تنسيق 2014

[mo7amed re3o]

يا جماعة عايز افهم التنسيق بالنسبة للنظام القديم هيبقى شكله ايه ؟؟؟؟؟؟؟؟؟؟؟؟؟؟؟؟؟؟

[valley flower]

ماتشوفشى وحش هيكون شكله ايه يعنى ..........عالى اوى .مجموعك فى حدود كام

[محمود حسب الله]

انا عايز اعرف برده نظام التنسيق بالنسبة للنظام القديم ؟؟؟؟

[mo7amed re3o]

المشاركة الأصلية كتبت بواسطة valley flower

ماتشوفشى وحش هيكون شكله ايه يعنى ..........عالى اوى .مجموعك فى حدود كام

ايه التشاؤم ده لا ان شاء الله خير بس انا عايز اعرف هيبقى متساوى مع النظام الحديث ولا تنسيق لوحده

[chalijaly]

التنسيق زى 2012

[Mohamed Hussein Salama]

النظام القديم له تنسيق لوحده

[كامل على]

الأعلى الجامعات:
تنسيق مستقل لطلبة نظامى الثانوية العامة
قرر المجلس الأعلى للجامعات تحديد أعداد الطلاب الحاصلين على الشهادة الثانوية العامة بشعبتيها الأدبى والعلمى عام 2014 (نظام حديث- نظام قديم)، والمقرر قبولهم كطلاب نظاميين بالجامعات الحكومية للعام الجامعى 2014- 2015 عن طريق مكتب التنسيق، وذلك فى إطار السياسة العامة للدولة.

وحدد المجلس قبول أعداد مستقلة لكل نوع (حديث - قديم) للقبول بالكليات والمعاهد فى ضوء نسبة أعداد كل نوع إلى إجمالى أعداد الطلاب الحاصلين على الثانوية العامة، بالإضافة إلى تحديد حد أدنى مستقل من المجموع لكل نظام للقبول بالجامعات، بحيث لا يقل الحد الأدنى للنظام القديم فى كل قطاع عن متوسط آخر 3 سنوات للحد الأدنى للقطاع.

وشدد المجلس على تفعيل العمل بقاعدة المفاضلة بين الطلاب المشتركين فى الحد الأدنى لكليات الجامعات على أساس المواد المرجحة، بحيث إنه فى حالة التساوى فى المجموع أو المجموع الاعتبارى تكون الأسبقية للأعلى فى مجموع درجات المواد المرجحة للقبول لكل كلية أو معهد وفقاً لما كان معمولاً به فى مكتب التنسيق فى الأعوام السابقة، وذلك بالنسبة لكل الشهادات المتقدمة لمكتب التنسيق (الثانوية العامة المصرية- الثانوية المعادلة الأجنبية والعربية- الشهادات الفنية- الثانوية الأزهرية).

وأشار المجلس إلى الاستمرار فى منح درجات الحافز الرياضى وفقاً للمعمول به دون تغيير عن السنوات السابقة، مع مراعاة التنبيه على الوزارات المختصة بإرسال كشوف أسماء الطلاب المستحقين للحافز الرياضى لمكتب التنسيق.