اقتباس:
المشاركة الأصلية كتبت بواسطة L0L0
بص يا أحمد ..انت لازم في البداية تتقبل نفسك زي ما انت لأن ربنا خلقنا كل واحد مختلف عن التاني .. و ما تحاولش تبقى اي حد تاني .. و لازم تحب نفسك و تقدرها .. و تعرف مميزاتك .. لأن ربنا خلق البشر كلهم متساويين ..كلنا عندنا عيوب و مميزات.. و بعدين الفشل مش عيب !! اللي ما بيفشلش ما بيتعلمش حاجة .. و لسه ياما هتشوف.. أنا يمكن أكون زيك اني بحب الضلمة و متسرعة شوية فكلامي.. بس دي مشكلة بسيطة .. إدي نفسك فرصة قبل ما تتكلم و فكر ايه اللي ممكن يحصل لو قلت ده .. حتى لو ما رديتش و قعدت تفكر لبكرة .. أحسن هتحس انك كويس انك ما قلتش كده .. و مرة مع مرة .. هتقدر تفكر بسرعة .. جميل اوي انك مش بتحب تخدع حد لأن دي بقت حاجة نادرة اوي اليومين دول و حلو بردو مساعدتك للناس .. يعني شايف فيك مميزات حلوة و اكيد انت عارف انك فيك حاجات تانية ... و مش معنى فشلك فالثانوية ان دي نهاية الدنيا .. لأ بالعكس ده انت لسه فالبداية..و شد حيلك فاللي جاي بعد كده .. و خلي أدامك هدف دايما بتحلم بيه و بتتخيل ملامحه و تفاصيله .. و اعمل اللازم عشان توصله .. و ربنا هيوفقك ان شاء الله .. نصيحة مني : اوعى تتهم نفسك بالغباء او اي حاجة مش كويسة .. اوعى تكلم نفسك بألفاظ سلبية .. لأنك لو مش كده .. عقلك الباطن هيصدق ده و يتصرف زي الغبي.. دايما خاطب نفسك بألفاظ إيجابية و كون متفائل و عيش اللحظة اللي انت فيها .. و آخر حاجة عايزة اقولهالك ..قال الرسول صلى الله عليه و سلم : ( من قال لا حول و لا قوة الا بالله كانت له دواء من تسعة و تسعين داء أيسرها الهم ) خليك دايما مع ربنا هو اكتر واحد فاهمك و عايزلك الهداية .. و ادعي ربنا يلهمك الصواب ....
يارب كلامي يكون خفيف عليك و اكون قدرتك اساعدك شوية ..!
|
انا فعلا ممتن جدا وسعيد جدا بكلماتك الحساسة والجميلة بس ممكن اعقب على 3 حاجاجات:ـ
1:ـ انا مش فشلت فى الثانوية انا جبت 93% بس دة مش اللى انا ذاكرتة .
2:ــ انا مش بحلم وانا نايم انا احلامى كلها وانا صاحى ( احلام يقظة ).
3:ـــ انا بحاول اخاطب نفسى بالقاظ سلبية علشان امنع الغرور واحث نفسى على التقدم بس مش عندى ثقة فى نفسى.
ـــــــــــــــــــــــــــــــــــ
شكراااااااااااااااااااااااااااااااااااااااا
22-07-2008, 02:00 PM
العرض المتطور
