انت فى ايدك تحـول حياتك للأحسن !!!

[مشتاقة لقيام الليل]

السـلام عليكم ورحمة الله وبركاتهّ
.......
بتطلب من ربنا الشهادة وانت متعرفش حاجة عن بلدك ، بتطلب منه تنجح وانت مبتفتحش كتاب ، بتطلب منه الرزق وانت عاطل ، بتطلب منه الستر وانت بتفتن علي طوب الآرض ، بتطلب منه الصحه وانت هاري نفسك سجاير ، بتطلب منه الزوجة الصالحة وانت ممرمط بنات الناس معاك ، بتطلب منه العطف وانت عاق لآمك وأبوك ، بتطلب منه حسن لقاه وانت مبتقابلوش مره واحده فـ صلاتك ، بتطلب منه العفه وانت عينك مش مبطله بصبصه علي اللي رايحه واللي جايه ، بتطلب منه المال وانت بتقطع علي غيرك في مكان أكل عيشه ، عايز تروح تحج وانت مبتصليش اصلآ ، نفسك حياتك تتصلح وانت بعيد عن اللي اداك فرصة الحياه دي اصلآ ، نفسك تعيش فـ مجتمع أنضف من ده وانت بترمي زبالتك فـ الشارع ، نفسك ربنا يرزقك بالزوج الصالح والحياه الكويسة وانتي بتكلمي ولاد فـ نص الليل من ورا اهلك ، عايز تغير حياتك وتبعد عن كل الناس الوحشه فـ الدنيا وانت العيب كله فيك اساساً ، عايز شرع ربنا يتطبق فـ الآرض وانت اخرك فـ حفظ القرآن "سورة الفاتحة" ، عايز الناس متتدخلش فـ حياتك وانت حاشر نفسك في اللي يخصك واللي ميخصكش ، عايز الناس تحترمك وانت قليل الآدب ومش متربي ، عايز الناس متخدعكش وانت الغدر فـ طبعك ، عايز تسرق وتنصب وتعمل كل البلاوي وفـ الآخر متاخدش عقاب ، عايز تبقي أحسن حد فـ الدنيا وانت قاعد فـ مكانك مكسل تقوم تجيب كوباية ميّه لنفسك .. فـ إيدك تحول حياتك للأحسن .. بس دا لو لسه جواك اصلآ أحسن !!
.........

[Yasmeena.R]

بس دا لو لسه جواك اصلآ أحسن !!

لو كانت بدون الجملة دى اصل دا احباط ع الاخر

بس كلام في محله

[..: Pink rose :..]

جزاك الله خيرا

[هتـــلر]

كلام فى الصميم
احسنتى بجد

[مشتاقة لقيام الليل]

شكرا لكمـ .. نورتمـ التوبيتكـ
أتمنى تكونوا استفدتم أى حاجه .. وياريت كل واحد يبدأ يغير حياته
بايديه .. وشكراا .