ان تكون لصا ليست جريمه .... انها كبيره

[مسعد سعد سعيد]

باختصار اوى خالص كلنا عارفين ان الحكومه مليانه حراميه و التربية والتعليم واخده نصيب الاسد من الحراميه دول
المهم في مديرية التربية والتعليم في المنوفية كان فيه حرامى كبير اوى اوى اوى اسمه ابراهيم عبدالمحسن علم الدين وكان بجانب انه حرامى مدير عام كبير و طبعا حرامى يبقى مدير عام شئون ماليه وادارية
الراجل الطيب ده كان من اشهر من عرفتهم مديرية التربية والتعليم في المنوفية كحرامى قدير متميز في السرقة
لكن تذكر دائما ان ربك يمهل ولا يهمل
الحاج الحرامى رزقه الله بابنه وحيده ( ربنا يخليها له ) فقط لاغير بلا اخوه او اخوات وحدانيه يعنى المهم مش دى قضيتنا ..... البنت الوحدانية تزوجت من شاب محترم فاضل وفى اول خلاف رجعت لبيت ابوها وده بيحصل في احسن العائلات
لكن الشاب الفاضل زاد عن الى بيحصل في احسن العائلات انه لما راحت بيت ابوها الحرامى القدير السابق طلب منها طلب صغير اوى عشان ترجع بيت الزوجية السعيد
وهو ان ابوها يكتب البيت بتاعه باسمها عشان ماحدش ينازعها في الميراث بعد عمر طويل للحرامى الكبير شوفتو طلب صغير اد ايه
يعنى الراجل الغلبان سرق وهلب عشان يبنى بيت لنفسه و نسيبه عاوز يورثه بالحيا و كمان يخليه يخالف شرع الله

الاستنتاج
مهما كان الحرامى حويط لازم ربك يبعت له الى يقتص منه بطريقه او باخرى يعنى الحاج يشيل ذنب السرقة و الشاب الفاضل ياخد بيت عالجاهز وكمان الراجل الحرامى الكبير يخالف شرع ربنا عشان يبقى موت وخراب ديار
ان تكون لصا ليست جريمه .......... انها كبيره