زوجة شهيد الأمن الوطنى: شهادة زوجى طريق مرسى للمشنقه

[تسلم الايادى تسلم يا جيش بلادى]

حسبي الله ونعم الوكيل في الاخوان لأنهم هم اللي وراء اغتيال زوجى الشهيد المقدم محمد مبروك الذي كان يتولي ملف الجماعه من قبل ثورة يناير.

انتقم الإخوان منه فور وصولهم للسلطة ونقله من الجهاز انتقاما منه لأنه كان قوى في شغله ..و في يوم 30 يونيو يوم الثورة علي الاخوان عاد للجهاز مرة أخرى ونجح في القبض علي أغلب قيادات الإخوان وكان بيقولى قبل ثورة يناير انهم جماعه دموية وعايزين يقسموا البلد ولو وصلو للحكم تبقي البلد راحت .. وكنت لما أقوله انا خايفه عليك منهم يرد يقولى "العمر واحد والرب واحد وانا بعمل اللي يمليه عليا ضميري وخليها علي الله" ..

كان خايف جدا لان القضية مرسي متهم فيها بالتخابر مع حماس وامريكا وقالى انه قلقان تبقي القضية تخابر مع حماس فقط .. واطالب بالقصاص له حتى لا يروح دمه هدر .. ونفسي يتم إطلاق اسمه علي ميدان رابعه العدوية زي ما وعدونى وزير الإسكان ومحافظ القاهرة ...

روت زوجة الشهيد البطل كل التفاصيل منذ لحظة استقبالها للخبر المشأوم وحتى تفاصيل ما كشفه زوجها من خيانة الرئيس المعزول وجماعته
---------------------------------------------------------------------------

في يوم الحادث خرج محمد من المنزل في تمام الساعه 9:20 مساءا وقالى انا هابات في الشغل انهارده عشان عندى مأمورية وطبع قبلة علي جبين أولادنا وراح يشتري مستلزماتهم والأطعمة والحلوى التى يأخذونها قبل ذهابهم للمدرسة وبعتها مع حارس العقار وتوجه لمقر عمله في جهاز الأمن الوطنى بمدينة نصر.

حاولت اتصل بيه بعد كده الساعه 9:35 مردش وكلمته تانى مردش افتكرت انه مشغول وسيبته شوية وقولت هيكلمنى لما يخلص ولكنى فوجئت بعدد من زوجات الضباط زملاؤه في العمل يتصلون بي واحده تلو الأخرى وفي صوتهم نبره غريبه للاطمئنان علي ثم دب القلق بداخلي وحاولت الاتصال به بعد ذلك لمعرفة سبب اتصال زوجات زملاؤه بهذه الصورة ولكنه لم يرد ايضا

ظللت اتصل به حتى فوجئت بأحد الاشخاص يرد علي هاتفه وقالى التليفون ده تقريبا ضاع من صاحبه وانا لقيته وقالى لو عايزينو ابعتوا حد ياخده ولاقيته سكت كده وصوته في حاجه وتوقعت أن يكون محمد عمل حادثه أو في المستشفي لإصابته في حادث ولم اتوقع ابدا ان يكون إستشهد حتى قالي من رد علي الهاتف أن محمد في مكان احسن من اللي احنا فيه وهو دلوقتى في مكان أفضل من اللي انا وانتى موجودين فيه دلوقتى.. البقاء لله.

عرفت أنه اغتيل بالقرب من السراج مول ونزلت اجري في الشارع وانا اصرخ وابكى أحاول الوصول الي مكان الحادث ولم أكن أتوقع ما حدث نهائيا ولكن اخواتى منعونى ومسكونى عشان ماروحش مكان وفاته وقالولى هانروحلوا المستشفي عشان يمنعوني اشوفه بعد استشهاده بتلك الطريقة البشعة.

توجهت الي المستشفي وظللت منتظره هناك حتى دخلت امامى سيارة الإسعاف التى تحمل جثمانه ولم أكن أستطيع أن اتمالك نفسي من هول صدمة الحادث ولم أتخيل أن يحدث ما حدث ولما قولتله انا خايفه عليك من الإخوان، رد وقالى " شهادتى في قضية المعزول مرسى تاريخية" وقال بأن شهادته ستكتب فى تاريخ مصر ويذكر التاريخ تلك الشهادة .

محمد مقليش انه جاله تهديدات خالص ولكن بيقولى حاجه عن كده خالص لأنه مكنش عايز يقلقني بس هو كان حاسس بكده وحاسس بحاجه زى كده.

منذ فتره كان يؤدى واجب العزاء في أحد زملاؤه الذي إستشهد خلال إحدى المأموريات وعقب العزاء حكى لزملاؤه انه حاسس بأن هناك من يترصدله وقالهم "انا حاسس أن في حد بيترصدلي" ولكنه لم يكن يخبرنى بأي شئ من ذلك عشان مقلقش عليه .

محمد متولى ملف جماعة الإخوان من زمان قبل ثورة يناير ولما مسك الإخوان الحكم قرروا نقله الي 6 أكتوبر حتى يبعدوه عن جهاز أمن الدولة لأنه كان قوى في شغله جدا ولكنه في يوم 30 يونيو وهو يوم عزل مرسي صدر له قرار من وزير الداخلية بعودته مرة أخري الي الجهاز بمدينة نصر.

طبعا كنت قلقانه عليه جدا منذ أن تولى ذلك الملف ولكنه كان بيقولى "ماتقلقيش العمر واحد والرب واحد وسيبيها علي الله .

حاولت مرارا ولكنه رفض وكان بيقولى من زمان قبل ثورة يناير أن الإخوان دول جماعة دموية وأنه بيحاول أن الإخوان دول ما يوصلوش للحكم والسلطة لأنه كان بيقولى أن هدفهم هو تقسيم البلد ولازم أمنعهم من الوصول للسلطة لأنهم لو وصلو للحكم تبقي البلد راحت وانا بحاول اعمل اللي عليا علشان البلد ما تتقسمش.

فوجئت في إحدى الأيام من خلال وسائل الإعلام واصدقاؤنا انه من تمكن من القبض علي خيرت الشاطر وجابولى فيديو القبض علي الشاطر ووجدت محمد خلفه مباشرة وهو من تمكن من القبض عليه وعرفت بعد كده أن هو اللي مسك معظم قيادات الإخوان بعد ثورة 30 يونيو ومكنش بيقولى عشان مايقلقنيش عليه .

محمد الله يرحمه مكنش بيخاف خالص وعمري ما شوفتوا شايل الطبنجه بتاعته وكان دايما بينزل من غيرها وكمان كان بينزل من غير السواق وكان بيسوق هو سيارته بنفسه رغم أن معاه 2 سواقين خاصيين بيه وكان دائما يتوكل علي الله في كل مشاويره.

وعن قضية تخابر مرسى قالت : انا عرفت تفاصيلها من التليفزيون والبرامج وهو مكنش بيقولى حاجه بس قالى ان القضية مرسي متهم فيها بالتخابر مع حماس وأمريكا وقالى انه خايف أن القضية يحاكم فيها بالتخابر لحماس بس وكان قلقانه اوى من كده.

http://www.elbashayer.com/news-314145.html

[العمده وطنى]

مشكور على الخبر
لم ي ق ت ل ه الا الانقلاب
الانقلاب ارهابى ومغيب وكمان عبيط

[انا تلميذ ياباشا]

إن شاء الله الى المشنقه كل إنقلابى ق ا ت ل
شهادة المتوفى ستكون أمام الله ويومها لاينفع الندم