:(_(_(: شـــربتــ دمـــ :)_)_):

[سيلفانو]

شوارعها خلاص احمرت
من كتر ما شربت دم

وارضها من ناسها اتبرت
من كتر ماداسها الظلم

واطفال اهاليها اتقتـــــلت
وداقوا ذل اليتم



يا بلدنا اصحى وقومى
ودوسى عاللى هانك

ومهما جرالك هتدومى
ده رب العرش صانك

وعن طيبتك مرة صومى
وادفنى فيكى اللى خانك

============


لما ضلام لياليكى
يصبح نور بحريق

ومع صوت الفجر فيكى
صوت انفجار فطريق

وخسيسك ساكن فيكى
ويقول والله بريء

============


سامحينى يا ارضى يا امى
ان كنت اسأت اليكى

والله من كتر همى
شكيتك منك ليكى

ده انا عشقك جوة دمى
وهوطى ابوس رجليكى

=============



شوارعها خلاص احمرت
من كتر ما شربت دم

وارضها من ناسها اتبرت
من كتر ماداسها الظلم

واطفال اهاليها اتقتــــلت
وداقوا ذل اليتم



بــ ق ـــ ل ــــ م ــــ ى //// أ:::: نور