عايزة اغير المسمى الوظيفى. اعمل اية؟

Niven Omar · #1 21-09-2013, 01:52 PM

الاساتذة اعضاء الجروب
انا كنت عايزة اعمل تغيير مسمى وظيفى فى الاسكندرية
عايزة اعرف الاوراق المطلوبة وهل التقديم بيبقى فى وقت معين ولا فى اى وقت ممكن انى اروح اقدم الورق... انا عارفة ان التغيير بيحتاج شهور...
لو حد من الاعضاء هنا عمل تغيير مسمى وظيفى ياريت يفيدنى
شكرا

شمعة تحترق · #2 21-09-2013, 03:17 PM

ربنا يوفق الجميييييييييييييييييييييييييييييييييييييييييييييي ع

samy125 · #3 21-09-2013, 04:22 PM

اذكرى مؤهلك ايه؟ وانتى بتشتغلى ايه بالضبط ابتدائى ولا اعدادى ولا ....... واسم المادة .... وعموما المطلوب بيختلف بس اذكرى اللى انا قلتلكى عليه وانا تحت امرك

Niven Omar · #4 21-09-2013, 07:19 PM

اقتباس:

المشاركة الأصلية كتبت بواسطة samy125

اذكرى مؤهلك ايه؟ وانتى بتشتغلى ايه بالضبط ابتدائى ولا اعدادى ولا ....... واسم المادة .... وعموما المطلوب بيختلف بس اذكرى اللى انا قلتلكى عليه وانا تحت امرك

انا ليسانس آداب فلسفة ودبلومة عامة فى التربية
معلم فصل ابتدائى

samy125 · #5 21-09-2013, 11:03 PM

بصى يااستاذة انا معلم اول دراسات ابتدائى ومؤهلى ليسانس اداب قسم جغرافية وحصلت على دبلومة عامة فى التربوى منذ شهرين وقد قمت بتغيير المسمى الوظيفى من مدرس دراسات ابتدائى الى مدرس دراسات اعدادى وتم تسليم الاوراق المطلوبة الى مديرية التربية والتعليم بالاسكندرية وسوف يتم التغيير بعد حوالى 3 او 4 شهور من تسليم الاوراق والاوراق المطلوبة هى 1 - طلب بإسم وكيل اول الوزارة لتغيير المسمى الوظيفى من .... الى .....2 - صورة البطاقة الشخصية 3 - اصل المؤهل الدراسى او صورة منه ومختومة بختم طبق الاصل 4 - اصل الافادة من الدبلومة التربوى او صورة منها ومختومة بختم طبق الاصل 5 - طباعة الصفحة بتاعتك من على النت وبها رقم الكود بتاعك 6 - صورة من قرار تعيينك ومختومة بختم النسر طبق الاصل . هذه هى الاوراق التى طلبت منى فى وكالة الوزارة بالاسكندرية بأبيس العاشرة الدور الخامس مكتب تنسيق الابتدائى واى خدمة بس عندى سؤال هل انتى كنتى معنا السنة الاخيرة فى الدبلومة العامة بالاسكندرية ام لا وبالتوفيق انشاء الله مع سرعة تقديم الاوراق لانه بيتم تغيير المسمى كل 3 او 4 اشهر يعنى 3 او 4 مرات فى العام

Niven Omar · #6 22-09-2013, 12:35 PM

اقتباس:

المشاركة الأصلية كتبت بواسطة samy125

بصى يااستاذة انا معلم اول دراسات ابتدائى ومؤهلى ليسانس اداب قسم جغرافية وحصلت على دبلومة عامة فى التربوى منذ شهرين وقد قمت بتغيير المسمى الوظيفى من مدرس دراسات ابتدائى الى مدرس دراسات اعدادى وتم تسليم الاوراق المطلوبة الى مديرية التربية والتعليم بالاسكندرية وسوف يتم التغيير بعد حوالى 3 او 4 شهور من تسليم الاوراق والاوراق المطلوبة هى 1 - طلب بإسم وكيل اول الوزارة لتغيير المسمى الوظيفى من .... الى .....2 - صورة البطاقة الشخصية 3 - اصل المؤهل الدراسى او صورة منه ومختومة بختم طبق الاصل 4 - اصل الافادة من الدبلومة التربوى او صورة منها ومختومة بختم طبق الاصل 5 - طباعة الصفحة بتاعتك من على النت وبها رقم الكود بتاعك 6 - صورة من قرار تعيينك ومختومة بختم النسر طبق الاصل . هذه هى الاوراق التى طلبت منى فى وكالة الوزارة بالاسكندرية بأبيس العاشرة الدور الخامس مكتب تنسيق الابتدائى واى خدمة بس عندى سؤال هل انتى كنتى معنا السنة الاخيرة فى الدبلومة العامة بالاسكندرية ام لا وبالتوفيق انشاء الله مع سرعة تقديم الاوراق لانه بيتم تغيير المسمى كل 3 او 4 اشهر يعنى 3 او 4 مرات فى العام

انا متشكرة جدا جدا جدا جدا

محمدعمار · #7 25-09-2013, 11:59 PM

فى مديرية التربية والتعليم بالوادى الجديد لم يتم تغيير المسمى الوظيفى للمعلمين حتى الان 25/9/2013م

samy125 · #8 26-09-2013, 06:55 AM

اقتباس:

المشاركة الأصلية كتبت بواسطة محمدعمار

فى مديرية التربية والتعليم بالوادى الجديد لم يتم تغيير المسمى الوظيفى للمعلمين حتى الان 25/9/2013م

عندنا فى اسكندرية بيتم تغيير المسمى الوظيفى كل 3 او 4 شهور يعنى 3 او 4 مرات كل عام يمكن علشان الاعداد عندكم قليلة وعندنا الاعداد كثيرة لانهم بيعتمدوا على تجميع عدد معين من الملفات لكى يتم اعتمادها وعرضها على المختصين .

ahmedsalamaa · #9 27-09-2013, 01:44 AM

لابد من المتابعة المستمرة والسؤال ع التغير بشكل دائم وحاول تعرف ناس تكون عايزة تغير كمان

Mt Mahmoud · #10 08-05-2015, 02:51 PM

طيب لو حد عاوز يعمل تغير مسمى الوظيفى ف شمال سيناء ؟
نفس الاوراق المطلوبه بردو ؟