معلش ممكن مساعدة ؟

[حلمي كبير اوي *رنوش*]

المشاركة الأصلية كتبت بواسطة دى برولى

عليكم السلام ورحمة الله وبركاته
بصي طالما طريقك لهدفك مش واضح اختارى اى طريق بس متقفيش تندمى
دلوقتى انتى مش عارفة تبدأي منين اختارى اى مادة وابدأي ومتضيعيش وقتك فى التفكير

دلوقتى دى فترة حل امتحانات بالمراجعه
متعديش تذاكري تذاكرى تذاكرى وعشان عندك كاام مادة كل مادة قد ايييه مش هتحسي بالانجاز هتحبطي ومش هيجيلك نفس تكملى

لازم تحلى امتحانات ناو هتقوليلي مش عارفة احل -- هو ده المطلوب انك الى مش عارفاه تروحى تذاكريه هو بس لحد ما تعرفيه

لو انتى خلصتى كمية الامتحانات الى عندك هتلائي نفسك ذاكرتى المنهج كله ولكل المواد
ومن هنا هتعرفى انتى ضعيفة فى ايه بالظبط وهتخلصي وفى اقل من الشهرين كمان

شيلي من دماغك حكاية التأجيل دى خاالص حراام انتى معاكى وقت
الى بيقلولك مش هتقدري دول حرامية النجاح وهما السبب فى حالتك دلوقتى انصحك تبعدى عنهم

كونى واثقة تماما انك هتقدري متجيبيش سيرة فشل ولو فى ذهنك كده بس
لإنك مش هتقدري فعلا تعملى كده وتخلصي بسرعة الا اما تقدري تنجحى فى عقلك جواكى

وان شاء الله بالتوفيق ومش تقلقي كل حاجة مكتوبة بس انتى اسعى وما تخليش حد يحبطك لأنك تقدرى تعملى اضعاف اضعاف كده كمان

شكرا لحضرتك اوي علي الكلام الجميل دون
وانا هاخد بنصايح حضرتك بإذن الله تعالي
جزاك الله خير الجزاء