اسئلة على الليزر لكل استاذة الفيزياء (ضرورى)

[ahmd77]

المشاركة الأصلية كتبت بواسطة amamqazqaz

عندى بعض الاسئلة التى حيرتنى فى فصل الليزر وخصوصا جزء (الهولوجرافي أو التصوير المجسم) كتاب المدرسه صـ 324

1
1- الكتاب بيقول "هناك اختلاف فى السعة يظهر كاختلاف فى الشدة الضوئية لأن الشدة الضوئية تتناسب مع مربع السعه" ارجو توضيح هذه النقطة وتوضيح الاساس الذى قامت عليه
تتناسب شدة الموجة تناسباً طردياً مع مربع السعة(مثلاً لوعندك خيط مرن مثبت من طرفيه وجذبته من المنتصف إلى اعلى مسافة معينة ثم تركته فإنه يهتز محدثاً صوت بشدة معينة وعند جذب نفس الخيط إلى أعلى ضعف المسافة الاولى فإن شدة الصوت تزداد)
2- مكتوب ايضا " بتعبير أخر هناك اختلاف فى طور الضوء يساوي (2π/λ * فرق المسار)" ارجو ايضا توضيح هذه النقطه ومن اى اساس جائت هذه الضيغه. وهل الفرق فى الطور يعتبر زاوية؟ اى ان الفرق فى الطور هو تقدم احدى الموجتين او تاخرها عن الاخري بزاية معينه؟؟

أرجو توضيح هذه النقط وأن كنت اعلم انها ربما تكون اساله زائده عن المنهج ولن يتم سؤالى فيها ولكنى فقط اريد ان افهم هذه النقط الغامضه ولكم جزيل الشكر

علشان تفهم دى نرجع شوية لدرس الضوء او الصوت وبالذات موضوع التداخل
فمثلا فرق المسار بين موجتين لمدا دا معناه تداخل بناء
ولما كان يقول فرق الطور بين موجتين 360 درجة دا يؤدى إلى نفس المعنى( تداخل بناء)
وبالتالى فرق المسار = عدد من الأطوال الموجية
وفرق الطور = عدد من 2باى (مجموع زوايا الدائرة 360 درجة)
وبالتالى فرق الطور =(فرق المسار ×2باى)/ لمدا
ايه علاقة دا بالليزر؟
الكاميرات مش بتسجل غير فرق الشدة (فرق توزيع الاضاءة)
اما فرق المسار لا تسطيع الكاميرا تسجيله(لو انت بتتصور هل الشعاع الساقط على جبهتك ثم ينعكس على الكاميرا بيمشى نفس المسافة اللى بيمشيها الشعاع الساقط على عينك ثم الكاميرا ؟ طبعا لأ) والاشعة دى هى اللى بتبين التضاريس اللى فى الجسم المراد تصويره
وعلشان نقدر نطلع البيانات دى لازم نحول فرق المسار إلى فرق فى الشدة والكلام يجيى ازاى عن طريق التداخل