سؤال مصيرى

[yusuf9900]

السلام عليكم

انا طالب فى الصف الثانى الثانوى و كنت محتار اخش علمى علوم ام رياضة و لكن ققررت بعد الاستخارة انى اخش علمى علوم لان قدراتى فى الرياضيات مش قد كدة

و انا بعشق مجال الكمبيوتر من صغرى و الحمد لله بارع فيه سواء سوفت وير او هارد وير
و انا اصلا من زمان كان نفسى اخش هندسة كمبيوتر بس بعد ما شوفت اللاستاتيكا و الديناميكا و الحاجات اللى عيزة مخ مفتح و تفكير عميق ديه لا لا لا مش سكتى خالص

فانا دلوقتى لو دخلت علمى علوم لو مجموعى مجبش طب بيطرى لان انا بحب المجال دة ,,,,,مش عايز افرط فى موهبتى فى الكمبيوتر و عايز اخش كلية ليها علاقة بالكمبيوتر من علمى علوم و اقدر اشتغل بشهادتها او افتح مشروع فايه هى الكلبات اللى ممكن اتخصص كمبيوتر فيها من علمى علوم ؟
يعنى مثلا هل كلية العلوم فيها قسم كمبيوتر اقدر ادخله من علمى علوم؟
و هل التجارة فيها ايضا ؟
و هل انا ممكن اخش طب بيطرى او صيدلة و اثناء دراستى فيهم اخد كورسات و دورات كمبيوتر و افتحلى محل او شركة صغيرة فى هذا المجال ,,,, ولا الموضوع هيبقا مش ظريف لو عملته؟

و شكرا للجميع