لكل اللي رايح تانية أو تالتة ثانوي

[ahmedelfangary]

المشاركة الأصلية كتبت بواسطة yasmeena.r

انا شايفة ان مش مشكلة في 3 شهور المشكلة ازاى استحملت تواصل المذاكرة رغم انها كانت طالعة من مذاكرة

اصل المنهج عادى يخلص في 3 شهور او شهرين لو الواحد فاضى ومفيش اى حاجة شاغلة باله وخصوصا الاجازة دا انسب وقت فاضل كتير كان بالنسبة ليها ع الامتحانات فاكيد تفكير صافى مفيش اى تشويش

وبعدين دا منهج تانية وتالتة اللى كنا بناخده في شهرين او 3 شهور هيا كانت بتكون مخلصة المواد ومراجعاها كذا مرة اكيد متعودة

بالعكس الوقت الانسب للمزاكرة هوا بعد الامتحانات وكمان ب10 أو 15 يوم لان المخ بيكون شغال وفي كامل نشاطه .. اما لو توقف الانسان شوية هيحصله ركود .. وانا عن نفسي انا مخلصتش كل المواد في اجازة تانية انا خلصت فيزيا واحيا وانجليزي .. ولاني كنت بحب العربي والرياضة قلت عادي هخليهم في الدراسة .. بس قفلت المواد دي تمام وراجعتها كمان .. وفي الدراسة كنت بزاكرهم قليل .. وكان تركيزي على العربي والرياضة ..

ونصيحتي للي هيزاكر في الاجازة ان يكون معاه صاحب .. ويشجعوا بعض ويزاكروا مع بعض .. لان سبب مزاكرتي في الاجازة بعد توفيق ربنا هو صديق ليا ..

وشوفوا قصة مزاكرتنا في الاجازة ..

كنت قاعد انا وهوا تحت البيت .. بعد الامتحانات ب 15 يوم ولقينا عيال في ايديهم كراسات وكتب .. ضحكنا عليهم .. دول بيزاكروا في الاجازة .. بس قلنا لازم نزاكر احنا كمان .. وفي نفس اليوم رحنا كلمنا المدرسين واتفقنا معهم .. وعدت السنة .. وجبت انا 98.1 وهوا 98 ودخلنا الكلية مع بعض .. ولدلوقت احنا على نفس الوضع .. بنزاكر سوا ونشجع بعض ..

القصد لازم صاحب صالح يشجعك