استفسار عن اجازة ...ارجو الرد ضروووورى

[ملكة الزمان]

السلام عليكم ورحمة الله وبركاته
انا معلمة متعينة فى 2011 وعايزة اخد اجازة بدون مرتب لرعاية الوالد والوالدة (انا غير متزوجة)، والتوجيه رافض يدينى اجازة علشان حاجة العمل،قولتله حولهم قمسيون طبى علشان تعرف ان لازم يكوم معاهم مرافق يقولى لا دى مش اجازة وجوبية
انا دلوقتى مش عارفة اعمل ايه والدى ووالدتى كبار فى السن ومفيش حد غيرى يراعهم، فكرت اقدم استقالتى(بس ايه فايدة انى متعينة لما مش عارفة اخد ابسط حقوقى وهى الاجازة)
ارجوكم سعادونى انى الاقى حل واخد اجازة
ميرسى جداااا

[مصطفى عامر 2000]

«القضاء الإداري»: «حق الأم المريضة في الرعاية مقدم على جميع الحقوق»

الأحد 05-05-2013 12:34 | كتب: أ.ش.أ
Share on facebook0 Share on twitter0 1

أرست محكمة القضاء الإداري بالإسكندرية، الأحد، مبدأ قانونيا مهما، بأن حق الأم المريضة في الرعاية أولى وأوجب من أي شىء آخر ومقدم على جميع الحقوق، وألزمت المحكمة مديرية التربية والتعليم بالإسكندرية بمنح إجازة إلى مدرسة لتتفرغ لرعاية والدتها المريضة.
وأصدر الحكم المستشار حسني السلاموني، نائب رئيس مجلس الدولة، وعضوية المستشارين محمد ياقوت، وأشرف شهاب، ومحمد المنشاوي، وسكرتارية طارق عرفة.
أقامت المدرسة دعوى طالبت فيها بإلغاء قرار جهة الإدارة برفض منحها إجازة لرعاية والدتها المريضة.
وقالت المحكمة في حيثيات حكمها إن القانون أوجب منح إجازة للموظفة لمرافقة الزوج ومن باب أولى رعاية الأم المريضة، لأن هذا الحق أولى من أي شىء آخر، فالأم كرمها الله وجعل رضاها مفتاحا لأبواب الجنة.
وأضافت: «قرار جهة الإدارة جاء مخالفا لأحكام القانون غير قائم على سند يبرره مما يستوجب إلغاء القرار وما ترتب عليه من آثار، وإلزام الإدارة بمنح إجازة للمدعية».

[مصطفى عامر 2000]

الأخت الفاضلة برجاء طباعة ماقالته محكمة القضاء الادارى . والذهاب الى رئيس الشئون القانونية بالمديرية . وأخذ رأيه فى هذا الحكم . واذا رفض . تذهبى الى النيابة الادارية التابعة للمنطقة . وتقديم شكوى مرفق بها هذا الحكم . وانشاء الله سوف تحصلين على أجازة بدون راتب . وألف سلامة لوالديك

[ملكة الزمان]

مش معترفين باى حاجة ، هم حافظين كلمتين فى الاجازات والتوجيه "الاجازات الوجوبية رعاية الطفل ومرافقة الزوج" اى حاجة تانية لا
هم عايزين فانون

[مصطفى عامر 2000]

حضرتك ده حكم محكمة وينفذ على الجميع بلا استثناء . مافيش هزار . حضرتك اعملى زى ما قلتلك

[ملكة الزمان]

اوك
ميرسى جدااا لحضرتك ،وربنا يقدم اللى فيه الخير

[ملكة الزمان]

للاسف قدمت الورقة اللى فيها القانون دى للادارة والمديرية ،وكان ردهم "دا كلام جرايد , احنا بيجكمنا قانون 47 اللى بيقول ان الاجازات الوجوبية رعاية طفل ومرافقة زوج"
وطبعا بيكلموا بمنتهى قلة الذوق كانى باشحت منهم ، انا مش عارفة اعمل ايه

[نورالإيمان]

طالما أن والديك يحتاجا الرعاية بشهادة الأطباء فهما أولى من أي شئ ولكن لا تفكري أبدا في الاستقالة فعليكي أولا اللجوء للقضاء وممكن حضرتك تسألي عن العمل نصف الوقت إلى أن تحكم لك المحكمة بالأجازة وربنا يشفيهم ويعفو عنهم ويقدرك على برهما وجزاكي الله خيرا