لغة_انجليزية_حاسب_آلى_علم_الحياة

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

#لغة_انجليزية_حاسب_آلى_علم_الحياة
#توعية_بدور_العلاج_الطبيعى
#كل_ما_تريد_معرفته_عن_العلاج_الطبيعى

--اسهل 3 مواد السنة دى تعالوا نشوف :-

1- #اللغة_الانجليزية =D :-

1- فى كتاب هتشتروه و الكتاب دا فى موضوعات ... بالانجليزى طبعا هترجموها و تعرفوا الكلمات الى فى المواضيع متحفظوش المواااااااااااضيع
2- فى بور بوينت هتاخدوه فى جرامر انتم اخدتوه قبل كدا و خاااااااااصة ((الصفة + ed or Ing))
3- سفكس و برفكس بادئات و نهايات الكلمة و دى حروف او مقطاع بتتحط فى اخر او اول الكلمة عشان تشيف معنى او كدا و كلها حاجات طبية هتفيدك فى انك تستنتج معنى الكلمة من غير ترجمة

#ازاى_تتذاكر ؟!
لو الدكتورة الى جتلنا فى الترم الى فات و بصراحة كدا مش هتفهموا حاجة خاااااااالص و امتحانات مش عارف دا ايه ... بس الى ممكن تذاكروه من البداية هو السفكس و البرفكس كل يوم شوية 3 او 4 هتخلصوهم و مثال على كل واحدة زاكروا لو فى حاجة زيادة فى بور بونيت الدكتورة او الكتاب ذاكروا كله اما الباقى فمياخدش منك كام ساعة ...

2-#الحاسب_الآلى :-

هى مادة تاخدوا فيها 3 شباتر
1- الأول عن حاجة اسمها تكنولوجيا المعلومات Information Technology و دى شوية مصطلحات و كدا و هتعرفها و خلاص و الدكتور كانت بتنزل ورق مترجم للمصطلحات دى على حسب الدكتور الى هيجيلكم بقى ....
2- فى اوفس 2010 ((Word-Excel-Power Point-Access)) هتاخدوا كل برنامج من دول و هتطبقوا على الكمبيوتر الى اتصلح دلوقت على حسابنا احنا =D
3- الانترنت هتدرسوا شوية حاجات عن النت و برده هتلاقوا هناك نت الى جه على حسابنا احنا خلينا احنا نتبهدل و ندفع و خدوا انتم على الجاهز اللهم لا حسد يعنى

#ازاى_تتذاكر ؟!
طبعا هتشتروا الكتب و تحلوا شوية شيتات ورا كدا و تعملوا شوية عملى على الكمبيوتر ... فى الترم الاول امتحنا امتحان عملى على الكمبيوتر و امتحنا نظرى فى اخر السنة و الأسئلة جت من الشيت الى فى اخر الكتاب .... اما فى الترم التانى فكان امتحان النظرى هو امتحان العملى و امتحنا كله عملى و كاااااان امتحاااااااااان طويل بس المهم انت فعفلا استفدت و طبقت بايدك و دا هيشعجك انك تشتغل على الكمبيوتر ... و نتمنى ان دا يحصل فى الدفعة الجديدة تمتحنوا كله على الكمبيوتر دا هيوفر وقت وهتستفاد و تبقى طبقت عملى ....

3- #علم_الحياة B| :-

و دى اسهل مادة ممكن تشوفها فى حياتك هى عبارة عن 3 بور بوينت بس
(( و البور بوينت دا هو عبارة عن ورق يعنى او محاضرات معمولة على برنامج البور بونيت و الدكاترة بتشرح منه و ممكن انتم بتاخدوها تطبعوها من المكتبة و هتعملوا كدا كتير فى كليتنا على ما الكتب تطلع))

1- البور بيونت الأول سهل جدا و هتكونوا اخدتوا الشبتر دا فى الهستولوجى و هو عن الخلية Cell Biology
2- البور بوينت التانية عن التكنولوجيا الحيوية ... يعنى هتاخد فىها شوية مصطلحات و المفروض لو فى دواء او مصل حديث او حتى جهاز علاج طبيعى و انت عايز تاخد براءة اختراع ايه المراحل الى هتمر بيها لحد ما الدواء او الاختراع دا يروح لمنظمة الصحة العالمية FDA .... Food and Drug Administration
3- البور بونت الثالثة هتاخدوا فيها يعنى ايه سرطان Cancer و انواعه ... او يعنى ايه ورم
Tumor .... و هتعرف ان ليه نوعين ورم حميد Benign tumor و ورم خبيث malignant tumor و الورم الخبيث دا الى هو السرطان Cancer ... و المهم ان السرطان دا ه زيادة فى نشاط الخلايا بطريقة مش معقولة المفروض ان فى خلايا فى الجسم بتموت و خلايا تانية جديدة بتيجى انما لو الخلايا القديمة مش بتموت او نشاط الخلايا زيادة اوى نتيجة بقى فيرس او ميكروب معين .. .دا بيؤدى لورم و على حسب درجته بقى ...

و هتاخدوا مثال على السرطان بالسرطان الى فى الجلد ....

#ازاى_تتذاكر؟!
دى اسهل مادة هتشوفيها طول ما انتم فى الكلية دى درجاتها مش تضيع خااااااالص و كل بور بوينت لو زاكرتها 3 ساعات و اجعت ان شاء الله تحيب الدرجة النهائية ....

طبعا علم الحياة هو الأحياء Biology و اسامى المادتين التانيين انجليزى Computer and English
و السلام عليكم و رحمة الله و بركاته