسام بتتشابه تقريبا في من 80 الي 90 % في المواد الدراسية في كل جامعات مصر ... طيب دلوقت انت حابب تدرس سيارات .. جميل ![]() ![]() ثالثا: انت بتسال هل ينفع ابقى مهندس ميكانيكا واشتغل في السيارات .. ركز معايا كده ياريس ... مهندس ميكانيكا بيشتغل في كل مكان طالما فيه طاقة بتتحول وحركة واجزاء معدنية لقيت اي حاجة منهم في مكان .. يبقى المكان ده مكانك كمهندس ميكانيكا .. اشمل واعم واقوي تخصصات الميكانيكا في مصر هي ميكانيكا باور سواء في الدراسة او سوق العمل يعني باور ممكن يشتغل مكان اي تخصص من اللي لسه قايلك عليهم دلوقت والعكس غير صحيح .. بمعنى ان الاساس في الهندسة الميكانيكية هي ميكانيكا باور والباقي فروع ومشتقات بتطور الزمن والصناعة ... بس بشرط يكون معاك كورسات من التخصصات التانية ومعاك خبرة فيها هتقدر تشتغل بيها بسهولة ... ولو بتاخد نصيحة من اخوك ادخل ميكانيكا باور واثناء الدراسة ممكن تجيب مناهج سيارات (بعض المواد فقط لانك هتبقى درست حوالي 80% منها في باور ) واثناء الاجازات تنزل تدريب في مصانع سيارات والتوكيلات او ممكن تنزل مع اي حد اثناء الدراسة في مركز صيانة يعلمك بلغة السوق عشان تستفيد ولما تتخرج خد كام كورس في المجال واتكل ع الله هتلاقي شغل بسهولة ان شاء الله ... ولو ملقتش هتلاقي مجالات باور مفتوحالك لان زي ما قولتلك باور بيشتغل في اي مكان مش وي باقي التخصصات بلاش تحبس نفسك في سيارات . رابعا : ميكانيكا مش سهلة خالص خالص خالص وبرضه مش صعبة لدرجة انك تكرهها . عموما هندسة كلها مآسي 3 ![]() خامسا : مجالات باور كتييييييييييير لو بتسال عنها من اول التبريد والتكييف ومكافحة الحرائق و تكرير البترول وحتى كمان شركات الحفر بتاع البترول. المصانع بانواعها . السخانات الشمسية ومجال الطاقة عموما بما فيه محطات الكهربا . السيارات والسفن والطائرات . المجال الانشائي عندك الاسانسيرات . الميكاترونيات بس حاليا المجال مش متوفر في مصر قد كده .. المهم ان مفيش مكان بيخلى من مهندس ميكانيكا وخصوصا باور . سادسا ربنا يوفقك يا جميل ونشوفك زميل لينا قريب ان شاء الله .. ![]()
__________________
<<< لست عبقري ....... لكني فضولي >>> ألبرت أينشتاين
|
#3
|
|||
|
|||
![]()
ميكانيكا باااور فروعها كتييييير وممكن تتخصص زى ما انت عااوز ... متقيدش نفسك =d
|
![]() |
العلامات المرجعية |
|
|