جدول امتحانات الثانوية 2014 للنظام القديم والجديد

ahmed ali12345 · #1 19-09-2013, 12:38 AM

السلام عليكم ورحمة الله وبركاته
انا عامل الموضوع ده علشان اقلقكوا واوتركوا مش اكتر
دلوقتى اتوا امتحاناتكوا من يوم 7\6 ليوم 21\6
يعنى اسبوعين فقط للامتحانات. للنظامين قديم وجديد

انتوا عندكوا 7 مواد يعنى يادوبك يمتحنوكوا 3 مواد فى الاسبوع
يعنى ضغط جااااااامد اوى حتى لو الكمية اللى هتراجعوها قليلة لاننا كانوا بيدونا 6 و7 ايام وببقى عايزين اكتر
يعنى تطلعوا من امتحان هتتخبطوا فى امتحان وراه ومش هتعرفوا تلموا المادة من القلق والوقت القليل
يالهوى !!

ده غير يا عينى بتوع النظام القديم يا حبة عينى المواد كبيرة ومش هيعرفوا يلموها حتى لو حافظين الكتاب صم لان مراجعه ماده بتنسى جذء من المادة التانية يعنى لو لسه ممتحن احياء هبقى عايزة فترة كبيرة علشان افرمت الاحياء واراجع الفيزياء واثبتها والا المصححين هيلاقوا بلاوى فى الورقة برة المادة

لو واحد سألنى ايه فايدة الموضوع ده . هقوله علمى علمك اصلى بقالى كتير مكتبتش قولت اخوف فيكوا شوية
نصيحة منصوحة ناصحة متنصحة

يارييت تهتموا بمذاكرة المواد مذاكرة دقيقة من الطراز الاول وتهتموا بالاسئلة الصعبة والحاجات اللى متعودناش نشوفها فى الامتحان

بس خلاص

مهاب احمد محمد · #2 19-09-2013, 01:29 AM

ياعم ليه كدة سيبهم يفرحوا وبعدن انت متاكد من حكاية اسبوعين دا قليل اوي انا قبل الفزياء كان 5 ايام وقلت قليل

ahmed ali12345 · #3 19-09-2013, 02:50 PM

اقتباس:

المشاركة الأصلية كتبت بواسطة مهاب احمد محمد

ياعم ليه كدة سيبهم يفرحوا وبعدن انت متاكد من حكاية اسبوعين دا قليل اوي انا قبل الفزياء كان 5 ايام وقلت قليل

اه والله اسبوعين بس للامتحانات

زينب رميح · #4 20-03-2014, 10:45 PM

فين الجدول

لحظة سعادة · #5 21-03-2014, 04:50 PM

كويس عشان نخلص بسرعة