لطلاب الثانوية اسالنا اى سؤال عن اى جامعه

[vampire1188]

المشاركة الأصلية كتبت بواسطة bsybsy0

السلام عليكم و رحمة الله و بركاته
اولا شكرا جدا على المعلومات المفيدة دى كلها و يا رب يجعلها فى ميزان حسناتكم
ثانيا انا ممكن اطول شوية فيرات تستحملونى

اولا .. العفو ياستي ..

المشاركة الأصلية كتبت بواسطة bsybsy0

ثانيا .. غيرك طول اكتر من كدا واستحملناه مش هاتيجي عليكي يعني
انا طالبة علمى علوم جبت فى السنتين التوتال 94.39% كنت عايزة ادخل صيدلة بس طبعا مجموعى ده مش حيجيب اى صيدلة خالص

ربنا معاكي .. انا عارف ان مجموع زي دا علمي علوم لا يطول السنة ولا يطول الارض ..

المشاركة الأصلية كتبت بواسطة bsybsy0

كنت عايزة اسأل بقى عن كلية علوم هل هى صعبة جدا زى ما بسمع عنها؟؟ و مجالات العمل بعد التخرج ايه ؟؟

كلية علوم انا ليا صحاب فيها .. قالولي انها تخنق وغبية .. اما عن مجالات العمل لو ربنا فتح عليكي ممكن تشتغلي في معامل .. كل واحد بقي على حسب تخصصه

المشاركة الأصلية كتبت بواسطة bsybsy0

و هل علوم احسن و لا تجارة انجلش من حيث المستقبل و فرص الشغل ؟؟

خليني صريح معاكي .. على حسب انتي واسطتك ايه !!

المشاركة الأصلية كتبت بواسطة bsybsy0

انا عارفة انهم مختلفين تماما بس كنت عايزة اعرف معلومات عن الاتنين

معلومات دي بقي تقدري تخشي موقع اي كلية علوم في اي جامعة وتشوفيها وهاتتلاقي معلومات مستوفيه
http://science.cu.edu.eg/arabic_inte..._interface.htm كلية العلوم جامعة القاهرة
http://commerce.cu.edu.eg كلية التجارة جامعة القاهرة

المشاركة الأصلية كتبت بواسطة bsybsy0

و بالنسبة لتجارة انجلش ايه شروط التنسيق الداخلى

تجارة انجليش هيا عبارة عن تجارة عااادية جدا .. بس بتدرس كل مواداها بالانجليش ومافيش ولا كلمة عربي
> شروط تنسيقها .. انك تكوني جايبه مجموع تجارة القسم النظامي ..
وتكوني جايبه كمان 80% من الانجليش في الثانوية العامة ..

المشاركة الأصلية كتبت بواسطة bsybsy0

و امتى بيتم التقديم فيه

التقديم بيتم في حالة حصولك على جواب التنسيق .. بأي طريقة بقي تحصلي عليه .. المهم يكون في ايدك
ملحوظة : عايزة تخشي تجارة انجليش .. تكتبي في الرغبات تجارة انتظام كرغبة اولي

بعد كدا اما بتتقبلي ان شاء الله بتروحي الكلية واما تيجي تقدمي في شئون الطلبة هناك بتقوللهم انا عايزة التحق بالقسم الانجليش عندكوا .. وهما هايتعاملوا بقي ..

المشاركة الأصلية كتبت بواسطة bsybsy0

حيث انا جايبة فى الانجليزى 48.5 من 50 و المستوى الرفيع مش انجليزى

انتي كدا وبعون الله مقبولة ميه ميه في تجارة انجليش ..

المشاركة الأصلية كتبت بواسطة bsybsy0

و كمان عايزة اعرف بالنسبة لتجارة انجلش بردو جامعة القاهرة احسن و لا جامعة عين شمس علما بان جامعة عين شمس اقربلى

الاتنين تقريبا واحد .. بس اللي اسمع عليه ان جامعة عين شمس في التجارة اصعب .. عشان الدكاترة بيقولوا هناك رخمين .. بس المواد طبعا هيا هيا .. وكدا كدا لو عايزة تيجي القاهرة المترو موجود يعني .. نوبروبليم

المشاركة الأصلية كتبت بواسطة bsybsy0

و بردو ايه مجالات الشغل بعد التخرج فى تجارة

كتيييييييييييير .. انا بيتهيألي لو عرضوا على بتاع تجارة يشتغل دكتور هايشتغل !!

المشاركة الأصلية كتبت بواسطة bsybsy0

شكرا جدا لمساعدتكم مقدما و اسفة جدااا للاطالة

فعلا طولتي انتي والله ..

مضطرين نستحمل !! :D