النقاط الصعبة من امتحانات الثانويه العامه السابقة (المفردات -الصور -نقاط فنية ) لكليا

[el major ray]

المشاركة الأصلية كتبت بواسطة ahmedsafan46

مبروكك يا دوك وعقبالى يارب ازاى اتدرب على المسائل الصعبه فى الفيزياء وايه افضل كتاب تذاكر منه عربى والانجليزى ممكن تفيدنى فى البراجراف والترجمه

ربنا معاك و يوفقك يارب

اولا الفيزياء لازم تحل كتير و باستمرار يعنى لو مفيش وقت خالص تحل نص ساعة مسائل فقط و مع التدريب ان شاء الله هتحل المسائل الصعبة بس متبداش بالصعب خلى فيه تدرج

العربى باه نصيحة اخويه التزم بكتاب الوزارة بالحرف و متبصش لاى كتاب او مزكرة الا فى النحو و مثلا تبص على المفردات مش اكتر صدقنى لى زمايلى كتير شطار ضاعو فى العربي عشان مزاكروش من كتاب الوزارة شوف الدرس يتحفظ و التعليق ده مهم جدا جدا
لو مش مصدقنى القانون بيقول ان فى نموزج الاجابه لازم جنب الاجابه رقم الصفحة فى كتاب المدرسة و لازم تركز على الادب بال>ات و تحفظه من كتاب الوزارة للمرة الالف بكرر (كتاب المدرسه ) و لو عندك وقت فى مدرس ع النت شرحه ممتاز و حالل كتاب الامتحان وفقا لكتاب الوزارة صوت وصوره بصراحه ربنا يباركله انا مكنتش باخد درس عربى و كنت معتمد عليه بعد ربنا الموقع بتاعه http://benzaker.com (بجد مفيد جدا)

معلش طولت

الانجليزى باه انا حليت كل الكتب و المزكرات اللى تتخيلها بس الامتحان مجاش من اى حاجه
الحل احفظ الكلمات و القواعد و افهمها كويس و حل عليها المتوفر ادامك (كتاب واحد كفايه)
مثلا top student و متشتتش نفسك و تضيع وقتك فى حل كتب كتير البرجراف لازم تكتب مقدمة قصيره عن الموضوع نفسه و خطك يكون حلو و واضح لانه اصلا مبيتقريش بس المصحح بيبص نظره سريعه و الترجمة مش لازم تترجم 100% انت مش مدرس انجليزى حاول تفهم قصد و غرض الجمله و تنقى كلمات سهله من عندك و تكتب جمله سهله بسيطه و متشطبش
زى مبيقولو كدب مساوى و لا صدق منحكش يعنى اضحك ع المصحح بجمله بسيطه و خط واضح من غير اخطاء فى الاسبلنج او القواعد و هتاخد الدرجه النهائيه ان شاء الله

معلش طولت عليك بس هى دى خبرتى و تجربتى ف الثانويه

و ربنا يوفقك و يحققلك اللى ف بالك