رباعيات الحكمة لـ " عبد الرحيم منصور "

أسيل رزق · #1 12-07-2008, 10:44 PM

11- تبت حبالك وبحر
ويا الرفاقه المليحه
في الشده وياك تشمر
وتعدي لايام مريحه

Ө Ө Ө

12- أوعى تريح وترسى
وتقول ده آخر المطاف
الدنيا مالهاش مرسى
والحمل فوق الكتاف

Ө Ө Ө

13- أوعى يا خيال تميل
عمر الخيول ما بترحم
لا حيرمي سرجه الخيل
ولا حتى على صاحبه يندم

Ө Ө Ө

14- يا صاحبي عافر إن
لم يحظى حلمك بمرسى
ده العمر مالوش سن
والدنيا قدامنا لسه

Ө Ө Ө

15- جوه النقوش القديمه
بهتانة حكمة زمان
شبه الغريم والغريمه
لونها ولون الحيطان

Ө Ө Ө

يـــ تـــ بـــ ـــع

أسيل رزق · #2 13-07-2008, 09:37 AM

16- الحكمه من غير شفايف

قول يا حكيم القبيله
بترتعش ليه وخايف
مالناش غيرك وسيله

Ө Ө Ө

17- سمعت حكمه وقلت

يا هل ترى مين كاتبها
قالوا الألم والكبت
والصمت هوه صاحبها

Ө Ө Ө

18- الليل ده عالم وعالم

عالم وساتراه بيوت
عالم بيعسكر بعالم
وعالم ماهوش لاقي قوت

Ө Ө Ө

19- هات من جرابك وقوللي

يا اللي إنت عارف البعيد
وأديني سدرك يا خلي
سدرك كأنه العيد

Ө Ө Ө

20- عالم وبودان كبيره

سامعه وماهيش سامعه
الضحكه بتساوي حيره
والفرحه بتساوي دمعه

Ө Ө Ө

يـــ تـــ بـــ ـــع

أسيل رزق · #3 20-07-2008, 08:33 AM

21- سوا في الطريق السهل
أو في طريق الصعب

جاي بالورود والفل
بكره لجموع الشعب

Ө Ө Ө

22- أنا كلمه منها الحقيقه
سابتني ليه الخلايق

وحدي ومن غير شقيقه
عريانه بين الشقايق

Ө Ө Ө

23- سموني باسم الحقايق
سموني باسم التراب

وارموني وسط الخلايق
أقتل نغم كداب

Ө Ө Ө

24- أيام علينا تعدي
وتمر مثل السحاب

وإحنا بناخد وندي
ونبيع لبعض العذاب

Ө Ө Ө

25- عايش على دى الحال
ألف وأتعب لحالي

وكل ما أسأل سؤال
يرجع لي تانى سؤالي

Ө Ө Ө

يـــ تـــ بـــ ـــع