ياجماعه متغلبوش نفسكم ده تحليل للجدول

[مستر شريف مسعد]

اول نقطه . فكره توزيع المكافاه فكره شيطانيه من وزاره التربيه والتعليم واستخفاف بعقول المعلمين مش حبا فى المعلمين الغرض منها تزويد المرتب الشامل حاليا (شهر ديسمبر) حتى يتعدى الحد الادنى المزعوم 1200 او 1300 للدرجه التالته لما نيجى على الخانه الاولى فى الجدول هنلاقى المرتب الشامل للمعلم المساعد بعد اضافه المكافاه 1301 هنلاقيه معدى الحد الادنى . يبقى ازاى هناخد علاوه الحد الادنى واحنا اصلا معديين الحد الادنى بواسطه الفكره الشيطانيه وهى توزيع المكافاه
بكده احنا ملناش غير زياده واحده وهى علاوه مقابل الاعباء الوظيفيه

معلم مساعد . 425_70=355
معلم. 400_70=330
معلم اول.375_65=310
معلم اول ا.350_60=290
معلم خبير.325_55=270
كبير. 300_50=250

هيا دى الزيادات الفعليه اللى صدعونا بيها وغلبو المعلمين معاهم باللوغاريتمات

بالنسبه لباقى الموظفين فى الدوله زياداتهم الفعليه

درجه تالته . 280
درجه تانيه . 250
درجه اولى 210

بالنسبه للفروقات اللى اتميزنا بيهاااااااااااااا عنهم فى حدود 40 ل60 جنيه
والله الناس كلها بدات تحسدنا من كتر كلام وزير التربيه ووزير الماليه عن الزيادات المهوله اللى قالوا عليها وهى 526 جنيه

[مدرس2000]

فيه حاجة كمان انت مش واخد بالك منها
وهى الاجر الشامل يعنى كل المرتب بدون خصومات يعنى مثلا انا معلم على الدرجة الثالثة مكتوب فى خانة الاجر الشامل الحالى 1450 تقريبا بس اللى انا بقبضه فى ايدى كل شهر بعد اضافاة الحوافز وغيره 840 جنيه يعنى فيه فرق 600 جنيه تقريبا وطبعا استهبال فى استهبال والمشكله ان المسئولين عندهم بجاحة غريبة ويقعدوا يعيدوا ويزيدوا يعيدوا ويزيدوا والاغرب من كدا ان مفيش حد مصدق انهم بيضحكوا علينا وعندهم شبه يقين ان المعلم المساعد هيقبض فى ايده فعلا 1700 والمعلم 1900
لو عاوز تتأكد انهم بيكدبوا علينا انك لو فكرت هم ليه مش عاوزين يضموا لنا مدة العقد المميز تعرف انهم كدابين
دول مش عاوزين يضموا الخدمه علشان الاساسى مايزيدش 20 جنيه يقوموا يديكوا 100 جنيه هبل هبل هبل

[مدرس2000]

اللى انا متوقعه هما 200 جنيه بس زى ال 50 % بتاعت مرسى