رأيكم فى امتحان الانجليزى اليوم

[Mohamed.Sa]

المشاركة الأصلية كتبت بواسطة abdohod

تقييم أظن أنه موضوعي لاختبار اللغة الانجليزية 2014 نظام حديث
1- سؤال المواقف:
في رأيي أن أي شخص يقول أنه كان صعب فهو لا يستحق النقاش معه أصلا لأن طالب ثالثة إعدادي يحله كله (4 درجات).
2- سؤال المتحدثين:
طبعا ليس بالسهولة التي عود المدرسون طلابهم عليها ولكن طلاب كثيرون حلوهم صح .. تعالوا نحذف نصف درجة السؤال (2 درجة فقط).
3- سؤال الاختياري:
طبعا مش كلها بسيطة ولكني أرى أن هناك 13 جملة سهلة للطالب المتوسط الذي حفظ كلمات وذاكر جرامر وحل تمارين أي كتاب وهذه الجمل هي (2-3-4-5-7-8-9-10-12-13-14-15-16) نقول (6 درجات فقط)
4- سؤال تصحيح الخطأ:
طبعا مش كله سهل ولكن يوجد 4 جمل مباشرين لأي طالب متوسط وهم (1-2-3-6) نقول (4 درجات)
5- 6 سؤال القطعة الأولى و الثانية:
معظم الطلبة يقولون واحدة صعبة وواحدة سهلة وطبعا مهما كانت القطعة صعبة لا يمكن يجيب فيها الطالب صفر وبما أنه يوجد قطعة سهلة فأنا هقول (5 درجات للقطعتين معا)
7- سؤال القصة:
أي حد يا جماعة قام بتدريس القصة يعلم يقينا أنه توجد جزئيات صعبة جدا و quotations متشابهه وخادعة للغاية وجمل صحح الخطأ تسبب حيرة ولكن أسئلة الامتحان الخاصة بالقصة جاءت عادية ولنكن منصفين ولذلك فأنا هقول (7 درجات فقط)
8- سؤال البراجراف:
طبعا موضوع ساذج لم يتوقعه أحد لأنه سهل فأنا هقول (4 درجات فقط)
9- سؤال الترجمة:
تعليقي على الترجمة هو أنها لا تليق بامتحان ثانوية عامة (على وش كليه يعني) عيب دي تكون ترجمة 3 ثانوي لأنها تافهة ودون المستوى المنشود لتعليم ابنائنا معنى الترجمة --- هقول (4 درجات فقط)

ومما سبق نستنتج أن الطالب العادي المتوسط اللي ذاكر وحل وحضر يجيب حوالي 36 درجه وهذا لا يعني أن باقي الدرجات مستحيلة طبعا ولكن الطالب الجيد يحصل على حولي 7 درجات أخرى بسهوله يعني الجيد يجيب حوالي 43 واترك الباقي للتميز والفروق الفردية والأوائل ..... ويعلم الله أن هذه المناهج وامتحاناتها هي نقطة في بحر مما سبق فمواصفات هذه الامتحان عموما عبيطة ولو مش مصدق جاوبني على الأسئلة دي:
--- يعني امتحان لغة للثانوية العامة خالي من المحادثة ... أمال بنعلمهم لغة ليه ان شاء الله
---- يعني ايه امتحان لغة للثانوية العامة خالي من سؤال rewrite أو حتى do as shown
---- يعني ايه قطعتي فهم في امتحان واحد
---- يعني ايه صحح الخطأ في القصة ...... أين سؤال أكمل الجملة
---- يعني ايه امتحان لغة للثانوية العامة خالي من سؤال أكمل بكلمات من عندك (دون اختيارات)

يا جماعة مواصفات الامتحان المتخلفة فيها 6 اسئلة مش محتاجة مذاكرة ... مجرد مهارات متراكمة عند الطالب وهم: سؤال المواقف -- المتحدثين – القطعة الأولى -- القطعة الثانية – البراجراف --- الترجمة
يعني حوالي 27 درجة مش محتاجه أصلا مذاكرة من مصدر محدد وإنما مهارات متراكمة --- يعني أكثر من نصف درجة الامتحان ---- يعني الطالب اللي مش مذاكر أي حاجة في المنهج وعنده شوية لغة ومهارات ينجح بالثلث وبتقولولي امتحان صعب ده كلام ---- أمال لما كل المستويات تجيب فوق الاربعين درجة من خمسين بتشتكوا ليه من ارتفاع مجاميع الكليات ---
أرجوا التحديد و الموضوعية في الرد وتدبر الأمر ككل.
وشكرا لكم على وقتكم..
أخوكم عبدالرحيم محمود من السويس (مدرس لغة انجليزية)

حضرتك معاك حق تماماً وانا حليت الامتحان كله باستثناء خطأ فالاختيارى وتلاتة فال mistake
وده السؤال اللى غريب جداً فالامتحان يعنى مثلاً نمرة 5 دى مفيش أى حاجة اسمها كليوباترا فالمنهج، وكمان نمرة 2 جملة بجد سخيفة وخطأ غير متوقع وأهمل حاجات كتير فالمنهج قاعدين نذاكر ونحل فيها،

وده كله كده على جمب ووقت الامتحان بقى حاجة تانية انا ازاى هراجع امتحان كامل فخمس ولا عشر دقائق (ده بالكتير لو فضل وقت) وأخطاء كتير لما أركز فيها تانى كنت هصححها لكن مشكلة الامتحانين العربى والانجليزى ان الوقت كبير لكن الامتحان أكبر حقيقةً من الوقت.

لكن خلاص قدر الله وما شاء فعل، وبرضه من جد وجد فالآخر.