حصص صوتية لعلم النفس .... متجدد لمستر حسين البيطار

[شروق الشمس...]

شرح منهج علم النفس للثانوية العامة على اليوتيوب مع المستر حسين البيطار
محاضرة اولى علم نفس بتاريخ 20-9-2013 تعريف علم النفس

[أ/ تامر صفوت]

شكررررآ استاذ محمد ولكن هذا منهج 2 ثانوي
نأكد علي الطلاب عشان محدش يفتكر ده منهج 3 ثانوي

[metoo_negar]

استاذ تامر من فضلك بالله الحقنى بمذكره سنه اولى

[خالد البش]

بعد اذن الاستاذ تامر صفوت هقول راى بس خاص بالحصة الصوتية اللى عرضها الاسطورة حسن
بس متزعلش من كلامى و ارجو تاخده من اخ صغير و ده مجرد نقد بسيط
اولا شرح عقيم لا يرتقى لطالب قانوية عامة ده كانك بتشرح لطالب ابتدائى سبع دقايق علشان تشرح تعريف سطر و نص و كمان الشرح ناقص و فيه حاجات غلط فى الشرح كتير
لما تاخد سبع دقايق فى شرح سطر و نص يبقى عايز سنتين تشرح فيهم المنهج
كمان فقرة التفسير و التنبؤ و التحكم غلط بالكامل او على الاقل شرح لا يسمن و لا يغنى من جوع و معلومات خاطئة مليون فى المية
و تقبلو وافر الاحترام و الشكل الاستاذ عمرو مصطفى (ماجستير علم نفس - دبلوم عام فى التربية )

[شروق الشمس...]

محاضرة اولى علم نفس بتاريخ 20-9-2013 تعريف علم النفس
[/quote]

[شروق الشمس...]

الاستاذ المحترم الموقر السبع دقائق ونصف طبعا كتير على تعريف علم النفس لكن حضرتك مش واخد بالك ان الشرخ بدأ بعد الدقيقة الثانية ونقطة كمان انا شارح تعريف علم النفس بالطريقة دى لان مش كل الطلاب فى درجة حضرتك العلمية وفاهم بسرعة ده فعلا كأنه شرح لابتدائى ومن وجهة نظرى صح علشان اكبر قدر يستفيد مش فئة معينة بس ثانيا نقطة التفسير الغلط ؟؟؟؟ مش فاهم قصد حضرتك ايه الصح برجاء الافادة لو عندك افادة اصلا ... نقد بهدف الاعتراض شكرا ليك

[شروق الشمس...]

ده فيديو من موقع كايرو دار بيأكد نفس التوضيح اشكرك يا فندم واتمنى من حضرتك مشاهدته جيدا ولو كان ليك نقد اتمنى انه يكون على الاسلوب مش اكتر اما الاسلوب فأنا قاصد هذا الاسلوب بالذات الشرح البطيئ لان زى ما انت عارف الفروق الفردية ونقطة اخيرة تكملة تفسير الظواهر السلوكية وامكانية حدوثها مستقبليا ده هتكون فى المحاضرة التانية مع شرح الهدف القريب والبعيد وتعريف السلوك مره تانية شكرا على وجهة نظرك

[معلم طالب علم]

اعتذر علي التطفل والمشاركة هنا
الاختلاف في الراي لا يفسد الود بيننا

وكل شخصي له اجتهاده ورؤيته الخاصة في شرح الماددة
ولكن عندما نقول حصص صوتية تكون هنا علي الموقع وليس موقع شخصي علي اليوتيوب خاص بمدرس
لا مانع من ذلك
وكن يقول موقعي علي اليوتيوب مثل مستر تامر كاتب هذه قناتي
من اراد يدخل من لا يريد لا يدخل
ولكن قول حصص صوتية نقصد بها علي الحصص والاسئلة والاجوبة علي هذا الموقع المحترم
ونشكر الجميع علي الاجتهاد

[خالد البش]

بص يا استاذى الفاضل انا ماليش انى احكم على حضرتك الطالب بتاعك يحكم عليك انا ماليش دعوة انت بتكلم طالب ثانوية عامة اللى كمان كام شهر هيبقى فى كلية و مش هيلاقى حد يفهمه انت بقى متعود على الشرح الابتدائى ده يبقى دى حاجة تخصك انت و حتة انك جايب فيديو و كاتب انه بيأكد بنفس التوضيح ده بيدل ان حضرتك مش واسع المعرفة و لا عندك اطلاع اساسا انا بتكلم واحد الماجستير بتاعه فى علم النفس التربوى و واخد دبلومة تربوى بتقدير امتياز يعنى واحد فاهم هو بيقول اية كويس اوى كون انك تشرح كلمة التفسير و التنبؤ و المصيبة كمان التحكم اللى انت شرحته ده فى حد ذاته مصيبة
و لو عايز تتعلم و تفهم ده رقمى 01091358287 و اسمى الاستاذ عمرو مصطفى اتصل بيا و انا هعلمك تشرح المنهج القديم ازاى و انت اللى تحكم على نفسك مش انا
و تقبلو جزيل الشكر و وافر الاحترام

[شروق الشمس...]

مش هدخل معاك فى جدال يا استاذ عمرو وشكرا ليك .... انما حكاية مش واسع المعرفة دى حاجه تخصنى وذكرتلك مثال فى الشرح من ضمن مليون مثال وحكاية ان الاسلوب اسلوب ابتدائى علشان مبسط للطالب اى كان مستواه وحضرتك انا اتشرف بتعليم حضرتك لانه مش عيب ده شرف ليا اتعلم من اى استاذ مهما كان حجمه وعلمه مرة تانية شكرا لتعليق حضرتك وبالتوفيق

[واطسون]

الاستاذ / شروق الشمس انت راجل محترم ومهذب وشكرا على مجهودك
الاستاذ عمرو / ارجوا ان تكون النصيحه اذا كانت صادقة لا تكون بهذا الاسلوب نحن معلمين واتمنى التوفيق للجميع

[شروق الشمس...]

شكرا لحضرتك استاذ واطسون ونتمنى جميعا الاستفادة من خبرات بعض ده شرف ليا

[حمدى حسام]

والله حاجة جميلة و شرح بسيط ومفيد أكثر للصف الثانى واحنا عارفين أن مستواهم ممكن يعنى فيه كلام
وشكرا لك يا مستر وربنا يوفقك ومتبخلش علينا بشرح للصف الثالث
بس اوعى تكون دى نزوة وخلاص مش هتكمل بعدها

[sherif shawky]

عمل رائع وجهد مشكور لك أستاذ حسين ومتشغلش دماغك بكلام أى حد إستمر فى عملك لإن للأسف اللى بينقد دلوقتى بقى بيغلط مش بينقد (للحوار آداااااااااااااااااااااااااب)