صورة و معاني كل يوم صور جديدة

[mfa1]

[mfa1]

يا ترى فيه طريقة تقدر تحمى بيها نفسك من الإصابة من فيروس سى , بتاع الكبد ؟؟
.
.
.
.
.
.
.
.
.
آه فيه .. بإذن الله

الفيروس فى أغلب الأحيان بينتقل عن طريق الدم .. و عشان كده : ..

لما تروح لدكتور الأسنان بالتحديد , اتأكد إن كل الادوات اللى حيتم استخدامها معاك , معقمة , و لسه طالعة من فرن التعقيم , أول بتستخدم مرة واحدة و تترمى ..

ما تمدّش إيدك على الأدوات الشخصية بتاعة حد تانى , حتى لو كان عندكوا فى البيت , والدك أو أخوك , .. مثلا : ماكينة الحلاقة / فرشاة الأسنان / القصافة .. إلخ .. كل واحد يبقى له أدواته الخاصة بيه ..

لما تروح للحلاق , حاول تخليه يستخدم معاك موس جديد لسه طالع من ورقته , و ترميه بنفسك فى الزبالة لما تروّح , ..

حاولى ما تتشاركيش دبابيس الطرحة مع صاحبتك , عشان ممكن تنقل العدوى بينكم ..

حذر أطفالك من اللعب فى الشارع بالأدوات الحادة , أو الحاجات اللى ممكن تعوّرهم بأى شكل ..

تجنب إنك تعمل حجامة , عند ناس مش موثوق فيها , عشان الأدوات بتاعتهم ممكن ما تكونش نظيفة بالشكل الكافى .. و العملية دى , ممكن يبقى فيها خروج دم من جسمك ..

حاول تتجنب إنك تدّى حقنة لحد , و إذا حصل , فحاول تقفلها بشكل صحيح , زى الفيديو ده ..



النصيحة : كبدك أمانة من ربنا .. حافظ عليه ..

حمّل المطوية الملخصة فى التوعية من الالتهاب الكبدى الوبائى من هذا الرابط ..

http://www.mediafire.com/?ce6ic6o20z5n958

المطوية دى كنز بجد , احرص على طباعتها و الاحتفاظ بيها .. فيها معلومات أجمد و أجمد .. و لو فيها أى استفسار , اسأل الصيدلى اللى بتثق فيه

[mfa1]

عشان صحتك تهمنى , حاقول لك النهاردة , على شوية تنبيهات مهمة أثناء الحمل , نرجو الاهتمام بها ..
.
.
.
.
.
.
.
.
ما ينفعش الحامل تاخد أى علاج من نفسها , مهما كان أمانه (قبل الحمل) , عشان ممكن يكون خطر ع الجنين ..

سكّر الحمل ممكن ما يستمرّش بعد انتهاء فترة الحمل , لكن اللى بيحصل لها سكر حمل , بتكون معرّضة أكثر من غيرها , إن ييجى لها سكر , فيما بعد .. فلازم تتطمن على نسبة السكر , بتحليلها فى الدم , كل شهر أو شهرين ..

الحموضة أثناء الحمل شائعة جدا .. و سببها مش بيكون "شعر الطفل" , زى ما بعض الأمهات بيعتقدوا , و لكن بيكون سببها زيادة هرمون البروجستيرون فى الدم , و اللى بيكون له تأثير باسط للعضلات اللاإرادية , فيقلل من قدرة فتحة الفؤاد على الانغلاق التام , أثناء عملية الهضم !! .. بجانب أن حجم الرحم لما يزداد , بيضغط على المعدة , و بيخلّى الحموضة ممكن تظهر بشكل متكرر ! ..

الاهتمام بالتغذية السليمة أثناء الحمل (فيتامينات و خضروات و حديد و أكل صحى و كده ) , مهم جدا للجنين , و لكنه مهم أكثر للأم , عشان الجنين بياخد حقه من الحاجات دى من الأم (تاااااالت و متلت) , و الأم هى اللى ممكن "تتظلم" لو ما أخدتش بالها من نفسها و عوّضت الحاجات اللى بتنقصها دى , .. و إلا ممكن تدخل فعلا فى مشاكل كبيرة , زى الانيميا و هشاشة العظام , على سبيل المثال !! ..

من الأفضل - من أول بداية الحمل - إننا نتناول أقراص حمض الفوليك , عشان نساعد فى تكوين الجهاز العصبى بشكل صحيح و متكامل عند الجنين , و ده خلال أول شهرين من الحمل كحد أدنى ..

أهم معلومة بقى : الـ Nitrofurantoin .. أو الـ يوفامين ريتارد .. : ما ينفعش يتعطى لواحدة حامل فى شهرها الأخير من الحمل , عشان ممكن يسبب Hemolysis عن الطفل , لا قدر الله ..

ليه و إزاى ؟؟ ..

شوف معانا ليه ع الرابط ده

https://www.facebook.com/photo.php?f...levant_count=1

العلاقة الزوجية غير ممنوعة أثناء الحمل , إلا فى شروط محددة , منها مثلا , وجود إجهاض منذر (نزول لنقط دم) , أو اتسام العملية ب*** مفرط أو التحميل على منطقة البطن .. أو عزوف السيدة عن العلاقة الزوجية (نفسيا) , بسبب اضطراب الهرمونات (الطبيعى جدا) , خلال الـ 3 شهور الأولى من الحمل .. و شاهد الدليل بالفيديو

http://youtu.be/Oxv-Vl9I0N4

ملحوظة : إوعى تقول "لا حياء فى العلم" , أو "لا حياء فى الطب" .. أو "لا حياء فى الدين" .. الـ 3 حاجات دول , كلهم حياء و عفاف .. و لكن قل "لا حرج فى علم أو الدين أو الطب" .. و الحرج هو الكسوف , اللى ممكن يكون غير مبرر .. و ده غير الحياء طبعا ! ..

لو عجبتك المعلومات , اضغط شير .. و استمتع بمحاضرة كاملة عن الأدوية أثناء الحمل , بالفيديو عالى الجودة , على الرابط ده

http://youtu.be/9h7e1dHTE9I

[mfa1]

[mfa1]

[mfa1]