بشرى سارة لادارات المنيا واتمنى صحوة ادارة ابوقرقاص

[سلامه سلمان]

اليوم كنت فى مديرية المنيا واكد لنا فعلا الاستاذ محمد قاسم عودة الخصم وزيادة الاساسى الخاص بعلاوة 2008 وهى 30% وتعتبر 43.5 ليصبح الاساسى الخاص بنا 274 تقريبا بدل من 242 . وانشاء الله بعد كده هيرجعوا لينا الى اتخصم باثر رجعى
الاهم من كدة قال ان كروت الدرجة وصلت وعلى كل ادارة ارسال كشوف ضم المدد السابقة عن فترة العمل كمعلم مساعد وذلك يشمل فترات العمل بالحصة فى استمارات 103 ع ح والاداراة ترسلها كشوف للمديرية .
فعلى الفور رجعت ادارة ابوقرقاص وسالت فطبعا كالعادة لم يصلنا شىء رسمى . ذهبت الى الارشيف عند الاستاذ مصطفى لقيت صورة الفاكس من ثلاثة ايام ولم يستلمها احد فذهبت الى الاستاذة المختصة ( الاستاذة رشيده ) باستلام البوسته من الارشيف وتسليمها الى شئون العاملين وقمت بتسليمها الى الاستاذ حسن عبدالحميد والابله منى والابله وردة . وانشاء الله هيتم فورا ارسال نشرات لكل المدارس غدا لجمع استمارات 103 من المعينين بالقرارات 53 , 74 , 244 , 169 , ..
ولكن المهم ان يكون فيه ضغط شويه من المعلمين علشان الموضوع يتحرك بسرعه و نرسل كشوف ادارتنا الى المديرية حتى تستوفى ملىء كروت الدرجات الخاصة بنا وعمل التسويات اللازمه واسترجاع جزء من حقوقنا ..... علشان احنا فعلا تعبنا كتير وعانينا من الظلم اشد المعاناة فى فترات العمل بالحصة وضاعت مننا سنين وغيرنا اصغر مننا باكتر من 6 او 7 سنين اتعين معانا والكل اتساوى واللى اشتغل بالحصة 5 او 6 سنين وسنتين او ثلاثة عقد مميز اتسوى مع اللى اشتغل معلم مساعد دون ان يمر بسنوات المرار
مع العلم انى لا الوم من هو اصغر او من تعين بفضل الثورة ولكن الوم على نظام قديم ضيعنا وموت فينا الامل برجوع الحق لاصحابه وتحقيق مبادىء العدالة فى كل شىء

[mena gerges123456]

الرجاء رفع صورة القرار

[jana khaled]

باله عليك ارفع صورة القرار انا محتاجاها اوى انا من القاهرة وتعبت من الشكوى دون اى جدوى استحلفك بالله

[jana khaled]

قرار رجوع علاوة 2008 لوسمحت

[foxwood55]

اليوم انا سمعت ان المرتبات بالزيادة الجديدة جاءت الى الادارة وقال لي مسئول شئون العاملن بان ضم المدة بالحصة قريبا يوم السبت القادم 4/1/2014
تصديقا لكلام الاستاذ الفاضل / سلامة

[هاني سيد بلال]

صورة القرار

[teacher120]

ياريت كلنا محتاجينه

[شريف حسن .]

صورة القرار وموجوده بالمرفقات

[mena gerges123456]

المشاركة الأصلية كتبت بواسطة شريف حسن .

صورة القرار وموجوده بالمرفقات

ياريت يااستاذ شريف تقلي ماهي المواد والاسس الذي اعتمد عليها وكيل النيابه في اعطاء الحكم

وياريت صوره منه حتي نسترشد بها

[علي عضاضلي]

استاذ سلامة جزيت خيرااااااااا

[م هاجر]

شكرا استاذ سلامه وربنا يجعلة فى ميزان حسناتك انشاء الله
بس عايزين نعرف لو سمحتم هى فترة الحصة والعقد المميز هيضموها كمدة ودرجة ولا هتنضم للتامينات والمعاشات فقط الفاكس اللى نشره الاستاذ شريف حسن مكتوب فيه كمدة خبرة عملية ( يا ريت حد عنده علم بس يكون متاكد من معلوماته يوضح لنا معنى مدة خبرة عملية ) وكل سنه وحضراتكم جميعا طيبين وبخير وآمنييين وسنه سعيدة عليكم يارب