يا دولة (الغش)

[كامل خميس]

انا خلاص هنفجر من اللى بيحصل ومش قادر متكلمش مع حد
حسبى الله ونعم الوكيل فى قيادات الازهر
بيلغوا الامتحان عشان اتسرب
مفيش امتحان واحد متسربش
للاسف اللى مفتحشى كتاب من اول السنة بيقفل واللى طلع عين اهله ومغشش
لو لحق علوم يبقى كرم من عند ربنا
الامتحان بيدخل محلول من مدرسين واللى يرفض انه يغش ..المراقبين يتريقوا عليه
الواحد هيلاقيها من تصحيح ولا امتحانات ولا الغاء الامتحان ولا من الغش
انا اروح ليه امتحان وهو هيتأجل وافضل اللجنة كلها بحل فيه واقفله وف الاخر
(وكيل الازهر يقرر الغاء الامتحان على مستوى الجمهورية)

[Empty-heart]

مين هيسمعنا ... اصل لازم علشان الازهر ينضف لازم كل الفاسدين اللى فيه يتشالوا -وده طبعا شبه مستحيل - اصلهم معششين ههه

[عاشقه لنور الله]

صح عندك حق

الواحد مننا حلمو يطلع حاجه كبيره وفى الاخر يبقى مدرس والناس اللى مش بتذاكر تطلع دكاتره ودا كلو من الازهر

ربنا يصلح الحال

[على حسن 2014]

بسم الله الرحمن الرحيم
قال الله تعالي : " إن الله لا يضيع أجر من أحسن عملاً "
وقال أيضاً في محكم التنزيل " قل هل يستوي الذين يعلمون والذين لا يعلمون ...."
أعقب وأقول أن ما حدث هذا العام لحكمة يعلمها الله وهي خيراً بإذن الله " لا تحسبوه شراً لكم بل هو خير لكم .."
والذي يقوم بالغش لكي يصل فلن يصل وإذا وصل فسرعان ما يسقط : " فعليكم أنفسكم لا يضركم من ضل إذا اهتديتم ...."
وأعتب علي لغة التعميم التي يقوم بها البعض فالأزهر كان ومازال وسيظل بإذن منارة للعلم والعلماء والشرفاء الذين يرفضون الغش بجميع صوره " ومن قال هلك الناس فهو أهلكهم "
فلا تكونوا يا أبناء الأزهر معول هدم للأزهر فهذا هو ما يريده البعض منا فلننتبه إلي ذلك !
وفقنا الله جميعاً إلي ما يحب ويرضي وحفظ الله لنا الإسلام والأزهر

[عاشقه لنور الله]

أمين يارب

الازهر ملهوش ذنب لكن الذنب كله على اللى فى الازهر واللى ماسكينونه من وكلاء الازهر ومشيخه الازهر هما دول اصل الفساد

وان شاء الله ربنا يصلح حاله عن قريب