استبعاد المعلمين من قانون الخدمة المدنية

[أبوالرايات]

صرح وزير التخطيط أمس بقناة القاهرة و الناس .. بأن المعلمين لن يطبق عليهم قانون الخدمة المدنية الجديد لأن قانون الكادر يمنع ذلك لكن سيطبق القانون على الاداريين العاملين بالتربية و التعليم .... و لا عزاء للمعلمين غثاء السيل ....http://alkaherawalnastv.blogspot.com/2015/05/360-online-youtube_50.html

[سامى الجنانى]

نريد المساواه بالعمال والاداريين حرام دا كادر فالصو

[Minamira]

اقضل شيئ ياريت نفهم ان القانون لم يضيف اموال جديدة ولكنه تغيير في المسميات فقط

[نصرالدين36]

القانون الجديد لن يضيف كثيرا ما هو إلا ترحيل خانات لكن فى النهاية لن يزيد الموظف كثيرا بل على المدى البعيد سيوفر للدولة مليارات وستثبت الايام إن شاء الله . أما عن الكادر فهو افضل من القانون ماليا وخاصة لو طالبنا باصرار تنفيذ احكام حوافز الاثابة 175% دون المساس بالمكافأة أو الكادر .
وكلها ايام إن شاء الله وتصدر اللائحة التنفيذية وستتضح الامور .

[محمد محمد حمزة]

الادارى حتتحسب مكافأة الامتحانات العام القادم على الاساسى الجديد والا القديــــــــــــــــــــــــــــــــــم قبل قانون الخدمة المدنية فى الحالة دى المعلم حياخد ربع مكافأة الادارى
اما بالنسبة لحافز الاثابة 175% كسبنا القضية والحمدلله و اضافت للمرتب شهرين واترفعت من المرتب ليها اكنر من خمس شهور والاهم من كدا مش حناخد مكافأة الامتحانات .... وراحت فلوسك يافاشل

[teacher120]

لكن القانون الجدد هينفع فى المكافاه وفى الانتداب للشهادات وفى الخروج للمعاش----- ازاى يعنى مدير مدره يبقى لم يكمل اساسيه ال 700 او 800 وعامل على السادسه اول تعين يبقى 835؟ وبعدين يا ساده قانون الكادر ما هو الا بدلات للمسمات الوظيفيه ولكن لا يوجد به اساسى لكل مسمى وظيفى يعنى المعلم مثلا مش له اساسى يبدا به وينتهى اليه فى الكادر مجرد بدلات يعنى احنا هنمشى على اى اساسى؟ ودى صوره من قانون الكادر الى قرفووونا بيه

[wael00444]

المشاركة الأصلية كتبت بواسطة teacher120

لكن القانون الجدد هينفع فى المكافاه وفى الانتداب للشهادات وفى الخروج للمعاش----- ازاى يعنى مدير مدره يبقى لم يكمل اساسيه ال 700 او 800 وعامل على السادسه اول تعين يبقى 835؟ وبعدين يا ساده قانون الكادر ما هو الا بدلات للمسمات الوظيفيه ولكن لا يوجد به اساسى لكل مسمى وظيفى يعنى المعلم مثلا مش له اساسى يبدا به وينتهى اليه فى الكادر مجرد بدلات يعنى احنا هنمشى على اى اساسى؟ ودى صوره من قانون الكادر الى قرفووونا بيه

كلام حضرتك منطقى و صحيح تماما
والله اتمنى المسئولين يكونوا عارفين الكلام ده
لان فعلا بدلات الكادر محسوبة على اساسى القانون 47 الملغى
فى رأيى ان لازم اليومين اللى جايين هيحصل تعديلات فى قانون الكادر عشان يطلعو من الورطة دى زى ما حصل فى قانون الحد الادنى لما اقرولنا حافز الاعباء الوظيفية كبديل لعلاوة الحد الادنى

[محمود حمودة]

من فترة كان فى كلام عن قانون التعليم الجديد - فاذا تم صياغته واقراره هيعيد التوازن لانه لو المعلم فضل التعامل معه على أساس المرتب الحالى فى الزيادات السنوية ومكافئة الامتحانات وحساب المعاش هيكون اتدمر تماما وهيتطلع للمساواة بالكتبه والاداريين وعمال المدارس

[علي 3]

الحمد لله

[seeen]

بغض النظر عن الكلام فى السياسة وللامانة الكلام اللى هقوله دا من زماااان خالص يعنى مالوش علاقة بالسياسة
اولا الحداية مبترميش كتاكيت
ثانيا قانون الخدمة الوطنية حتى لو مش فنكوش فسيفرغ من مضمونه
ثالثا الكادر وقانونه على الاقل واضح صحيح كله عيوب بس واضح
رابعا حتى لو المعلمين خارج قانون الخدمة الوطنية فدى مسألة وقت ومش بعيد يراضو المعلمين بشوية فتات كنسبة ثابتة لا تزيد من سنة لاخرى
خامسا اعقد فئة فى زيادة المرتبات هى المعلمين لانها خمس العاملين بالدولة فاى جنيه زيادة معناها حمل على الميزانية
وبالتالى الحل ان تكون وزارة التعليم وزارة منتجة

[gogo1550]

لا حول ولا قوة إلا بالله

[Soaad-532]

المهم معاش المعلم هيبقى ايه نظامه؟
على القانون الجديد ولا القديم؟

[ahmedowinat]

الحمد لله يااااااارب يكون الخبر صحيح صحيح