جمع التوقيعات لرفض امتحان الكادر أسوة بالأزهر

[nanyonly]

هل لو امتحنونا مثلا فى موضوع التقييم هل المدرس مخير فى طريقة تقييم الطلبة؟؟؟؟؟؟؟؟؟ دى اجراءات مفروضة علينا وأشكال عقيمة هم اللى عاملينها وعمر الامتحانات ماكانت مقياس لشىء وذلك بسبب الغش فى المدارس ( وكله تمام يافندم). أنا مدرسة انجليزى حد يقول لى موضوعات الانجليزى التربوية لازمته ايه نمتحن فيها؟ احنا نسيناها مش لاننا فاشلين لأ دة لأننا غير مطالبين بتطبيق اللى درسناه لأن الوزارة عامله خطة وخريطة لعمل المدرس داخل الفصل بدليل كتاب دليل المعلم اللى بنحضر منه مش هو ده كل المطلوب؟ثم أنا ملتزمة بمنهج اعداى مثلا تيجى انت تمتحنى فى حاجات لاتمس المناهج من قريب او بعيد زى عيوب النطق واسبابها الى جانب اسئلة من منهج الثانوى العام لانتعرض لها من أصله ليه تمتحنونا زينا زى مدرسين الثانوى؟معنى كدة انهم هيكونوا قادرين اكتر على الحل.اى معلومة اذا لم تستخدم فانها تضمحل. شىء طبيعى دى مش بلادة.لما بيزل منهج جديد بنستعد له كويس ونبحث عن المعلومة. الوزير بقى لو امتحناه فى المناهج الدراسية اللى هو أخدها من كام سنة هيعمل ايه؟؟؟؟؟؟؟؟ وانا واثقة ان الهدف من موضوع الامتحان اما جمع أموال من المدرسين لدخول الاكاديمية أو اقتصار اعطاء الكادر لخمسة فى المية من المعلمين كل سنة لحد ماربنا يفرجها. وكل اللى اتصرف على الكادر هيتم جمعه من المدرسين.فيه عدم شفافية غير مريحة فى الموضوع وأخاف ان موضوع الاجابة بالقلم الرصاص تكون سبيل للعب فى الاجابات لتحديد الاعداد.ومين عارف هم ناويين على ايه