خطاب بلا عنوان

[أم عمار قائد الأحرار]

خطاب بلا عنوان

لو كل واحد فينا جاله خطاب الخطاب ده بيسرد كلام عادي بيحكيلك اللي حصل في يومه

بس الخطاب أو الرسالة دي ملهاش عنوان

كل واحد فينا ممكن يختلف وصوله للعنوان لو حب يعمل عنوان للرسالة دي

وممكن مش نوصل هو عايز إيه من مضمون الرسالة دي

هيبقي مبهم وهندايق أوووي لأنه محددش هو عايز إيه

ولله المثل الأعلي الأعلم بالقلوب وما تحويه وما كان وما سيكون

إنت لما بتتعامل مع الله عزوجل بأعمالك بدون ما تحدد إنت إيه غرضك من العمل ده

بيبقي بالظبط زي الرسالة اللي من غير عنوان

ياتري إيه هدفك من العمل ده عايز منه إيه

ممكن واحد يدرس في الكلية ويعمل ويعمل ويعمل تسأله ليه بتعمل كده

يقولك نصيبي وعملي وبشتغل فيه علشان أشتغل بعد كده وأكون بيت ووو

فيه واحد تاني عنده بصيرة بينظر للآخرة ومش بينسي نصيبه من الدنيا برده

يعني هدفي من الكلية أشتغل وأذاكر طاعة لله عزوجل ولو العلم بتقرب بيه لله عزوجل وكمان علشان أنفع المسلمين ودعوة وووو وحاجات كتييييييير هتخلي درجته ترتفع عند الله عزوجل

ناس تانية تقولها إيه نيتك من العمل ده تقولك كل خير

أيوة طيب لازم نحدد ونفكر في نوايانا في الموضوع ده

ناس تانية ترد تقولك انا علي الفطرة يعني أكيد بعمله لله وعلشان أقرب منه

جميل جدا تعالوا نشوف الفرق وفيه ناس أعلي من كده

قال صلى الله عليه وسلم: لا أجر إلا عن حسبة، ولا عمل إلا بنية.

رواه الديلمي وصححه الألباني



ليه طيب بتحدد علشان نميز العبادات عن العادات متبقاش الحاجة بنسبالك عادة وقلبك مش حاسس بيها وتشعر إنك بتعمل وبتعمل ومش حاسس بتأثير العمل في قلبك بعد كده

ويبقي السبب إن مفيش تحديد أو تجديد للنية

وتاني حاجة بنميز بيها العبادات بنفرق بين السنة والفرض

يعني الواحد أساسا ممكن بإحتساب النية والأجر ياخد أجر العمل حتي لو بعد كده مقدرش يعمله

يا سلااااااااام إيه الجمال ده

يعني ممكن توصل لمنزلة عالية بالنية

آه

ممكن تكون شايف واحد عنده إمكانيات كتير يعمل حاجات كتير تقربه لله عزوجل وإنت مش عندك الإمكانيات دي

تقدر تاخد ثواب زيه بالنية بس

عن أمير المؤمنين أبي حفص عمر بن الخطابرضي الله عنه ، قال : سمعت رسول الله صلى الله عليه وسلم يقول : ( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) رواه البخاريومسلمفي صحيحهما .



طيب في النية قسمين

في نية فعلية ونية حكمية

النية الفعلية هي الواحد لما بينويها في بداية العمل

ةوالنية الحكمية لما الواحد يكون ناوي من الأول ووسط العمل يغفل عن النية دي

يعني مثلا الواحد بيدرس سنين طويلة وأثناء الدراسة غفل عن نيته

كده يبقي العمل ضاع

لأ بإذن الله هو بس عمله هيفتقد الكمال والفضيلة لكن حكم النية لسة موجود

تمام كده

يبقي الواحد مش هياخد ثواب ولا أجر إلا بالنية يبقي نراجع النوايا تاني ونبتغي بأعمالنا كلها وجه الله حتي الأكل والشرب والنوم والمذاكرة والمشي وكل كل حاجة تبقي كل حاجة نبتغي وجه الله بيها ونعدد النوايا في العمل

لأن أكيد اللي نيته واحدة غير اللي ليه كذا نية في العمل الواحد

أكيد التاني بياخد ثواب أكتر علي الرغم إن العمل واحد

يبق اللي مش محدد نية يحدد

واللي يبتغي بيها وجه الله يجددها ويحددها برده علشان مش تبقي العبادة عادة

واللي بيحدد النية يعددها

ونحاول نجاهد النفس في الموضوع ده علشان دايما متعودين بنحب نوصل لأعلي حاجة مدام الحاجة في إيدينا ومش صعبة

واللي هيعينك علي كده هو دوام ذكلر الله وقصر الأمل ودوام ذكر الآخرة

علشان يقوم العمل علي أقدام المحبة والخوف والرجاء

قال تعالى: إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ * وَالَّذِينَ هُمْ بِآَيَاتِ رَبِّهِمْ


يُؤْمِنُونَ * وَالَّذِينَ هُمْ بِرَبِّهِمْ لَا يُشْرِكُونَ * وَالَّذِينَ يُؤْتُونَ مَا آَتَوْا وَقُلُوبُهُمْ وَجِلَةٌ

أَنَّهُمْ إِلَى رَبِّهِمْ رَاجِعُونَ * أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ


{المؤمنون: 61،60،59،58،57}


وقد أوصى النبي صلى الله عليه وسلم بمقتضى ذلك فقال: اذكر الموت في

صلاتك، فإن الرجل إذا ذكر الموت في صلاته لحري أن يحسن صلاته، و صل


صلاة رجل لا يظن أنه يصلي صلاة غيرها. رواه الديلمي، وحسنه الألباني.

وهكذا في باقي الأعمال لو الواحد إستحضر فيها ذكر الموت وقصر الأمل وإن ممكن يكون آخر عمل ليه أكيد هيجيب النية فيه تمام بإذن الله

[مستر محمد سلام]

جزاك ربي خيرا ابو عمار

ورزقك بكل حرف الف الف حسنة

[شذى العطر]

جزاك الله كل خير
النية شئ مهم جدا ناس كتيرة بتستصغرها

[أم عمار قائد الأحرار]

بوركتم ع مروركم الطيب

[ayman5050]

مشكووووووووووووووووووووووووووووووووووووووووووووووو ووووووور

[Mohamed Abou Almagd]

بارك الله فيكم