فضفضة واحد مجهول

[هتـــلر]

بابا و ماما بحس انهم بيعاملونى بشفقه وانى لا حول ليا و لا قوه
خبو عليا حاجات كتير تحت مسمى الخوف عليا و ادينى كبرت و عرفتها و اكتشفت انى كنت ضايع تماماً و فهمت حاجات كتير صعبه لوحدى و لو كانو فهمونى كنت بقيت مرتاح اكتر
واخواتى معرفش هم بيحبونى بجد و لا لا اوقات كتير بلاقى تصرفات كلها حقد و غم منهم عشان عملت حاجه احسن منهم و اوقات بلاقيهم خايفين عليا
تعبت منهم كلهم
عاوز اعيش لوحدى فى مكان بعيد عن كل الناس
حياة الراهب جميلة بجد بس انا مسلم وبفتخر انى كده و للاسف مجبور عليا اتعامل مع الناس و استحمل
ناس كتير افلاطونيه و شايفين الدنيا بمبى فى خيالهم هيقعدو يقولو شعارات فكسانه و ان الدنيا حلوه و لازم نبص للجانب الايجابى و الخ الخ
استيقظوا يا قمامير كل الكلام المعسول بتاعكم تاثيره لحظى ومؤقت
انا فعلاً مقتنع ان الايجابيه مهمه و بتريح بس لمدى قصير اوى