سؤال لخبراء الكنترول بمحافظه الاسكندريه

[ميدو وبيبو]

انا اول مره اكون مسئوله عن الكمبيوتر والطباعه في الكنترول
ومش عارفه الاماكن اللى اطبع فيها شيتات الامتحانات الكبيره بتاعت الدور الاول انا عارفه
انه لسه بدرى ع السؤال بس على ماحد يرد عليا
لان المكتبات اللى اعرفها مفيهاش طباعه حجم الشيت الكبير وجزاكم الله خيرا

[نوشةمنجة]

والله اللي اعرفه الشيتات الكبيرة دي بتكتب بخط اليد وذلك من واقع الشيتات الصغيرة من الكمبيوتر

[فتحى ابوالفضل]

الأخت الفاضلة



تطبع الشيتات الكبيرة بالأحجام التر ترغبي فيها أياً كان الحجم في باكوس بعد الإذاعة مباشرة أمام فنون جميلة هناك اكثر من مكتبة للطباعة و باسعار ممتازة عن تجربة شخصية

[هشام الشوري]

تكلفة الشيت الواحد من 4ال5 جنيهات ارخص من باكوس الرقم 01149497490

[فتحى ابوالفضل]

اخي الفاضل / هشام الشورى

اشكرك على المداخلة

ولكن لم تذكر حضرتك فين بالضيط

و على فكرة

أنا طبعت شيت مقاس 90 × 70 سم بي 3,75 قرش ( اربعة جنيهات الا ربع )

شكراً على رد حضرتك

[ميدو وبيبو]

جزاااااااااكم الله خيرا
ويا استاذ فتحى انا في انتظار الوصفه تفصيليا لانى اسكندرانيه بس اخرى سيدى جابر

[فتحى ابوالفضل]

أختى الفاضلة

هو حضرتك منين من اسكندرية

على فكرة انا مش مقيم اقامة دائمة في الاسكندرية أنا صعيدي من قنا و عملى كمان في قنا

[مستر / طـــــارق العـــش]

اشهر أماكن الطباعة لكل الأحجام
مكتبة الباشا بجوار الجوازات
محطة الرمل

[ميدو وبيبو]

شكرا مستر طارق
شكرا مستر فتحى

[ismibra]

اختى الفاضلة
يوجد امام كلية الهندسة 3 مكتبات للموضوع دة
فى جليم بجوار كلية الفنون الجميلة
مكتبة زوم شارع اللى على ناصيتة قسم الرمل على محطة الترام