ارجوكم ال في كليه دلوقتي يساعدناااااااااااااا

[طالبه 3ثانوي]

انا خايفه من الامتحانات
ومش عارفه اذاكر
انا بجد نفسي اذاكر بس مش قادره
التنسيق كان عالي اوووي السنه ال فاتت
كل اما افكر اذاكر احبط واقفل الكتاب
انا معرفش حاجه في المواد ونسيت كل ال اتعلمته السنين ال فاتت
انا قرفانه اوي من نفسي
انا فاشله
انا بكره المذاكره اوي والكتب
لما اجي ابص في كتاب دماغي بتوجعني وتصدع واقوم قايمه نايمه
والجو برد ومش قادره امسك الكتاب وطول الوقت عايزه اناام
انا خايفه اوي وتعبانه

[مرام احمد]

السلام عليكم انا زميلتك في اولي طب
اولا إهدي خالص ايه كم التوتر ده كله الموضوع ابسط من كدة بكتير استهدي بالله كدة ماتشمتيش الشيطان فيكي اعوذ بالله منه اولا كونك تبقي مدايقة مش عايزة تذاكري ده طبيعي وبيحصل لكل الناس وياما حصلي كدة انا وغيري ممكن اتفق معاكي اتفاق خدي اجازة انهردة وبكرة ماذكريش حاجة خالص ولا تفتحي الكتاب نهائيا اقعدي اتفرجي علي التليفزيون واخرجي انتي واهلك ونامي 12 ساعة تمام
كأنك اخدتي اجازة انتي محتاجة ده قوي دلوقتي علشان نفسيتك تهدي
بعد كدة ابتداء من يوم الاحد ان شاء الله حددي حاجة بسيطة ابداي بيها احنا لسة في شهر 12 الوقت لسة بدري قوي تقدري تذاكري كل حاجة وتتفوقي كمان وانا ياستي مستعدة اتابعك كل يوم من دلوقتي لغاية اخر يوم في الامتحانات لو تحبي واشوف ذاكرتي الجزء اللي هنتفق عليه
بس علشان خاطري اوعي تقولي علي نفسك فاشلة انتي بنت متفوقة جدا بدليل انك مدايقة انك مش بتاذكري وبدليل انك كتبتي الكلام ده الفاشل بيبقي ولا فارق معاه حاجة وعلي فكرة مش معني انك ناسية كل حاجة دلوقتي انك مش هتعرفي تحلي في الامتحان اللي بعد 6 شهور وعلي فكرة بقي انا متفائلة بيكي جدا وحاسة انك هتعملي حاجة جامدة جدا السنة دي وتفرحينا كلنا

[طـالبة العلم]

انا بردوا مضايقة من نفسي اوي عشان مش بذاكر ..وحاسة اني بعيدة عن رنا ومش بعرف اصحا اصلي الفجر ودي حاجة بتخلي مزاجي وحش طول اليوم وحاسة ان ربنا مش بيبحبني وعشان كدة مليس نفس اذاكر ..ياريت حد يساعدني ويساعدك

[fire4tige]

مشكور على هذا الموضوع الجميل

[مرام احمد]

fox
حاولي تنامي بدري وتظبطي اكتر من منبه علشان تصحي
وربنا بيحبك جدا اوعي تقولي انه مش بيحبك تاني والدليل انه بيحبك انه خلاكي مدايقة لما بعدتي عنه علشان ترجعيله تاني

[yaso ali]

يا جماعه والله احنا محدش حاسس بينا خالص
انا بردو دي نفس مشكلتي وعرضت دا عليكم وكل فين وفين لما حد يرد الكل بيدخل يبص ويقوم خارج
ليه كده طيب
محستش خالص ان حد خايف ع حد او حاسس بحد خالص
انا كنت مفكره ان المنتدي دا فيه ناس ممكن تساعدنا بجد لكن بصراحه مش لقيت خالص
اه فيه ناس بترد ومشكورين اوي بس هما يتعدو ع الصوابع اللي بيردو واحنا محتاجين مساعده منكم بجد

[To Be Is To Do]

المشاركة الأصلية كتبت بواسطة yaso ali

يا جماعه والله احنا محدش حاسس بينا خالص
انا بردو دي نفس مشكلتي وعرضت دا عليكم وكل فين وفين لما حد يرد الكل بيدخل يبص ويقوم خارج
ليه كده طيب
محستش خالص ان حد خايف ع حد او حاسس بحد خالص
انا كنت مفكره ان المنتدي دا فيه ناس ممكن تساعدنا بجد لكن بصراحه مش لقيت خالص
اه فيه ناس بترد ومشكورين اوي بس هما يتعدو ع الصوابع اللي بيردو واحنا محتاجين مساعده منكم بجد

ليه كده بس
طب حضرتك شوفى عايزه ايه واى حد هنا تحت أمركم والله

[son470508165410]

المشاركة الأصلية كتبت بواسطة مرام احمد

السلام عليكم انا زميلتك في اولي طب
اولا إهدي خالص ايه كم التوتر ده كله الموضوع ابسط من كدة بكتير استهدي بالله كدة ماتشمتيش الشيطان فيكي اعوذ بالله منه اولا كونك تبقي مدايقة مش عايزة تذاكري ده طبيعي وبيحصل لكل الناس وياما حصلي كدة انا وغيري ممكن اتفق معاكي اتفاق خدي اجازة انهردة وبكرة ماذكريش حاجة خالص ولا تفتحي الكتاب نهائيا اقعدي اتفرجي علي التليفزيون واخرجي انتي واهلك ونامي 12 ساعة تمام
كأنك اخدتي اجازة انتي محتاجة ده قوي دلوقتي علشان نفسيتك تهدي
بعد كدة ابتداء من يوم الاحد ان شاء الله حددي حاجة بسيطة ابداي بيها احنا لسة في شهر 12 الوقت لسة بدري قوي تقدري تذاكري كل حاجة وتتفوقي كمان وانا ياستي مستعدة اتابعك كل يوم من دلوقتي لغاية اخر يوم في الامتحانات لو تحبي واشوف ذاكرتي الجزء اللي هنتفق عليه
بس علشان خاطري اوعي تقولي علي نفسك فاشلة انتي بنت متفوقة جدا بدليل انك مدايقة انك مش بتاذكري وبدليل انك كتبتي الكلام ده الفاشل بيبقي ولا فارق معاه حاجة وعلي فكرة مش معني انك ناسية كل حاجة دلوقتي انك مش هتعرفي تحلي في الامتحان اللي بعد 6 شهور وعلي فكرة بقي انا متفائلة بيكي جدا وحاسة انك هتعملي حاجة جامدة جدا السنة دي وتفرحينا كلنا

انا عيزاكي تديني نصايح
عشان انا بجد املي ادخل طب

[دى برولى]

حرااام عليكى كل دى انا ....
انتى بت***ى نفسك بنفسك بكلمة انا دى
كل ما تقولى انا فاشلة عقلقك هيصدق وهيخليكى فاشلة ناجحه
وهيستخدم كل طاقتك فى الفشل
قربي من ربنا اكتر وادعيله وان شاء الله هيكرمك
وابدئي دايما مذاكرتك او تغييرك براحه مش مرة واحده
وحاولى تنظمى وقتك وابعدى عن اى حاجة بتضيع الوقت تدريجى لحد ما تسبيها خالص
وان شاء الله ربنا يوفقك