استفسار : الإختيار بين هندسة بترول والهندسة العادية

[osamoha]

السلام عليكم ..

أنا طالب في 3 ثانوي ونتيجتي 99% .. الحمد لله وعندي فرصة كبيرة إن شاء الله إني ألحق هندسة بترول السويس .. بس في كلام كتير إن الكلية من حلوة وإن مفيش فرص شغل بعد التخرج أنا من المنصورة وخياري التاني هيكون هندسة المنصورة .. فأي كلية أحسن .. هندسة السويس ولا المنصورة ..

وشكرا ..

[Mohamed Hussein Salama]

هقولك تعمل ايه
صلي استخارة ... اجمع معلومات عن الكليتين ....... قارن بينهم في كل حاجة ...... اللي تلاقي نفسك حبيته اكتر ادخله .... ببساطة شغل دماغك وخد قرارك بنفسك

لو طلبت راي المتواضع هقولك بلاش بترول ..... وانت راحتك

بالتوفيق يا هندسة

[ahmed hesham mohamed]

بترول كانت حلم ليا برده

بس لما دخلتها وشوفت نظام حياتى ونظام حياه الناس اللى دخلتها

حمدت ربنا انى مجموعى مجابهاش

[Eng-Ahmed Salem Nassar]

البترووووووووووووووول طبعا يابنى انت لو مش دخلتها انت كده تبقى ضيعت فرصه كبيره
البترول بتقبل 100 واحد على مستوى الجمهووووووووووووووووورية واللى بيتخرجو بيتعينو على طول

استشير برده حد كبير عننا

[osamoha]

شكرا ليكوا على الرد أنا الظروف ممكن أتحمل إنها تكون صعبة خصوصا وإن ليا ناس في السويس وكدا

بس أنا بتكلم عن الشغل بالذات ... في مستقبل ليها كمهنة

[محمد محسن يحيي]

صلي استخارة وشوف انت عايز ايه
انا رائي خليك في هندسة المنصوره
البترول بقي في ناس كتيرة متخرجين منها ومش بيلاقوا شغل
وغير كدا الدراسة فيها صعبة وهتتعقد منها

[احمد على2013]

البترول تنسيقها عالى بسبب الهرولة عليها لمرتباتها العالية وفرص العمل بالخارج فيما بعد
اما هندسة اقسامها كتيرة وفيها اقسام فرصها حلوة فى العمل
والرزق ده بتاع ربنا
يعنى على سبيل المثال كلية طاقة اسوان بتاخد اقل مجموع فى الهندسات وتخصصها يجعلها مرغوبة فى التعيين فى محطات الكهرباء وتوفر فرص عملها