رواتب المعلمين من يناير القادم

[الممنية]

فراد.. ننشر رواتب المعلمين بعد دعم الدولة بـ6 مليار للكادر لتطبيق الحد الأدنى بداية من يناير

وزير التعليم
- فاتن حلمى
نشر: 25/12/2013 9:40 م – تحديث 25/12/2013 9:44 م
1500 جنيه للمعلم المساعد.. و1700 للمعلم.. و1950 للمعلم أول.. و2350 للمعلم أول (أ).. و2900 للمعلم الخبير.. و4500 لكبير المعلمين

فى مفاجأة سارة للمعلمين، اتفق وزيرى التعليم والمالية على اعلانها فى مؤتمر صحفى مشترك للمعلمين، إلا ان التحرير تفجر تلك المفاجأة السارة لتنفرد باعلانها، حيث كشفت مصادر مسئولة داخل وزارة التربية والتعليم للتحرير، أن اللجنة المشكلة من وزارتى التربية والتعليم والمالية التى شكلت فى الاساس لبحث احوال المعلمين قررت الموافقة على دعم كار المعلمين بمبلغ 6 مليارات جنيها.

وأشارت المصادر إلى أن مرتب المعلم المساعد بداية من شهر يناير المقبل سيبلغ 1500 جنيه، ليحصل نظيره على الدرجة الثالثة من العاملين فى الدولة المطبق عليهم الحد الادنى على مبلغ 1288 جنيه.

المصادر اكدت ان المعلم يحصل على مبلغ 1700 جنيه ، والمعلم اول سيحصل على مبلغ 1950 جنيه ، والمعلم أول (أ) يحصل على مبلغ 2350 جنيه ، بينما يحصل المعلم الخبير على مبلغ شهرى 2900 جنيه، فيما يحصل كبير المعلمين على 4500 جنيه ، فى الوقت الذى يحصل العاملين فى الدولة على مبلغ 2247 جنيه.

المصادر أوضحت ان اللجنة ايضا قررت توزيع مكافاة الامتحانات للمعلمين السنوية مقسمة على 12 شهر ،حيث سيحصل المعلم على 7 شهور، مكافأة امتحانات فى شهر مايو المقبل، وأضافت المصادر ان الاداريين والفنيين والعمال فى التعليم داخل الحد الادنى، وبالتالى سيحصلون على مكافاة امتحانات سنوية وهذا يطبق من ينايرالمقبل.

ذات المصادر أكدت ان المشاركين فى الكنترولات من المعلمين سيحصلون على مكافأتهم نظير مشاركتهم فى اعمال الكنترولات ، اضافة الى مكافأة الامتحانات المقسمة على 12 شهر.

المصادر اوضحت ان الدكتور محمود ابو النصر وزير التربية والتعليم طالب وزير المالية اعلان رواتب المعلمين وزياداتها المالية بعد تطبيق الحد الادنى عليهم اضافة لمميزات كادر المعلمين فى مؤتمر صحفى سيعقد قريبا.

[مسيو عاطف]

هههههههههههههههههههههههههههههههههههههههههههه
هأ هأ هأ هأ هأ هأ
هأ هأ هأ هأ هأ هأ
هأ هأ هأ هأ هأ هأ
من دقنه وافتله
بلا خيبة احنا مفضوحين وخايبين كمان

[علي عضاضلي]

احمدو ربنا .. دة احنا قعدنابالعقد المميز5 سنين وكنا بنقبض 170ج ولما زادت كانت300 .. ودلوقت ماشاء الله1500 و1700 ومش راضيين

[امجد7007]

المشاركة الأصلية كتبت بواسطة علي عضاضلي

احمدو ربنا .. دة احنا قعدنابالعقد المميز5 سنين وكنا بنقبض 170ج ولما زادت كانت300 .. ودلوقت ماشاء الله1500 و1700 ومش راضيين

مستر على كلامك صح انا كنت كده برضه
فاكر انى لما قبضت 300 بعد ما كنت باخد 170 كنت طاير من الفرحه
خير كتيرررررررررر ونعمة وفضل من ربنا
اللى يتبتر على النعمه تزول منه

[شريف الهادى]

واحنا كنا بنقبض 104.60 ج ربنا يوسع ارزاقنا بالحلال ويرضينا بما قسم لنا

[محمود شاد]

الادارى المسئول فى المدرسة جاب التعديل الجديد من الادارة ومفيش اى جديد بل هناك خصومات لبعض المدرسين التعديل بتاع شهر 1 وشكرااااااااا للراتب الجديد

[سمر سيتى]

يا كريم يارب
ربنا يسهل ان شاء الله وشكرا على الخبر

[ghoneem84]

لقد خدع الوزير المعلمين
عندما يكون قبضى 850+200مكافأة =1050 والوزير بيقول الشامل هيكون 1700
واخصم منهم تامينات ومعاشات وحصة الحكومة فى المرتب ونقابة ومعاش نقابة وغيره
هتلاقى المرتب فى الاخر مصفصف على 1150على الاكثر يعنى الزيادة ستكون 100جنية فقط
منكم لله خدعتونا

[درة السنة]

لومدرس اول أ مرتبه 1850 ولو قسمت المكافأة300 شهرىا يبقى مرتبه الجديد كام؟؟

[عبدالنبي الحداد]

يا كريم يارب
ربنا يسهل ان شاء الله وشكرا على الخبر