يا جماعة انا فى الأسكندرية فى مدرسة مبارك العسكرية للمتفوقين لو حد يعرفها ( متفوقين ها ؟ ) .. و متوسط درجات العلمى رياضة فيها غالبا ما بتزيدش عن الـ 92 % فى الثانوية .. ده و اذا كان المدرسة متفوقين .. امال المدارس العادية هيبقى المتوسط فيها كام ؟!! ..
الهندسة السنة اللى فاتت خدت 94.7 % فى اسكندرية .. لو خدت نفس المجموع السنة دى يبقى قليل جدا جدا جدا اللى هيدخلوا هندسة ..
يا ريت يا جماعة اللى مش علمى رياضة ميدخلش يقول التنسيق مش هينزل .. يا ريت كل واحد يحط نفسه مكاننا .....
و يا ريت تبشروا الناس ... و ادعوا بس ان التنسيق ينزل ....
أما بالنسبة لتوقعى .. فأتوقع أنه هيتراوح من 92 إلى 93 % .. يا ريت ده بس يحصل ......
افتكرت حاجة كمان ... فى سنة 2004 جت الامتحانات صعبة .. لكن طبعا صعوبتها متقارنش بصعوبة امتحانات السنة دى اطلاقا .. و مع ذلك التنسيق نزل فى سنتهم 1 % أو واحد و حبة ( مش فاكر كويس ) .. فتخيلوا احنا اللى امتحانتنا جت معقدة و صعبة جدااااا ... يبقى ان شاء الله التنسيق هينزل كتير ... ادعوا بس ....
تحياتى ...
|
16-07-2008, 05:59 PM
العرض المتطور
