|
#1
19-01-2014, 06:31 PM
|
|||
|
|||
الحــــــــــــــرية والوطنيــــــــــة
الحرية مش همجية وتنسى غيرك واقف فى الدور الحرية مسئولية وفضـــــائل جميله تبان فى النور الحرية مش أغنيـــة ومطـــرب واحد بقى مشهور الحرية جمـــاعية وبينها ياصحبى أسوار وجسور الحرية ربانية ثمارها كله حق أصيل للجمهــــور الحرية لك وليَّا لافيها عشش ولافيـــها قصـــــور الحرية غطاء للكل وتكـره جــــدا الأنانية والغرور الوطنية مش إنك تهتف عــاش عـاش الدستور الوطنية إنك تســـاعد علشان مواده تبـان للنور الوطنية أنك تنسى بقى مقولة (أنا عبد المأمور) الوطنية إنك تنتصر لأخ حـــزين بــا ت مقهـور الوطنية إنك تكون لغيرك أمل فى كتاب مسطور الوطنية إنك تعطى وغيرك يتمنى تعيش مستور الوطنية إنك تخلص بقى م الهم وتكون مسـرور الوطنية إنك توزن بميزان العدل فى كل الأمـــور الوطنية إنك تساوى بين الفيرولى والحنطــــور الحرية والوطنيه ابحث عنهـــــــــم فى الأديان
هتلاقيهم بحدود قوية حقى وحقك مكتمـــــــلان والحرية ياابن بلدى إنك تسبنى أعيش فى أمان والوطنية إنك تعدل بينى وبينك فى كل مكــــان الحرية والوطنية مش صناعة إنسانية دى أغلى هديه م الرحمن وأمانه وضعها لكل عباده ولكل حدودها برهان وبيان والأمانة إنك تساعدنا نخلص بقى من تجار الوطنية والحرية وكمان التجارة باسم الأديان
__________________
الحمد لله 
|
|
#2
19-01-2014, 07:06 PM
|
||||
|
||||
|
اقتباس:
الله الله الله من اروع ماقرأت عن الحرية والوطنيه كل الاديان تحترم الحريه و تدعو الى الفضيله والى التعايش السلمي السياسي الذي يتاجر بالدين هو اكثر السياسين افلاسا ورجل الدين الذي ينسى دوره الديني والاخلاقي ويعشر نفسه بالسياسه ويبتعد عن مهمته الاساسيه لايصلح ان يكون رجل دين قلم مبدع تحياتي
|
|
#3
20-01-2014, 01:02 AM
|
|||
|
|||
|
الأستاذه الفاضلة / أم فيصل
شهادتكم لنا تقدير وتكريم  جزاكم الله خيرا
__________________
الحمد لله
|
|
#4
01-02-2014, 08:40 AM
|
|||
|
|||
|
كتاب حياة المواطن البسييييييط
كله خير قمح رز فواكه وكمان قرنبييييط وتكريما لمجهوداته وخيراته ولاده بيقضوها شحططه وتشعبيط يروح مدرسته بشقى ومـــــــــرار يروح كليته متحاصر فى قطـــــار يروح مستشفى فى طابور انتظار ويتحدى الألم بالعزيمة والإصرار بالله عليكم مش البلد دى -محتاجه تزبييييط وكفايه على الغلابه لحد كدا ومش كل مره يسقطوا م التخطيط المره دى مُصرِّين على حق كامل ومش هنقبل بعد كدا ببقايا وفتافيت شكرا لكم
__________________
الحمد لله
|
|
#5
04-02-2014, 05:04 AM
|
|||
|
|||
|
هى دى مصر يابهانه
فريق عبد الرحيم بيسرب وفريق الجلاد بيسرب وفريق الإخوان بيسرب وفريق الفلول بيسرب ومفيش حد فيهم خلا فى عنيه حصوة ملح وفكر إزاى نتعاون و نخلى سد النهضة يسرب يسرب الحياة لينا - وللِّى جايين بعدينا - ---كدا هتضيع مصر يا بهانه استكتروا عليكى زغرودة على باب اللجنة وفرحتك والحبر الأزرق فى ايديكى بعد ماقضيتى عمرك فى السينما الصامته ولاحد فيهم يوم سأل عن أراضيكى ولما لقيتى نفسك وعرفتى طريقك بعد طول صبرك اتكالبوا ولاد الأكابروصبوا غضبهم عليكى اتهموكى بأشنع الاتهامات والظلم ظلمات وظلمات قالوا جاهلة وغبية وكمان مضحوك عليكى مع إنك قبل كدا خرجتى لهم و صوتى لهم وزغردتى لهم وكان الكل ساعتها بيحلف بشرف ونزاهة معاليكى وبدل مايلوموا نفسهم على فشلهم وخداعهم وخيبة أملهم رموا غلهم وحقدهم وفشلهم عليكى ماهى دى الحقيقة الغايبة فى مصر المتعلقة بحبال دايبه كل أيام السنه لولاد الرايقه ولايوم ياحزينه ليكى هتزعلى - إياكى تزعلى - و اللى خلق الخلق عالم بخفايا الخلق وبعدله ورحمته من شرورهم يحميكى أصل ربك رب قلوب وراصد منابع المتأمرك والمغروب سلمى أمرك لربك والأمل فى عدله يكفيكى ومسيرها ترجع مصر لبهانه وتفرح بهانه وتزغرد بهانه ومايجرؤ حد على إهانة بهانه لأن الحق والمستحق وكل الحق الأحق بمصرجدود وأولاد وأحفاد بهانه ولا إيه ؟
__________________
الحمد لله
|
|
#6
20-02-2014, 06:05 PM
|
|||
|
|||
|
ملت حروف الشعربين أنامل الفرسان
فلم تكن يوما سوى نسج للوجــــدان فإن كنت رفيق درب أنغامــه ورنيمه فقل الخير دوما وارفقه بصدق البيان وضع أهلك ومن حولك فى منزلة العلا ودع من هــوت قيمهم لمدح السلطان كن لنفسك وأهلك وبلدك فالخالد هو مايقربك للرحمن
__________________
الحمد لله
|
|
#8
06-03-2014, 03:35 AM
|
|||
|
|||
|
شكرا جزيلا
__________________
الحمد لله
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:08 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
