نيويورك تايمز: بداية غريبة لدستور الانقلابيين

[alaa 4]

أكدت صحيفة "نيويورك تايمز" الأمريكية، إن الحملة الدعائية التي تقوم بها حكومة الانقلاب لكسب تأييد المصريين للدستور الجديد، بدأت بداية "غريبة".
وأشارت الصحيفة الامريكية أن الصورة التي استُخدمت للتعبير عن الهوية المصرية تحمل أشخاص أجانب، وأن ثلاثة من الأشخاص الخمسة الظاهرين بالملصق الدعائي ليسوا مصريين.
وأردفت "نيويورك تايمز" قائلة : "نمت الشكوك حول نية صناع البوستر، فهم كانوا ببساطة يستطيعون الحصول على صور لمصريين إذا بحثوا على الإنترنت بكلمات مثل مزارع مصر، سيدة أعمال مصرية، طبيب مصر، أو جندي مصري".

http://elshaab.org/thread.php?ID=88287

[تسلم الايادى تسلم يا جيش بلادى]

و مازلنا مع الكذب و التضليل
و جريدة الكاذبين تجار الدين
مستنقع الشعب

[العمده وطنى]

مشكور على الخبر
الخبر حقيقى فالملصق موجود على الصحف المصريه والمدعومه من الانقلاب
والخبر موجود فى اليوم السابع
الانقلاب الفاشل يصنع دستورا لغير المصريين

[SHAIMAA BAYOME]

فعلا ... غربيه انهم يجيبوا اجانب يتصوروا في الاعلانات مش مصريين :\

لكن ايا كلن اللى بيعملوه فالدستور باطل

[الفيلسوف]

والله يا جماعة انا فكر واحد كان بيقولى (قول نعم للدستور علشان عجلة الانتاج تدور)
بنفس المبدأ ان شاء الله هقول نعم للدستور
بنفس مبدأ تجار الدين لما قالوا ان الدستور مش كتاب سماوى لازم نقول نعم وأى أخطاء نصلحها
انا هسمع كلامهم

[حكرش]

و مازال خفافيش الظلام و تجار الدين يحاولون تدمير مصر . اتقو الله يا من لا يمكن ان تكونو من نبت هذا البلد

[الدكتور محمد مرسى]

لماذا دائماً الإنقلابيين لايصدقون إلا أنفسهم

الصوره معلقه وفيها شخص متخلف عقلياً يسمى منغولى وإيرلندانيه وأمريكى وإيطالى

شخص جالس أمام التلفيزيون يشاهد الأخبار

الأخبار الشارع هادىء فى منطقة ... ولايوجد متظاهرين

يسمع أصوات وينظر من البلكونه فيجد مظاهره تمر عليه

يقول يا كذابين مفيش مظاهرات التلفزيون صادق

[انا تلميذ ياباشا]

الناس فكره ان المحاكمات العسكريه دي للشباب الثوري او الاخوان علشان كده بيقولولك وماله .
طيب اسمع دي يا فاضل
المدرسه عندنا من ضمن القوانين الخاصه بيها ان اتوبيس المدرسه ميستناش اي طالب لو اتاخر في النزول من البيت في الصباح لان في التزامات بمواعيد الطوابير و الحصص وكل الاهالي بيتم اخبارهم بكده .
امبارح عبد الله سواق الباص عدي علي طالب الصبح وملاقهوش فمشي حسب قوانين المدرسه واول ما وصل المدرسه ولسه الطلبه منزلوش فوجي بوالد الطالب وهو عميد بالجيش "مجدي نبيل" ساير و غضبان وجيه ناحية الباص و شد مشرفة الباص من هدومها من صدرها ,جريت عليه المشرفه الكبيره بتحاول تنقذ المشرفه وتخلصها من ايده ونزل سواق الباص يهدي و يحوش فيه .
رد العميد وقال انا عاوزها ,رد عبد الله وقاله حضرتك عندك ادارة المدرسه ممكن تدخل تشتكيها لكن تعمل فيها كده ميصحش , وجم يدخلوا المشرفه جوا الباص نط العميد وجابها من شعرها بالطرحه فدخل السواق يحوش عنها و فعلا قدر يخلصها من ايده و حسب كلام عبد الله اللي انا اعرفه انه متابع الاحداث السياسيه قالي انه كان حريص انه مايلمسهوش لما لاقاه لابس البدله علشان العميد ميتلككش ويلفقله قضيه .
المهم قدروا يهدوا العميد ومشي , فوجئ عبد الله بعديها بشويه بعربية شرطه عسكريه
جايه بتقبض عليه ولما راح معاهم عرف ان العميد اتهمه بالتعدي عليه بالسب والضرب وهو ببدلته (وده معناه ان كان اثناء خدمته ) وتهديده بالمطوه .
السواق عبد الله بكره هايتعرض علي النيابه العسكريه .
الجدير بالذكر ان العميد اجر بلطجيه من التجمع الخامس علشان يرنوا عبد الله السواق علقه الساعه 9 الصبح بكره . طيب عرفنا منين ؟؟؟؟؟
اصل لسوء حظ العميد ان عبد الله من التجمع الخامس و البلطجيه طلعوا من منطقه عبد الله و عرفينه .
المحاكمات العسكريه دي بيستغلوها في الباطل زي ما حصل مع اهالي جزيرة القرصايا و مع شريف الحصري و احمد صبري و غيرهم و غيرهم من المواطنين اللي مفيش حد جري وراهم ينشر قواضيهم .
ويبقي السؤال دائما هو الواحد ليه ميرفضش الظلم غير لما يقع عليه و يدوقه في حين ان الواحد ممكن يرفضه قبل ما يقع علي غيره او حتي عليه من ناحية الباب اللي يجيلك منه الريح سده و استريح لان مفيش حد ضامن بكره هايحصل فيه ومعاه ايه؟؟؟؟؟!!!!!
لا للمحاكمات العسكريه للمدنيين