|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
13-12-2014, 02:24 PM
|
|||
|
|||
يا ترى حلحق طب ؟ ( شعور باليأس ) !
السلام عليكم ورحمة الله وبركاته انا حاليا دفعة 3 ثانوي الشعبة : علمي علوم .. انا حاسة بالضيااااااااااااع من جميع الجهات انا مفيش في حياتي حافز نهائيا أهلي مش مهتمين بيا ذاكر او لأ كل ال بيعملوه فلوس الدرس ممكن لو بابا شفني يقولي شدي حيلك وخلاص على كدة لو شافني قاعدة ع التلفزيون او اللاب 200 ساعة ولا بيقول حاجة ! وكذلك اخواتي انا بشوف ناس تانيه اهاليهم منعت عنهم التلفزيون والموبايل ..إلخ عشان تجبرهم على المذاكرة انا كل ده كان قلقني بس اخدت عهد ع نفسي من البداية اني انا ال حنفع نفسي ومش حستنى حاجة من حد وانا حكون قدها باذن الله وحثبتلهم العكس وانهم ميستهونوش بقدراتي بس ال Motivation مهم والله يا جماعة؟ حتى الصحاب محدش بيسأل عليا كله بيكدب وبيقول انه مش بيذاكر عشان ميخدش عين وانا بغبائي ( بس والله بحسن نية مني ) كنت بشجع ناس واساعدهم وانا زي مابيقولوا محتاجة ال يشجعني . المهم اني اخدت السنة جد اوووي أولها مكنش في مادة بنقص فيها الا نص درجة وده نادر في امتحانات الدروس . بعدين داخلة على شهرين اهو مش طايقة كتااااب تعبانة من كل حاجة الظروف هي الظروف لأ وكمان مفيش تشجيع؟ انا حاسة اني ممكن اكون اخدت عين بجد مش بطيق ابص ف كتاب .. الدروس مبقتش اروحها بضيع ب معنى الكلمة .. والله العظيم انا الحمدلله شاطرة وواثقة ف قدراتي بس خلاص الشيطان سيطر ع افكاري اني مش هلحق حاجة ف على ايه العناء ... بسمع من تجارب ناس قبلي كانوا زي بادينها جد اووي وجم ف الاخر ف الفترة دي ريحوا هدوا كل اللي بنوه انا بضيع .. مفيش وقت .. حاجات بالهبل اتكومت عليه ...قولولي اتصرف ازاي ... انا كان نفسي احقق رغبة امي الله يرحمها اني ادخل طب .. معقولة حتى دي حفشل فيها!! انا اسفة على الاطالة بس فعلا مش لاقية حد اتكلم معاه .. اعتبروها فضفضة : ) 
|
|
#2
13-12-2014, 04:43 PM
|
|||
|
|||
ربنا يعينك بس متقلقيش لسة فيه وقت انك تكملى بل وتبداى من جديد كمان توكلى على ربنا وارجعى شدى تانى وزاكرى كما يجب ان يكون ومتفوتيش حصة فى درس ممكن تفيدك ده حلمك وهدفك انتى ولازم تسعى ليه بكل ما لديكى من قوة عشان تحققيه كل انسان بتقابله ظروف صعبه فى طريقة لازم يتحملها ويتغلب عليها وزى ما بيقوله طريق صعب بس نهايته جميلة انا فى 2ث لكن اتمنى اكون قدرت افيدك بحاجة وربنا يوفقك
 
__________________
ازرع جميلا ولو فى غير موضعه لن يضيع جميلا اينما زرع ان الجميل وان طال الزمان به لن يحصده الا الذى زرع
|
|
#3
13-12-2014, 06:42 PM
|
|||
|
|||
|
|
#4
13-12-2014, 07:32 PM
|
|||
|
|||
|
بصي يا جميل ده مستقبلك مش تستني حد يشجعك اكون ام لااكون انا زيك برده ومفيش حد بيشجعني خالص بس كل اللي عليكي ابداي من اللحظة دي ومتضيعيش تانية واكثري من الدعاء وان شاء الله ربنا يكرمك والسنة الجاية تنصحيني
ربنا يوفقك يا دكتورة المستقبل وتحققي كل اللي بتتمنيه
__________________
وما توفيقي الا بالله http://www.livequran.org/ قران مباشر ادعولى بظهر الغيب [COLOR="Cyan"][/COLOR وظني فيك يارب جميل ياااااااااااارب ارزقني العفة
|
|
#5
13-12-2014, 08:05 PM
|
||||
|
||||
|
بسم الله الرحمن الرحيم ..
صلي ع النبي بس كدا الأول المشاكل اللي انت بتمري بيها دي .. كتير جدا بيمر بيها وشيء عادي والله .. الي مش عادي بقي انك تستمر ف الحالة دي .. أذكر اني مرة بعد درس العربي .. قعدت مع والدتي واتكلمت بعصبية زايدة عشان مفيش تشجيع ليا ومفيش اهتمام بيا ومهما أتأخر بره مفيش حد بيسأل عليا . ووالدي مصدر للمال بس .. ووالدي جه قلت له اسأل عليا المدرسين تابعهم قول للمدرسين كلهم اني مبذاكرش عشان يسألوني كتير ويتابعوني .. (( أنا كنت بذاكر بس عاوز متابعة )) بس طبعا دا مكنش إهمال من أهلي ولا من أهلك .. لكنهم عارفين ان خلاص العقل نضج وعارف المصلحة فين . وبخصوص الصحاب : ذاكري ومش تقولي لحد انك ذاكرتي ( لكن متقوليش انك مذاكرتيش ) مش تتكلمي ف الموضوع يعني ولو حد سألك قولي ( الحمد لله ذاكرت ) بس وبخصوص الحسد : اتذكر ف القرآن وحقيقة لكن مادام بتصلي الوقت ف وقته وتقرأي المعوذتين .. تأكدي ان مفيش عين تقدر تطولك بشر .. يعني أوهام . غيري جو .. وصلي .. وطلعي كل الأفكار دي من تفكيرك و ابدأي من جديد ع نضافة بقي  ولسه يااااااااااااااااااه وقت طويل جدا والله .. لو مذاكرتيش حاجة من أول السنة تلحقي الطب بس لو بدأت صح مع نفسك ومع ربنا ومع أهلك بالتوفيق
__________________
The End
not receiving messages , The Membership disrupted
|
|
#6
13-12-2014, 08:55 PM
|
||||
|
||||
|
بصى اولا شيل كل التفكير السلبى اللى فى دماغك وسيبك من اللى زاكر واللى مش زاكر ومتسأليش حد انت وصلت لفين ولا بتزاكر كااام ساعة لانو كدا كدا هيحبطك لو قالك بيزاكر اكتر منك هيحبطك ولو قالك مش بيزاكر بردوا هيخليكى متزكريش فسيبك من اصحابك خالص السنادى وعيشى مع نفسك ومتقرنيش نفسك بالدرجات بتاعت الدروس خالص عشان لسة الوقت بدرى اوووى لسه اعد 6 شهور عارفة يعنى ايه 6 شهور يعنى لو انتى ابيض خالص وابتدى صح حتلحلقى ان شاء الله طب شجعى نفسك متستنيش حد يشجعك وربنا يوفقك ياااارب ويوفق الجميع يااااااااااااارب آه نسيت متنسيش تقرى فى القرآن قبل متبدأى مزاكرة وتقولى الادعية بتاعت المزاكرة واذكار الصباح والمســآء
__________________
أكبـــر نجــآح يمكــنك أن تحققـــه هو ان تعيــــش العــمر متفـــآئــل!
|
|
#7
13-12-2014, 10:17 PM
|
|||
|
|||
|
خديلك كام يوم اجازة كده زابعدى عن المذاكرة خالص
اعملى كل حاجة ملهاش علاقة بالدراسة انا والله السنة اللى فاتت فى الوقت ده كنت زيك واكتر كنت فى مواد لسه مش مستقرة على مدرسينها اساسا !!!! وانا اهلى مكانوش بيقولو ذاكرى خالص وكان حواليا ناس دحيحة جدااااا بيحلو بالخمس كتب فى كل مادة ببقى حاسة انى هسقط جنبهم انا والله ما حليت غير نص كتاب فيزيا !!! ولحد قبل الامتحانات بايام كانت فى ايام مش بذاكر فيها ولا كلمة مع انى قاعدة طول اانهار على اامكتب لكى ان تتخيلى كم الاكتئاب والمشاعر السلببة والتقصير وتضيع الوقت ؟؟؟ بس والله انتى مش مطلوب منك مجهود خرافى مطلوب منك تدخلى الامتحان عارفة معلومات كتاب المدرسة ولا بقى فنيات مش عارفة ايه ومسائل فيزيا مبتتحلش والكلام ده حقيقى الوقت المتبقى ده يكفى تجيبى 200 ٪ انا الحمد لله جبت 97 ودخلت صيدلة :-) :-) وصاحبتى دخلت طب والله من كتر ضياعنا واكتئابنا مستر الكيميا كان مسمينا شلة اامطلقين والله الامتحان بنسبة كبيرةجدا بيبقى من كتاب المدرسة كوبى بيست انتى معاكى من هنا لقبل الامتحان بدقيقة متقدريش تستوعبى فيهم منهجك ؟؟؟؟ انا اخر فترة روحت لدكاترة كتير جدا بسبب اكتئابى وزهقى تخيلى !! بس كل يوم اصحى وابداى من جديد وحتى لو ضاع اقفى مع نفسك وابتدى من جديد تاتى وتالت وعاشر ومتتغريش بالمظاهر خالص والله الناس الدحيحة اللى كانوو معيا جابو مجاميع قليلة جداا شوية ثقة بنفسك وكام يوم فرى وابتدى من جديد واستعينى بالله كده وان شاء الله هتبقى احسن دكتورة صدقينى ااناس هم اللى بيهولو الموضوع جداااا اه وفكك من الفيس لانه بيجيب اكتئاب اصلا والصحيان بدرى حلو جدا انا تقريبا الى كنت بذاكره فى اليوم هو الثلت ساعات بتوع الصبح مثلا والباقى بعد على المكتب مش بستفيد كلمة مع انى فاتحة الكتاب!!! لو رجع بيا الزمن كنت هاخد الوقت ده فرى واريح اعصابى بدل ما اضيعه فى الفرجة على اامكتب انا كلامى متلخبط وكده عشان مش متعودة اكتب بس انا معنديش مانع نتكلم باى طريقة تحبيها عشان الكلام بيجى على بالى لما بكلم حد :-) :-) ربنا يوفقك يارب وبجد اخر نصيحة كل يوم اصحى من النوم بدرى و فكككككك من اللى فات وايجبتدى من جديد :-) :-)
|
|
#8
14-12-2014, 09:53 AM
|
|||
|
|||
|
مش عارف اقول ايه بصراحه بعد الكلام الجامد بتاع الناس دى كلها
 ... بس انا هتكلم لانى تقريبا بتحصلى نفس الحاله واكتر من مرة ...انا فى نفس المرحله حاليا .. 3 ثانوى علمى رياضة .. من اسبوع بس كان عندى احساس بالفشل عالى جدا نتيجه الحجات الى متراكمه عليا فى كل المواد العربى .. يعترب مش مذاركر ولا نص غير المساء والحمد لله نسيتو الانجلش .. مذاكر 4 وحدات بس وفيه 5 وحدات متراكمه عليا و4 شبتر قصه لغايه دلوقتى معرفش بتتكلم عن ايه الفيزياء ..يعنى شبه كويسه وماشى مع الاستاذ لكن الفصل الأول مش فاكر فيه حاجة والثانى يعنى بيستهبل سعات يمشى وسعات لا  الكيمياء .. مش مذاكر غير الفصل ال8  والباقى بلح الخلاصة ( الوضع مزفت بزفت ) بس الحمد لله فيه ناس قلتلى كلام شبه الكلام الى اتقالك فى الموضوع دة ومهما شكرتهم مش هوفيهم حقهم .. وهما معانا هنا على المنتدى وممكن يقراو الكلام دة  المهم وقفت مع نفس وقررت انى هعمل خطة لمدة 22 يوم قدام قسمتهم 3 اسابيع بحيث الم الحجات الى عليا عدى منهم اسبوع والحمد لله انجزت حجات كتير لانى ملتزم بخطه لازم انفزها علشان اكون صاعق هيا ممشيتش 100% بس نقدر نقول اكتر من 80 % كويس..بس احلى حاجة فى الموضوع انى اكتشتف انى اقدر .. لما كان بتملكنى الشعور باليأس كنت دايما بجرى على ربنا واتفرج على فيديوهات دينه ومش شرط تكون عن اليأس والامل والثقه فى الله بس دايما كنت الاقى بيتكلم عن حجات كنت حاسس بيها .. كانت بتحصل صدف غريبه .. من احسن الناس الى بحب اتفرج عليها هوا الحبيب على الجفرى وهحط حلقة ليه بتتكلم عن الإرداة فى اخر الرد فيه شويه اسلحة سرية عندى كدة هقول عليها لله وللوطن ..( مع انى الحجات دى مش بتطلع برا ) سورة الكهف كل جمعه ( نور ما بين الجمعتين ) .. الوضوء .. بعتبرو السر الافضل عندى .. سعات الشيطان بيسوسلى باليأس وسعات تانية بيخلينى اسرح انا وبذارك وافكر فى موضوعات تانيه .. والاكتر من كدة بييجى على الساعة 10 ويقلى قوم نام واصحى الصبح بدرى علشان تبقى فايق ( 4 سنين بيدحك عليا بنفس الحيل ) ... الوضوء بيضيع دة كل وكمان بيمشى الكسل وقت الفجر دى مش حاجة سريه قوى يعنى بس المعروف انى هيا اكتر وقت فيه تركيز .. وفيه حاجة تانى سمعتها من دكتور وان الهواء الى بيبقى وقت الفجر بيخلى الانسان نشيط طول اليوم اخر حاجة والاهم ... سورة الواقعة .. الوارد فى الاحاديث انها بتزيد الرزق .. والمزاكرة رزق انا تقريبا بقراها من اسبوعين او 3 اسابيع كل يوم وقت الفجر .. بتفرق جدا متيأسيش دايما خلى عندك امل فى بكرا وثقة فى الله دايما (وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ) (وَلا تَهِنُوا وَلا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ) ( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ) مفهوم الإرادة : https://www.youtube.com/watch?v=EOBiQXx0CXQ .. معلش على التطويل لكن انى فى الاوضاع دى بنكون مجتاجين نسمع كتير
|
|
#9
14-12-2014, 10:23 AM
|
||||
|
||||
|
__________________
ورَّطت نفسك يا گرانتير... لو أنك بقيت نائمًا؛ لأبعدت عن نفسك الشبهة ونجوت 
|
|
#10
14-12-2014, 11:16 AM
|
|||
|
|||
|
اقتباس:
شكرا على الفيديو .. 
|
|
#11
15-12-2014, 12:39 AM
|
|||
|
|||
|
اقتباس:
انتى مش بتضيعى انا زيك اهه 3ثانوى علمى علوم الاحساس ده بيجيلى كل شويه بس من فتره ايقنت شويه حاجات مخالينى متفائله ايقنت ان نصيبى كده كده هاخده وان ربنا مش بيضيع تعب حد وان صلاتى ومحافظتى عليها اقوى سلاح بجد والله العظيم القر ب من ربنا ده نعمه صدقينى هتستعيدى حاجات كتير مش كنتى لاقيها فى نفسك اهدى كده واستهدى بالله لسه قدامك وقت طووووووووووووووووووووووويل جدا تبنى فيه وتهدى زى ما بيقولوا ونصيبك هيصيبك وعن اهلك .... انتى كبرتى والعقل خلاص نضج كفايا انه يكون ادرى بمصلحته وانا فاهمه جدا امك محتاجه دعم وتشجيع وده مش عيب فيكى ده احنا كلنا كده بس خاليكى انتى مصدر دعمك وتشجيعك كافئى نفسك ولو حتى بشكولاتيه بعد مذاكره جزء معين (ودى كانت نصيحه من صديق ليا وبجد ليها فايده ) صدقينى محدش هينفعك غيرك وانا تحت امرك فى اى حاجه تحتاجيها
|
|
#12
17-12-2014, 12:55 PM
|
|||
|
|||
|
]بارك الله فيكم جميعاااا ـ لو قلت من هنا ل بكرة شكرا مش حتوافيكم ولو " جزء " من حقكم ...
انا كلامكم كله حأخذه بالإعتبار باذن الله .. وحيكون تحت التنفيذ .. والله حدعي لكل حد هنا رد بتشجيع ليا في الصلاة انه يوفقه/ا ويرزقه/ا ما يشتهي وأكثر .. اول مرة احس ان في حد همه على مصلحتي بجد ، عنيا دمعت .. عاجزة عن الشكر ربنا يحقق لكل واحد/ه فيكم ما يتمنى ياااااارب
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:11 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
