خلاص فقدت الامل من كل حاجة

[شهد اليوسف]

المشاركة الأصلية كتبت بواسطة Mustafa Aboalwafa

القطار مافاتش ولا حاجه واحنا لسه ف نص واحد والوقت قدامكم كبير انكم تخلصوا المنهج وتراجعوا وتخشوا تجيبوا الدرجات اللى انتوا عايزينها وتخشوا الكليه اللى انتوا عايزينها وتفرحوا اهلكم ..

بس السؤال :انتم عندكم عزيمه واصرار ان انتوا تعملوا كده ؟؟
هل هتتخلوا عن احلامكم عشان اول مشكله تواجهكم ف الحياه ؟؟
لو مقدرتوش تواجهوا المشكله ديه هتعملوا ايه ف مشاكل الحياه ف المستقبل ؟؟

الفشل مش حاجه وحشه ...الفشل ف حاجه معناه انك ف طريق النجاح عمال تقع وتقوم تقع وتقوم لحد ماتقوم ف الاخر

اكتر حاجه هتخليكم تحبطوا انكوا تبصوا لزمايلكم وتشوف بيعملوا ايه وبيدحوا ازاى

ابداوا من دلوقتى وخليكم واثقين انكم تقدروا تعملوها بس ابداوا

انا كل ما ابدا ويكون عندي امل تحصل حاجة تشئلب الدنيا كلها وارجع لفقد الامل تاني بس هحاول ادوس علي كل ظروفي واذاكر واسعد اهلي ومش اخلي حد يشمت فيا واغرب حاجة الناس كلها بتحقد عليا وتحسدني مع اني مستوايا نزل جامد مش عارفة لو ذاكرت الناس هيعملو فيا ايه
مع اني ناس بتئولي اللي حاصلك دا حسد واقراي قران كتير بس انا مش معترفة انو حسد يعني هتحسد علي ايه بلا خيبة ممكن اكون محسودة فعلا في حاجات تاني غير الدراسة لكن الدراسة مستحيل اكون محسود بلا نيلة
بس باذن الله هحااول تاني وتالت وهضغط علي نفسي للنهاية وكلها 4 شهور ونص وبعدين ارتاح اتعب فيهم وبعدها هرتاح للابد وفعلا علي رائ بابا اعتبريها (سنة الفيصل اما راحة دائمة واما شقاء دائم ) انا هكتب العبارة دي في كل حاجة اذاكر فيها عشان تئويني