مرتبى بعد العلاوة الجديدة

[اسماعيل محمد عبد الموجود]

شهر 12 كان مرتبى 688 بعد الخصم الذى تم حيث تم خصم 52 جنيه حيث كان 730 علما انى معلم قرار 137 ولم ناخذ بدل الاعتماد حتى الآن
العلاوة كمعلم 400 نخصم منها 15% قيمة الخصومات التى تتم حاليا تبقى الصافى 340 جنيه هى مقدار الزيادة المتوقعة للمعلم ويصبح مرتبى ان شاء الله لو مشى الخصم 52 جنيه سمعنا هترجع تانى 688+340=1028 فقط لا غير ولو رجعت 52 جنيه هيبقى 1080 جنيه لو اخدنا بدل الاعتماد هيبقى تقريبا 1178 جنيه والله اعلم حبيت اساعد اللى عايز يعرف مرتبه
اسئلة اخرى قد تدور فى الاذهان
هل المعلمين لهم فى علاوة الحد الادنى يعنى هناخذ علاوتين ؟ الاجابة لا قرار 22 من مجلس الوزراء فى نص مادة بتقول العاملين المدنيين بالدولة والغير مخاطبين بقوانين خاصة والمعلمين لهم قانون خاص 155 إذا المعلم ليس له علاوة حد ادنى رسميا وله علاوة اعباء وظيفية فقط وهى تفوق بالفعل مثيلاتها فى الحد الادنى
ملحوظة أخرى بالنسبة للاجر الشامل مثلا للمعلم المساعد كيف تم حسابه 1301 جنيه
الشامل الموجود فى كشف المرتبات 810 جنيه مثلا تخصم 15 % تامينات ومعاشات تاخد الصافى 688 وبعد 810 جنيه تم اضافة 200 جنيه مكافاة امتحانات شهريا 1010 جنيه اللى حصل انهم اضافوا للشامل حاجة اسمها العبء التامينى وبعد البحث والسؤال عرفت ان العب التامينى ده جزئين جزء بندفعه احنا ( العامل ) وجزء بيدفعه صاحب العمل ( الحكومة ) وده يفسر الرقم المكتوب جنب كل علاوة تحت مسمى العبء التامينى
حاولت ازيل اللبس على قد ما فهمت وشكرا جزيلا
والمهم البركة فى الرزق اولا واخيرا ونعمل بجد واخلاص

[اسماعيل محمد عبد الموجود]

اكثر ما يؤلم هو كثرة تصريحات وزير التعليم عن الزيادات الخاصة بالمعلمين والتى لا تقارن نهائيا بكادر اساتذة الجامعات و هئية الشرطة ...