«المعاهد الأزهرية»: 5 سنوات حرمان من الامتحانات للمراقبين إذا تم السماح بـ«الغش»

[ص طعيمة]

السبت 20.12.2014 - 07:23 م

«المعاهد الأزهرية»: 5 سنوات حرمان من الامتحانات للمراقبين إذا تم السماح بـ«الغش»
قال الدكتور محمد أبو زيد الأمير رئيس قطاع المعاهد الأزهرية أنه تم التنبيه على جميع المناطق التابعة له والبالغ عددها 29 منطقة على مستوى الجمهورية، بالجدية التامة أثناء امتحانات الفصل الدراسى الأول، مشددا على الجميع أن يكون الإمتحان من الكتاب المقرر ومما تم شرحه.

وأضاف الأمير لـ"صدى البلد" أن هناك توجيهات لاستعمال الرأفة والرحمة وتوفير المناخ المناسب مع التلاميذ بشرط عدم السماح للغش مؤكدا أن أى لجنة يثبت فيها حالات غش سيتم حرمان رئيسها وأعضاؤها من الإمتحانات لمدة خمس سنوات.

وأوضح رئيس قطاع المعاهد الأزهرية أن هناك غرفة عمليات لمنع تسريب اسئلة الإمتحانات من خلال المتابعة والمراقبة لافتا أن هناك اتفاقا أيضا مع وزارة الداخلية لتأمين امتحانات الفصل الدراسى الأول.

وتابع الأمير أن قطاع المعاهد ولأول مرة قرر عمل نظام الكنترول للشهادتين الإبتدائية والإعدادية من خلال قرعة علنية على جميع المناطق لأن هناك شكاوى من بعد الأساتذة من احتكار أعمال الكنترول لأساتذة معينة مؤكدا أن هذه القرعة تحقيقا لمبدأ تكافؤالفرص للجميع، مؤكداً أن نتيجة القرعة سيتم الإعلان عنها يوم السبت المقبل لإعلان الفائزين بأعمال الكنترول لهذا العام لافتا أن الفائز لن يتم إدراجه فى أعمال الكنترول مرة أخرى.
http://www.el-balad.com/1301716

[zxxzwa]

أى سبت؟ اليوم أو االسبت القادم؟

أنا أعرف معلم فى الكنترول منذ 10 سنوات وكل سنه يقولوا سيكون هناك شفافيه ولا يحدث شىء!

[السيد القيم]

موجود أعضاء للكنترول ثابتين منذ 12سنة حتى الان وهناك شفافية--------------------!!!!!!!!!!!!!!!!!!!!!!!!!!!!

[العشرى1020]

والله اسمع كلامك اصدقه اشوف امورك استعجب يا دكتور

[asdxtiger]

يا جماعة الخير الشفافيه ان الكنترول محجوز للحبايب ولا عزاء للغرباء

[teacher120]

ما المفروض بقه الى قدم العام الماضى يستبعد اوراقه فورا من القرعه

[tarek hasssan]

الراجل عمل اللي عليه وزيادة ولكن العيب على اللي بيلتفوا على كل شيء وعلى الخوف .... اللي له حق يطالب بيه وهيجيبه

[الفيلسوف]

يا ترى فى خطه لتأمين المراقبين من بطش الطلاب أو الأهالى خارج اللجان؟؟

[على محمد66]

كل واحد يقدم ويعمل الى علية وربنا يوفق الجميع.

[saad200979]

المشاركة الأصلية كتبت بواسطة الفيلسوف

يا ترى فى خطه لتأمين المراقبين من بطش الطلاب أو الأهالى خارج اللجان؟؟

امممممممممممممم ده سؤال ما جاش على بال جد خاااالص


تحياتى

[amaly]

أزغرط ياولاد لولولولولولولولولولولولولولولولولولولولولولولولولو ل__________ى

مبروك كسبت فى القرعة وهاخد ثلاجة

مش عارف غش إيه اللى أنت جاى تقول عليه
كنت باصحح فى الشهادة الثانويه وأغلب الورق طافح غش

وزى ماهمه عاملين رجالة دلوقتى(((((((((((((( ونازلين تفتيش على المعاهد ونقل فى الشيوخ وتشتيت للمدرسين لسد العجز فى معاهد نتيجة لإن المعاهد دى كان فيها مدرسين وبسبب الوسطة تم تفريغها )))))))) على الله يعرفوا يحموا المدرسين أيام الإمتحانات من بطش الطلبة والأهالى

ومش عارف يعنى أأأأأيه لستعمل الرحمة يعنى أجيب كتاب للطالب إللى مامعهوش كتاب علشان يغش منه ....واللا ألبسة بامبرز وأجيب بسكوت

حاجة تنقط

امتحان يعنى امتحان

[MR.Mamdouh Ramadan]

كلام ملوش عازه

[خالد فضل صادق]

شفافية دى ماتت من زماااااااااااااااااااااااااااااااان

[Mr M.Elwan]

كلام عجيب جدا بنسمعه كل سنة انا كنت فى الكنترول السنة اللى فاتت ورئيس الحجرة والمساعدين بتعوته بيقولوا بقالنا عشرين سنة فى الكنترول من عضو لحد ما وصل رئيس حجرة ويرجع النهاردة يقول قرعة ده هى قرعة بالفتح طب عندنا فى الشرقية تم اختيار الاعضاء ولم نعلم فى المعاهد بهذا الكلام الا بعدها بشهر ولما نيجى نقدم يقولوا خلاص كنتم فين من شهر ده اللجنة انعقدت وخلاص العالم دية قاعدين فى برج عاجى مش عارفين ايه اللى بيتم فى المناطق من المحسوبية والكوسة والهيسة وكل شوية يقول شفافية ولاول مرة لحد ما شفافية زهقت وماتت

[dia_181]

المهم يقدر يظبط البلطجة في الامتحانات ولو اننى اشك في ذلك ياعالم دا امتحانات الثانوىة تؤمن بالمدرعات والطائرات الحربية كأنها حرب مش امتحانات والثانوية الازهرية صول عنده ستين سنة يدوب يطلع السلم اتنين ساندينه ياعالم ارحمونا من الهبل ده