الكل يجمع هنا

[moh_mad38]

السلام عليكم
دلوقتى يا جماعة انا عندى مشكلة كبيرة ومحتار وياريت تساعدونى علشان انا خلاص هتجنن
دلوقتى انا داخل على 3 ثانوى وقدامى علوم ورياضة
الناس كلها اهلى وقرايبى واصحابى وجيرانى مستنيين منى ادخل كلية طب
وانا مشكلتى دلوقتى مش ف الثانوى لا مشكلتى بعد الثانوى هعمل ايه
معظم الناس اللى دخلوا طب بيقولو انهم ندمانين
المواد صعبة و 7 سنين دراسة و فالاخر تطلع تشتغل ف مستشفى ب 700 جنيه
هو طبعا الدكاترة بيفتحوا عيادات ويشتغلوا ويتشهروا والدنيا بتحلو
بس ده بعد ما يكون عمرهم ضاع منهم بعد الاربيعينات والخمسينات كده
و انا كمان بحب الكمبيوتر والتكنولوجيا و شغل البرمجة بس الهندسة عندنا بقت حاجة زيها زى اى كلية
ومفيش شغل وانا حبى للكمبيوتر مجرد ترفيه وشغل شخصى مش وظيفة والكلام ده
طيب دلوقتى انا لو جبت مجموع ودخلت طب هل انا هقدر اعيش حياتى اثناء الدراسة وبعدها
ولا كل سنه وانا طيب (عليه العوض ومنو العوض ) ولا ايه
بتوع طب محسسينى انهم بينتحروا ف الكلية وانا اصلا بتخنق من المذاكرة الكتير

[Omar Omraka]

انا اعتقد انا كل الكليات صعبة اصلا و الكل بيتنفخ فيها هندسة و طب
و لو اتخرجت بقيت دكتور او مهندس او اهى حاجة هتبقى لسه جديد مش مشهور زى الناس المشهور و الكل بيروح عندها
ف احسن حاجة شوف شغلانة اول متتخرج من الكلية تسافر بره مصر على طول
احسن حاجة اتطلع محاسب و تاخد فلوس بالهبل او خش تجارة و تحاول تشتغل فى اى مجال
مجرد رأى

[Esraa Yousry]

صلي استخااره
مفيش كليه مفيهااش تعب
لو ليك في الكمبيوتر وبتحب البرمجه ادخل رياضه ومنها على حاسبات ومعلومات
لو انت نفسك بجد في طب يبقى خش علووم واتوكل على الله

سوااء هندسه او طب الاتنين فيهم تعب
سواء حاسبات او علوم
الاتنين فيهم تعب
ملكش خلق للمذاكره
مش عاارف اقلك ايه
كله فيه مذاكره بس لو حااجه بتحبها مش هتحس فيها بالتعب
وبقلك تااني اعمل استخاره
واللي فيه الخير يقدمه ربنا