النداء الأخير على أحزاب الفضائيات

[أ/رضا عطيه]

من يدفع فاتورة دلع البهوات والباشوات وسيدات المجتمعات فى كل عصر وكل عهد هو الشعب الكادح

فهل سيكون فيه تأنى ودراسة مستفيضة للقانون قبل انطلاق الانتخابات أم سندفع من قوت الفطار ثم يطعن ويلغى فندفع مرة أخرى من قوت الغدا فيطعن ويلغى -- بعدها مش هتلاقوا لأن معظم الشعب بينام خفيف من غير عشا

مع أن لو قدمت المليارات التى ستدفع فى الاعلانات فى الانتخابات لمشروعات البنية التحتية للصعيد والدلتا هتكون الفايدة أهم وأفضل فى وطن فى غنى عن ديكورات وبدل وكرافاتات ومشاحنات وخناقات وبدل ماهيشيلوا هم الشعب لأ الشعب هو هيشيل هم نخبه كلفوه مليارات ومليارات


ربنا كبير قادر يغير لنا الصورة الكئيبة بصورة جديده يملأها الفكر الحيوى والشعبى بجد وليس الفكر التقليدى العواجيزى

والذى غطانا صرخات فى القاعات وترضية فى الغرف المغلقة فيما بعد

وأخيرا

لما عندنا كل هؤلاء الخبراء ذوات الشعر الأبيض فى الدستور والقانون طب ليه كنا غرقانيين فى الفساد لشوشتنا

كله اتكلم وصوته علا لما ركب طقم أسنان !!!!!!!!

واضح أن السر كله فى فى طقم الأسنان ولا إيه ؟

يارب ارحمنابرحمتك الواسعة ولاتحرمنا أجرنا وحظنا من عفوك وفضلك وحصنا بصبرنا الجميل