استفسار مهم اواعتبروها فضفضه المهم ادخلوا

[ويبقى الأمل]

السلام عليكم ورحمه الله وبركاته
والله انا ما عارفه اتكلم اقول ايه ولا ليه كتبت موضوع هنا
كل الى حاسه بيه انى مخنوقه اوى ومكتئبه نفسى اتكلم لانى هموت بجد من كتر ما انا بتألم من جوايه
انا كنت السنه الى فاتت نظام قديم ماجله ثلاث مواد حصلى ظروف صعبه غصب عنى وما دخلتش الامتحانات خالص ولا ماده دخلتها
انتهت ازمه الامتحانات والنتيجه لقتنى عايشه فى كابوس مش عارفه اصحى منه اعمل ايه افكار كتير ف دماغى مش عارفه اتخلص منها اكمل دراستى ولا لأ وهل فعلا لسه النظام القديم موجود ولا انتهى السنه الى فاتت وهل يا ترى لو كان موجود اعمل ايه انا اكمل فيه هلا فى حد زيى كده لسه مأجل وبيدرس نظام قديم ولا انا لوحدى وبصراحه لسه ما لقتش حد ........بيسيطر عليا احساس بالفشل والضياع وان احلامى كلها ماتت مستقبلى مش باينله معالم بقيت بقعد لوحدى وابكى ع اللبن المسكوب زى ما بيقولوا فى طريق تانى ممكن امشى فيه هى انى احول نظام جديد بس من سنه تانيه وده طبعا رفضاه لان مجموعى فى النظام القديم كويس الحمد لله لو جبت درجات كويسه فى المواد الى معايه ده يؤهلنى لكليه حلوه
المشكله انى حاسه انى بقيت تايهه بقيت بخاف افتح الكتب زى زمان ولا معايه حد بيشاركنى ف نفس النظام الى متبعاه حاسه انى ما بقتش عايزه اتعلم اصلا
انا مش عارفه اعمل ايه محتاره فى امرى ...
يا ترى ممكن حد ينصحنى او يساعدنى ؟؟؟؟؟؟؟؟

[mohamed-khalaf]

لما سيدنا ابراهيم عليه السلام وضعه قومه في المنجنيق وهموا ان يقذفوه في النار اتاه سيدنا جبريل عليه السلام وقال له ( الك حاجة ) يعني اتريد مني مساعده فقال له سيدنا ابراهيم عليه السلام ( اما منك فلا اما من الله فنعم ) يعني انا مش عايز حاجة من اي مخلوق يعني لما تقف معايا حاجة هطلبها من ربنا بس --- ياااااااااااا رب في مشكله معايا والناس مش معبراني محدش مهتم بيا وان يا رب مش عايز اي خدمة من حد غير منك انت بس بعدها هيكون الابتلاء ولاختبار من ربنا لا وهو ( العبرة بالنهاية ) ايوه يعني سيدنا ابراهيم رغم انه ر فض اي مساعده من اي حد حتي من جبريل عليه السلام وطلبها من ربنا
بعدها الكل كان متوقع ان ربنا هينصره في نفس الوقت مثلا يرسل صاعقة تدمر هؤلاء القوم او مثلا المنجنيق ده يتعطل او النار تنطقي ولكـــــــــــــــــــــــــــــــــــــــــــــــ ـــــــــــــــــــــــــــن انتظر الجميع وحتي الان لم ينصر الله سيدنا ابراهيم الله ايه ده !!!!!!!! دول خلاص هيرموه في النار ؟؟؟ ياا رب انت منصرتوش ليه هوه مش طلبها منك وحدك ؟؟ خلاص المنجنيق اتفلت !!! الله فين النصر ؟؟؟ طاب ازاي ؟؟ خلاص اترمي في النار !!! طب ربنا منصرهوش ليه ؟؟؟ وحينهــــــــــــــــــــــــــــــــــــــــا كانت المفاجئة

( قلنا يا نار كوني بردا وسلاما علي ابراهيم ) يااااااااااااااااااااااااااااااااااااااااه بالله عليكم في كرامة زي كده
الشاهد من الكلام ان النصر والفرج مش بيجي في نفس اللحظة لازم نصبر ونحتسب وندعي ربنا وناخد بالاسباب ونحط امرنا في الامر الواقع ونتاقلم عليه بعد مناخد بالاسباب ونبعد عن المعاصي ونقرب لربنا بعدها بقي خلاص يا مؤمن ربنا هوه اللي هيخترلك ما هو خير لك وهيكون سعتها ابتلاء مش عقاب لاننا عملنا اللي علينا وليعلم الجميع ان الحياة لن تتوقف علي الثانوية العامة وفقط -- هناك الكثير من الناس يعيشون حياة سعيده مع انهم لم ينجحوا في الثانوية العامة الغبرة انك ترضي ربنا نعم ثالثة ثانوي سنة مهمة ولاذم نذاكر ونعمل اللي علينا لكن هيه مش حياة او موت

[Mohamed Hussein Salama]

اصبري يا اختي ... خير ان شاء الله
توكلي ع الله وروحي اسالي في المديرية التعليمية او حتى في الوزارة نفسها وشوفي الخيارات اللي قدامك وربنا يوفقك
بس لو مفيش مفر من النظام الجديد لا تياسي وكملي وذاكري واجتهدي الموضوع هيبقى اسهل بالنسبة لكي وممكن تطلعي الاولى كمان .... وشيلي فكره انك متكمليش تعليم دي في ناس بيبقى عندها 40 سنة وبتذاكر من اولى ثانوي وبتاخد دكتوراه كمان لسه المستقبل واسع قدامك متحطميش نفسك .... وثقي في ربنا وخلي املك في ربنا كبير والخيرة في ما اختاره الله .. قلبي معك الله يوفقك

[Prayer]

ما اتخافيش ان شاء الله فترة وهتعدي وهتحققي حلمك كل الحاجات هتبقي ذكريات


(بعتذر لحضرتك لكن يمنع وجود روابط فالموضوعات )
والجروب غير رسمى

[smsmzeros]

السلام عليكم ورحمة الله وبركاته
اولا بالنسبه لموضوع إنك مش عارفه
إذا كان فى حد زيك وؤا لأ
او هل ينفع من الاساس إنك تدخلى نظام قديم
ولا لا
تقدرى تروحى تستفسرى من المدرسة او الادارة المهم تكون جهه رسميه بعيدا عن كلام النت اللى فالغالب بيبقى فتى وقليلا ما بصيب
..
ثانيا ...
إن كان فى الحمد لله وزى ما حضرتك حابه
يبقى تتوكلى على الله واجتهدى وشدى حيلك عادى على فكره ومش شرط يبقى حد زيك لان مش كل الناس فنفس ظروفك وكان ممكن تلاقى ناس مش متفوقه وعندها هدف زيك (عايدين لفشلهم فالنجاح مش للظروف) ويأثرو عليكى بالسلب
..
ولو لقدر الله محصلش وطلع لازم تعيدى من 2
توكلى على الله برضو ومحدش يعرف الخير فين
كل اللى بيجيبه ربنا كويس حتى ولو كنا إحنا مش حاسين بكده المهم الانسان يفضل على مستواه من الاجتهاد ويخلى وجود الناس دا شئ ثانوى مش اساسى عشرن يكمل المسيره
..
اتمنى اكون افدت حضرتك
وبالتوفيق إن شاء الله