تحرش طفولي

**تسابيح** · #1 03-03-2014, 05:22 PM

السلام عليكم ورحمة الله وبركاته
أكثر حاجة مستفزة بتحصل أن الأفلام والمسلسلات معظمها بقيت لازم تشوف فيها حاجات وقحة وحقيرة ولو مشفتش يبقي تسمع يعني معندكش مفر

والموضوع دا مش من دلوقتي يمكن من زمان جداااااا جدااا بس
ما علينا دا أصلا مش موضوعي ..هو جزء منه...
الاستفزاز الحقيقي ...بئا ..ان تلاقي الولد الصغير اللي عنده 5 سنين او حتي 7 قاعد هو وابوه بيتفرجوا علي مشاهد الهشك بشك

والاب يضحك ويشوف ملامح أبنه وهو كدا ولما حد يتكلم يقول دا عيل صغير هو فاهم حاجة ...!!
أو أم تسيب ابنها ادام التليفزيون اهم حاجة يكون متلهي ومش يبوظ لي حاجة

ومش مهم بيشوف ايه بئا؟؟!!

بردو دا مش موضوعي ع فكرة دا مجرد تمهيد
انا هحكي لكم ع موقف حصل ,يمكن الموضوع شوية . صعب الكلام فيه..بس بجد لازم اطلع اللي جواية اصل اني بقيت ياما هتجنن ياما هيحصل لي حاجة مش عارفة ربنا يستر عليه
ولد عنده 8 سنين كان طول الوقت قاعد ادام التليفزيون مش بيقوم وامه اصلا مش بتشوفه وبعدين قرر انه يجرب اللي بيشوفه ف التليفزيون وبعدين جرب انه يلعب مع بنت عمه وبنت عمه طفلة زيه بالضبط !!!..... المهم ان فيه واحدة شفتهم واديتهم العلقة اللي هي ..وقالت لأم البنت وام الولد اتعاملت معه بكل برود تام ومازال قاعد ادام التليفزيون...
هو موضوع التحرش اللي بيحصل مع الأطفال بجد أنا بقيت اترعب علي أي أطفال من كثرة القرف ياما بسمعه ف التليفزيون ....أو فيه ناس بنات بتكبر وتبقي بقعدة انها حصل لها تحرش زمان وهي طفلة وهي مش قادرة تتكلم ...
انا كلامي مش منظم وبصراحة عندي كلام كثير بس مش عارفة اقوله بمعني أصح ...
مفروض اني ف مواضيع زمان لما كنت بكتب ف المنتدي بكتب خاتمة لرأي انا ذات نفسي حاسة اني مليش راي واني آرائي فيه كمية تصدعات ..بفكر اني لو جبت طفل إن شاء الله مش هخليه يخطي باب الشقة
لما افكر فيها الحماية الزائدة تولد الضعف والإفراط بيولد التفريط ..!!
مش عارفة اصلا ازاي ممكن نحمي أطفالنا من التحرش ؟؟؟!!

وائل رسلان · #2 03-03-2014, 08:47 PM

والله فعلا انها آفه خطيره ... كم من الابتذال والايحاءات الجــنسيه والاعلانات عن المنشطات بصوره خطيره وغيرمسبوقه .. وبعدين يتسائلوا هو ايه اللى جرى للشباب المصرى .. ويا ترى ايه اسباب التحرش ؟؟؟
انا اولادى بيسمعوا فقط ... قنوات الاطفال mbc3 ، cn arbia ، براعم ، طيور الجنه ...
المطلوب ميثاق شرف سينمائى درامى اعلانى ... او قوانين تجرم الابتذال والايحاءات والاعلانات الجـنسـيـه
السينما الايرانيه وصلت العالميه ومن غير ابتذال ...